Taitɔ 2:14 - Ku̍o̍ Delee 1999

¹⁴ Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Taitɔ 2:14 Iomraidhean Croise

Matio 1:21

Ɔ̍ mu̍ jɔ̍gbau jǔ wlǔh-i, nɛ̀ ìn dǎɛ ɔ̍ Jusu, ɛ̍ gbɔ̀ nu̍ Nyɔsoa sèìe àɔ̀. Dɛ̍nu̍ɛ, ɔ̍ mu̍ ɔ̍ nyɔ̍ sèìe dě u̍h-a gblɛ̍n sɔ̀ɛ̀n di̍i̍.”

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Matio 3:12

Ɔ̍ blě dɛ̍ i̍ bla̍ tu̍ kwa̍ wɛ̀ ɔ̍ iě dɛ̍ i̍ bla̍, nɛ̀ ɔ̍ mu̍ ɔ̍ kwǐ kɛnɛ̌-a chɛ̀ dě slǎ po̍. Jɛ ɔ̍ mu̍ i̍h-a fli̍h dě nɛ̍ ɛ̀ se̍-a mɔ̌ la̍ kɔn-ɛ di̍i̍ po̍.”

Chɔɔn 10:15

Ka ǐn Baa nu̍-a ǐn juo-ɛɛ, kǎ ǐn nu̍ ɔ̍ juo-ɛ ke. Ǎn sà ǎn feɛ kwlǎ dǒ blawɛ̌ᵻ we̍.

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Nu̍-dɛ̍ᵻ 15:14

Samo sèàɛ̍ àɔ̀ wlùh tiɔ, ɔ̍ la̍ Nyɔsoa iě-a ùh se̍-a Juu nyɔ̍-ɛ ja̍ gbɛ̀n-ɛ i̍ sàɛ̀-ɛ, dǒ ɔ̍ sà-ɛ nyɔ̍ dě u̍h nynɛ̌ ɔ̍ nynɛ̌ iě u̍h kɛ̍n nɛ.

Nu̍-dɛ̍ᵻ 15:9

Ɔ̍ se̍ u̍h ke àɔ̀ deě i̍ gblè, ɛ̍ kɔn ɔ̍ nu̍ u̍h-a pɔluh-a wlaǎwla u̍h-a wlùh gbaɛ blě tìh.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Nu̍-dɛ̍ᵻ 9:36

Nɛ̀ nynɔ̌ due nɛ dǒ Jɔɔpa wlɔ̀ di̍i̍ ɔ̍ nynɛ̌ bo Tabita (ɛ̍ Klii wlu̍ nu̍ Dɔɔka. Ɛ̍ gbɔ̀ nu̍ kwɛ̍). Ɔ̍ blě wlùh gbaɛ-ɛ. Ɔ̍ nu̍ dɛ̍ᵻ chɛ̀ ti̍ kli̍hgbɛ̍ we̍ iě ɔ̍ gbǎ nyɔ̍gbà nyɔ̍ we̍.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Kelesea 3:13

Klai pùhbɔ à kɛ̍ɛ̍n dǒ kàɔ̀ telě-a mu̍-a à dlǔ wlǎ de-ɛ we̍. Kàɔ̀ ɛ̀ iě-a à dlǔ wlǎ de-ɛ, ɛ̍ bo ɛ̀ wlǎ-a dǒ Klai dlǔ dǒ à wɔ̀ɔ̀. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ u̍h pèle-a dǒ tu̍ wlì-ɛ, nɛ̀ kàɔ̀ gbɛ̍n ɔ̍-ɛ.”

Ɛfɛsɔ 1:11

Dɛ̍ᵻ kli̍hgbɛ̍ ìh kɔn di̍i̍chì Nyɔsoa chɛ̍n-aɛ, i̍h bo ìh-a nɛ. À ke Klai ke à nɛ due, ɛ̍ kɔn ɔ̍ tba̍ àɔ̀ chèɛ̀ à iě ɔ̍ nyɔ̍ nu̍. Ɛ̍ bo ɔ̍ po̍ gbɔ̀ se̍e̍, iě ɛ̍ tè-e ɔ̍ wlùh i̍.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

1 Timote 2:10

Jɛ nynɔ̌gbaɔᵻ ùh-a pɔ̀n-a Nyɔsoa nyɔ̍ nu̍-ɛ i̍-ɛ, nɛ̀ nu̍-dɛ̍ᵻ chɛ̀ bo ìh wɛɛn dǒ u̍h pùn i̍.

1 Timote 2:6

Ɔ̍ sà ɔ̍ chɛ̀ kwlǎ ɔ̍ iě kmɔ̌ nyɔ̍ kli̍hgbɛ̍ kɛ̍ɛ̍n pùhbɔ. Ka Nyɔsoa-a pɔ̀n-a nyɔ̍ kli̍hgbɛ̍ iě-a pǔh-ɛ, ɛ̍ bo ɛ̀ flɔn-ɛ ɛ̍ we̍i̍ dǒ ti̍ ɔ̍ tba̍-a di̍i̍.

1 Timote 6:18

Chlì u̍h-a dounᵻ u̍h iě gblɛ̍n-ɛ nmɔ, u̍h-a dɛ̍ᵻ chɛ̀ i̍ nu̍-ɛ iě nya̍ pàn-ɛ, u̍h iě kwa̍ pɔ̀ni.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 10:24

Mɔ̀ à fùka-ɛ wlùh we̍ dǒ jbɛɛ ke nu̍-dɛ̍ᵻ chɛ̀ we̍.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

Chiin 4:8

Mɔ̀ kɔǎɛn Nyɔsoa we̍ i̍, nɛ̀ ɔ̍ mu̍ mɔ̀ we̍ i̍ kɔǎɛn. Gblɛ̍n sɔ̀ɛ̀n nyɔ̍, mɔ̀ dle kwa̍. Wlùh sɔɔ̌n i̍ gbè-a nu̍-u nyɔ̍, mɔ̀ nu̍ mɔ̀-a wlùh-a wlaǎwla.

1 Pitɛ 1:18

Mɔ̀ juo ka Nyɔsoa nu̍-a mɔ̀ kɛ̍ɛ̍n pùhbɔ-ɛ dě mɔ̀ baaᵻá pɔ̀ɔ̍pìe̍ kmɔ̌ di̍i̍-ɛ. Ɔ̍ se̍ sebla̍ ke kòo̍ ìh-a gbɔ̀lɔ-aɛ nu̍ dǒ mɔ̀ kɛ̍ɛ̍n pùhbɔ la̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 1:9

Jɛ pò à sà à gblɛ̍n sɔ̀ɛ̀n gbɔ̀ i̍ dě Nyɔsoa ɔ̀-ɔ gblìh-a wlu̍ kɛ̍n iě ɔ̀ slɛ̌-a i̍-ɛ we̍-ɛ, nɛ̀ ɔ̍ mu̍ à gblɛ̍n sɔ̀ɛ̀n-a tìh i̍ tǎli, wɛ̀ ɔ̍ iě à se̍ i̍ slɛ̌ gblɛ̍n kli̍hgbɛ̍ wɔ̍lɔ pihpǐh.

1 Chɔɔn 3:2

Ǎn tìh kma nyɔ̍, àɔ̀ Nyɔsoa-a nynuu̍ nɔ̀ɔ̍ wɛ̀, jɛ ka à mu̍-a nɛ dě nya̍-ɛ, ɛ̍ se̍ we̍i̍ flɔn ke̍. Jɛ à juo ka à mu̍-a nɛ-ɛ, ti̍ ɔ̍ mu̍-a àɔ̀ kɛ̍n wlǔh-iɛ, nɛ̀ à mu̍ ɔ̍ wɔ̀. Dɛ̍nu̍ɛ, ka ɔ̍ nɛ-aɛ, nɛ̀ à mu̍ ɛ̍ jě.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.