Taitɔ 2:13 - Ku̍o̍ Delee 1999

¹³ À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Taitɔ 2:13 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 25:31

Jusu la̍a̍, “Ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍ wɛ̀ ɔ̍ ke ɔ̍ ǐnchɔ̀ iě-a na-ɛ, nɛ̀ ɔ̍ mu̍ i̍ tè dǒ ɔ̍ nynɛ̌ gbalǎ kɛ̍n.

Matio 26:64

Wɛ̀ Jusu la̍a̍, “Ka ìn dǎ-ɛ, nɛ̀ kǎ ɛ̍ nɛ. Jɛ bɔ̌ ǐn sèàɛ̍ mɔ̀ kli̍hgbɛ̍ wlùh, dě nya̍-ɛ, mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Pɔ̀n Chɛ̀ Maɛ To-a La 14:62

Jusu la̍a̍, “I̍i̍n, mɔ̍ bo, nɛ̀ mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Pɔ̀n Chɛ̀ Maɛ To-a La 8:38

Nyɔ̍-o-nyɔ̍ ɔ̀ mu̍-a ǐn ke ǎn nǎ poe wlu̍ tɛ̀n i̍ ple̍-e da̍a Nyɔsoa wɔ̍n blaɛ ke gblɛ̍n sɔ̀ɛ̀n kmɔ̌ la di̍i̍-ɛ, nɛ̀ ti̍ Nyi̍ɔ̍-a Jǔ ke Nyɔsoa-a ǐnchɔ̀-a mu̍-a ji̍ dě ɔ̍ Baa-a tìh-a i̍ bɛ̌-ɛ di̍i̍-ɛ, nɛ̀ ɔ̍ mu̍ nyɔ̍ laa̍ tɛ̀n i̍ ple̍-e ke.”

Nu̍-dɛ̍ᵻ 24:15

Nyɔsoa due u̍h tè-a wlì-ɛ, ɔ̍ bo ǐn tè wlì ke. Ǐn tè ɛ̍ wlì nyɔ̍ sɔ̀nᵻ ke nyɔ̍ chɛ̀ ùh mɛ̌-aɛ, u̍h-a mu̍-e wlǔh dode̍.

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

Wloma 5:5

Nɛ̀ wlùh i̍ kɔ̍ dɛ̍ se̍ à si̍h wɔ̍n po̍ mu̍, dɛ̍nu̍ɛ, Nyɔsoa-a Sùù ɛ̀ ɔ̍ nyǐ-a àɔ̀-ɛ, ɛ̍ nu̍ ɛ̍ iě Nyɔsoa jbɛɛ àɔ̀ kaa̍.

Wloma 8:18

Dɛ̍ ǐn juo-a i̍-ɛ, ɛ̍ nu̍, tìh-a i̍ bɛ̌-ɛ jɛ Nyɔsoa-a mu̍-a à nyǐ dě nya̍-ɛ, ɛ̍ gbǎ dɛ̍kɛ̍n kaa̍ ɛ̍ sìì jua̍i̍ à sàɛ̀-a ka da̍a ti̍ la di̍i̍-ɛ.

1 Kɔwlɛntiɔn 1:7

Ɛ̍ kɔn mɔ̀ se̍ Nyɔsoa-a nyǐ-dɛ̍ᵻá dɛ̍-o-dɛ̍ pɔ̀ dě mɔ̀-a à Joi Jusu Klai kɛ̍ɛ̍n fuo-ɛ di̍i̍ dǒ ɔ̍ de̍ ji̍ la̍.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

Kalase 1:5

Mɔ̀-a nu̍ ìh la, dɛ̍nu̍ɛ, ɛ̀ mɔ̀ kɔ̍-a wlùh i̍-ɛ ɛ̍ tè-eɛ i̍ dě ja̍i̍wlɔ̀ dǒ mɔ̀ we̍. Ti̍ tìh-a taǐn pɔ̀n chɛ̀ sàɛ̀-a ji̍-ɛ i̍ dě mɔ̀ we̍-ɛ, dǒ mɔ̀ wɔ̌n-ɛ wlùh kɛ̍n i̍ kɔ̍ dɛ la ɛ̍ nynɛ̌.

Kalase 3:4

Klai ɔ̀ nu̍-a mɔ̀-a kmɔ̌ nɛ-ɛɛ, ti̍ ɔ̍ mu̍-a tà wlǔh-ɛ, nɛ̀ mɔ̀ ke ɔ̍ mu̍ tà wlǔh dě tìh-a i̍ bɛ̌-ɛ di̍i̍.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

2 Tɛsoloniɔn 2:8

Wɛ̀ Nyɔ̍ Sɔ̀n iě tà wlǔh-ɛ dǔ. Jɛ nɛ̀ Joi Jusu-a mu̍ ji̍, wɛ̀ ɔ̍ iě nyɔ̍ kɛ̍n wlǔh-i. Nɛ̀ ɔ̍ mu̍ Nyɔ̍ Sɔ̀n-a chɛ̀ dbǎ dǒ ɔ̍ poɔ-a mu̍-a dě ɔ̍ wɔ̍ɔ̍n sɔ-ɛ we̍. Wɛ̀ ɔ̍ iě ɔ̍-ɔ gbɔ̀lɔ dǒ ɔ̍ ji̍ la̍.

1 Timote 1:1

Wlu̍ la ɛ̍ sɔ nɔ̌ mɔ̍ Pɔɔ ɔ̀ nu̍-a Jusu Klai-a gba̍tòà-a we̍. Nyɔsoa ɔ̀ sèìe-a àɔ̀-ɛ ke Jusu Klai à kɔ̍-a wlùh i̍-ɛ, dǒ u̍h-a wlu̍ kɛ̍n bo ǐn nui gba̍tòà.

2 Timote 1:2

Wlu̍ la ɛ̍ mu̍ dě ǎn tìh kma jǔ Timote we̍. Ǎn sà nǐ wɔ̍n Baa Nyɔsoa ke à Joi Jusu Klai-a blɛ ke wɔɛ ke wlùh-a i̍ tè-ɛ iě dǒ ìn we̍ nɛ.

2 Timote 4:1

Dǒ Nyɔsoa ke Jusu Klai jɔ mu̍-a mɛ̌-nyɔ̍ ke kmɔ̌ nɛ nyɔ̍-a sàwi̍h sì-ɛ jǔ bo ǎn poe ka ìn slǔh. Dɛ̍nu̍ɛ, ɔ̍ mu̍ ji̍ ɔ̍ iě kmɔ̌ wlu̍ i̍ kɔn.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

Taitɔ 1:4

Taitɔ, dě ìn we̍ bo wlu̍ la ɛ̍ ji̍. Mɔ̀ ǎn gblangbai̍ jǔ dě wlùh gbaɛ à klɛ̀ɛ̀n-a kwa̍a̍ i̍-ɛ di̍i̍. Ǎn sà nǐ wɔ̍n Baa Nyɔsoa ke Jusu Klai ɔ̀ nu̍-a à Sèìe Nyɔ̍-ɛ, u̍h iě ìn blɛ ke wlùh-a i̍ tè-ɛ nyǐ.

Taitɔ 3:4

Jɛ Nyɔsoa ɔ̀ nu̍-a à Sèìe Nyɔ̍-ɛ, ti̍ ɔ̍ gblɛ̍n-ɛ nmɔ-ɛ ke nyɔ̍-ɔ jbɛɛ-ɛ wlǔh-a tà-ɛ,

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Pitɛ 1:7

Ìh la i̍h-a nɛ-ɛ wɛ̀ ɛ̍ iě ɛ̍ to ka mɔ̀ blě-a wlùh gbaɛ chɛ̀ɛ̌chɛ̀-ɛ. Kòo̍ jih-a gbɔ̀lɔ-aɛ, i̍h bo u̍h-a tɛ̀n dǒ nɛ̍ we̍. Jɛ mɔ̀-a wlùh gbaɛ-ɛ jɛ gbǎ-a dɛ̍kɛ̍n ɛ̀ sìì-a kòo̍-ɛ, ɛ̍ bo ɛ̀ se̍-e tɛ̀n-ɛ mu̍ ae? Ɛ̍ mu̍-u tɛ̀n-ɛ wɛ̀ ɛ̍ iě i̍ ku̍, nɛ̀ ti̍ Jusu Klai-a mu̍-a nyɔ̍ kli̍hgbɛ̍ kɛ̍n wlǔh-iɛ, wɛ̀ mɔ̀ iě tìhwe̍ po̍-ɛ ke, tìh-a i̍ bɛ̌-ɛ ke ja̍ tè-ɛ jě.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.

1 Chɔɔn 4:14

À jě ɛ̍ iě à sèàɛ̍ nyɔ̍ɔ wlùh ka Baa Nyɔsoa dbo̍-a ɔ̍ Jǔ ɔ̍ iě-a kmɔ̌ la ɛ̍ Sèìe Nyɔ̍ nu̍-ɛ.

Judi 1:21

Mɔ̀ naɛ dě Nyɔsoa-a jbɛɛ di̍i̍ ma̍u̍, nɛ̀ mɔ̀ fuo kmɔ̌ sie feɛ à Joi Jusu Klai-a mu̍-a mɔ̀ nyǐ ɔ̍ wɔɛ kɔn tìh-ɛ.

Wlɛfeleseɔn 1:7

Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.