Taitɔ 2:12 - Ku̍o̍ Delee 1999

¹² Iě ɛ̍ toe àɔ̀ dɛ̍, à iě se̍ Nyɔsoa dɛ-ɛ nɛ ke kmɔ̌-a pɔ̀n-dɛ̍ᵻ sɔ̍n we̍ sà. Wɛ̀ à iě à chɛ̀ i̍ gbɛ̍n, à iě i̍ slɛ̌, wɛ̀ à iě Nyɔsoa dɛ-ɛ nɛ da̍a kmɔ̌ la we̍.

Taitɔ 2:12 Iomraidhean Croise

Matio 12:32

Nyɔ̍ ɔ̀ mu̍-a Nyi̍ɔ̍-a Jǔ wlu̍ sɔ̀n pùn po̍-ɛ, ɔ̍ gblɛ̍n sɔ̀ɛ̀n-a tìh-a mu̍ i̍ tǎli-ɛ. Jɛ nyɔ̍ ɔ̀ mu̍-a Nyɔsoa-a Sùù wɔ̍n blaɛ-ɛ, nɛ̀ ɔ̍ gblɛ̍n sɔ̀ɛ̀n-a tìh se̍ i̍ tǎli-ɛ mu̍ kaka ke nɔ̌ kmɔ̌-a kmɔ̌.”

Matio 16:24

Wɛ̀ ɔ̍ la̍a̍ dě ɔ̍ kòà we̍, “Pò nyɔ̍-o-nyɔ̍ ja pɔ̀n ɔ̍ iě dǒ ǐn de̍e̍ gbǎ-ɛ, nɛ̀ ɔ̍ tǎli ɔ̍ chɛ̀-a wlùh gbɛ̍n dɛ̍ᵻ i̍, ɔ̍ iě ɔ̍ naɛ gbàɛ̍ kɛ̍n i̍ tu̍-u dǔ, wɛ̀ ɔ̍ iě dǒ ǐn de̍e̍ gbǎ.

Matio 28:20

Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Pɔ̀n Chɛ̀ Luu To-a La 1:6

U̍h nɛ-a sɔɔ̌n-ɛ, u̍h-a nu̍-dɛ̍ slɛ̌ i̍ dě Nyɔsoa jlǐh. U̍h-a tè-o Joi-a telě kli̍hgbɛ̍ i̍.

Pɔ̀n Chɛ̀ Luu To-a La 1:75

Wɛ̀ à iě Nyɔsoa i̍ wɛ̀ɛ̀, à iě i̍ slɛ̌ dǒ ɔ̍ jlǐhwai dǒ wǐh kli̍hgbɛ̍ à mu̍-a nu̍ nɔ̌ kmɔ̌ we̍-ɛ di̍i̍.

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 6:25

Ti̍ u̍h jě-a Jusu dě pɛ̍nu̍ klaa-a fɔ̌ dɛɛ we̍-ɛ, wɛ̀ u̍h la̍a̍, “Dlǔtu, ti̍we̍ ìn nyni̍ nɔ̍ɔ̀ ɛ?”

Nu̍-dɛ̍ᵻ 24:16

Ɛ̍ kɔn ǎn po̍-e gbǐh ti̍ kli̍hgbɛ̍ we̍, wɛ̀ nɛ̌ je̍e dɛ̍ nu̍ ɛ̍ je̍e ǎn wlùh-u kǎ dǒ Nyɔsoa ke wlɔ̀ nyi̍ɔ̍ we̍.

Nu̍-dɛ̍ᵻ 24:25

Jɛ i̍-i slɛ̌-ɛ ke, nyɔ̍-a chɛ̀ i̍ gbɛ̍n-ɛ ke, sàwi̍h sì-ɛ ɛ̀ mu̍-a ji̍-ɛ, Pɔɔ-a sà-a la̍ i̍h-a tìh i̍-ɛ, sɔ File gbǎ faɔn. Iě ɔ̍ la̍a̍, “Mu̍ ke̍ sèàn, pò ǐn jě ti̍ dɛ-ɛ, nɛ̀ ǎn mu̍ ìn dǎ.”

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

Wloma 6:12

Nɛ̀ɛ̍, mɔ̀ bɔ̌ wɔ̌n-ɛ gblɛ̍n sɔ̀ɛ̀n bɔ̌ mɔ̀-a ku̍ ɛ̀ mu̍-a mɛ̌-ɛ wlu̍ i̍ kɔn-ɛ wɛ̀ mɔ̀-ɔ je̍e ɛ̍ wlùh dɛ̍ᵻ dɛ̍ɛ̍ jě.

Wloma 6:19

Kmɔ̌ nyɔ̍-a flɔ̍nwlùh bo ǎn wlu-i da̍a, dɛ̍nu̍ɛ, mɔ̀-a gbǐh-a mɛ̌-ɛ dǒ dɛ̍ɛ̍ i̍ wɔ̌n-ɛ we̍. Ka mɔ̀ nu̍-a mɔ̀-a ku̍ kli̍hgbɛ̍ kwlǎ sà-a de dǒ sììjii̍ nu̍-ɛ ke kà kɔn-ɛ ɛ̀ gbǎ-a kɛ̍n-ɛ we̍-ɛ, kǎ mɔ̀ iě i̍h kwlǎ sà-a nu̍ ke la̍ sǔh dǒ i̍ slɛ̌-ɛ we̍ wɛ̀ mɔ̀ iě dǒ Nyɔsoa we̍ kɔn.

Wloma 8:13

Pò mɔ̀ nu̍ dɛ̍ ɛ̀ gblɛ̍n sɔ̀ɛ̀n tu̍ dǎ-aɛ, nɛ̀ mɔ̀-a mu̍ mɛ̌. Jɛ pò Nyɔsoa-a Sùù nu̍ ɛ̍ wɛ̀ mɔ̀ iě gblɛ̍n sɔ̀ɛ̀n tu̍-a nu̍-dɛ̍ᵻ dbǎ-ɛ, nɛ̀ mɔ̀-a mu̍ kmɔ̌ nɛ.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Kelesea 5:24

Nyɔ̍ ùh kɔn-a dǒ Jusu Klai we̍-ɛ, nɛ̀ u̍h dbǎ u̍h-a gblɛ̍n sɔ̀ɛ̀n-a ku̍ ke, ɛ̍ wlùh dɛ̍ᵻ ke, ɛ̍ pɔ̀n-dɛ̍ᵻ kli̍hgbɛ̍ wɛ̀.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Kalase 1:22

Jɛ kaka la̍ ɔ̍ Jǔ ɔ̀ mɛ̌-a dě nyi̍ɔ̍ku di̍i̍-ɛ, ɛ̍-ɛ nɛ kmɔ̌ iě Nyɔsoa ke mɔ̀-a kmɔ̌ gbe̍ɛ̍ɛn i̍ wɛ̀. Mɔ̀ wɛ̀ nɛi̍ iě mɔ̀ nɛ wlaǎwla, mɔ̀-a nu̍-dɛ̍ᵻ wɛ̀ gblɛ̍ja̍i̍ dě ɔ̍ jlǐh.

1 Tɛsoloniɔn 4:7

Nyɔsoa se̍ à dǎ à iě dě gbǎn nu̍-ɛ di̍i̍ nɛ, jɛ ɔ̍ dǎ àɔ̀ à iě nɛi̍ wɛ̀.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

1 Timote 4:12

Bɔ̌ wɔ̌n-ɛ nyɔ̍ bɔ̌ àn jǔgbèlà dɛ jlǐhɛ̍ dlǔ bla̍-a. Jɛ àn wlu-ɛ ke, àn na ka̍ ke, àn nyɔ̍-ɔ jbɛɛ-ɛ ke, àn wlùh gbaɛ blě-ɛ ke wlaǎwla nɛ-ɛ bo wlùh gbaɛ blě nyɔ̍ iě dɛ̍ i̍ blaɛ.

1 Timote 6:17

Nɛ̀ nyɔ̍ ùh blě-a kmɔ̌-a pàn-dɛ̍ᵻɛ́, chlì u̍h-a dounᵻ u̍h-u je̍e i̍h wlùh i̍ kɔ̍, wɛ̀ u̍h-u je̍e i̍h i̍ blɔ̌-ɛ. Dɛ̍nu̍ɛ, i̍h se̍ gba̍n kɔn. Jɛ Nyɔsoa jɔ sèàɛ̍-a dɛ̍ᵻ kli̍hgbɛ̍ to̍o̍gbǎᵻ i̍, wɛ̀ ɔ̍ nyǐ-a àɔ̀ à iě-a kmɔ̌ i̍ nui-ɛ, ɔ̍ bo u̍h iě wlùh i̍ kɔ̍.

1 Timote 6:9

Jɛ juh-a pɔ̀n-a pàn i̍-ɛ, nɛ̀ u̍h-a gbǎ blu̍ja̍a̍. Nɛ̀ bo-o dɛ̍ᵻ dɔu pɔ̀n-ɛ ìh-a pa̍-a nyɔ̍ i̍-ɛ, dě i̍h-a gbɛɛ̍ di̍i̍ bo u̍h-a gbǎ. Jɛ i̍h nɔ̀ɔ̍, i̍h-a nyni i̍ nyɔ̍ jii̍, wɛ̀ i̍h-a gbɔ̀lɔ nyɔ̍-ɔ.

2 Timote 3:12

Ɛ̍ se̍ pàɔ̀n, nyɔ̍-o-nyɔ̍ ɔ̀ pɔ̀n-a dě Nyɔsoa-a kmɔ̌ di̍i̍ nɛ-ɛ i̍ dě Jusu Klai ja̍a̍-ɛ, u̍h-a mu̍ ɔ̍ klě jě-e gbɔ̀gbɔ̀.

2 Timote 4:10

Dɛ̍nu̍ɛ, Dima gbǎ dě ti̍laa kmɔ̌ la ɛ̍ we̍ jbɛɛ dɛ di̍i̍. Ɛ̍ kɔn ɔ̍ sà ǐn sɔ̍nᵻ i̍, iě ɔ̍ mu̍ dǒ Tɛsolonaika. Klɛsɛin mu̍ Kelesea fɔɔ, iě Taitɔ mu̍ Damɛtia fɔɔ.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

Iblu 8:11

Nɛ̀ nyɔ̍ se̍ ɔ̍ pònyɔ̍ àe̍e̍ ɔ̍ de̍di̍i̍ nǎ po̍ mu̍ dɛ ɔ̍ iě mɔ̍ nu̍-a Joi Nyɔsoa-ɛ juo. Dɛ̍nu̍ɛ, sɔ dě se̍ dɛ̍kɛ̍n gbǎ nyɔ̍ we̍ ìè dɛ̍kɛ̍n gbǎ nyɔ̍ jɛɛ, u̍h kli̍hgbɛ̍-a mu̍ ǐn juo.

Chiin 1:27

Dɛ̍ Baa Nyɔsoa-a dǎɛ-a Nyɔsoa dɛ-a gblangbai̍-ɛ, ɛ̍ nu̍ kwie̍nynuu̍ ke tèwànynɔ̌ᵻ ùh-a jě-a tìh-ɛ we̍ i̍ gbɛ̀n-ɛ, ɛ̍ ke nyɔ̍ ɔ̀ sà-a ɔ̍ chɛ̀ dě kmɔ̌-a sììjii̍ di̍i̍-ɛ ke.

2 Pitɛ 2:9

Ka ɛ̍ nɛ-a ka-ɛ, nɛ̀ Joi juo ka ɔ̍ iě-a ɔ̍ nyɔ̍ sèìe-ɛ nu̍-ɛ. Wɛ̀ ɔ̍ juo ka ɔ̍ iě-a se̍ i̍ slɛ̌-nyɔ̍ kàn gbɛ̍n-ɛ nu̍ wɛ̀ ɔ̍ iě-a u̍h kwa̍ kɛ̍n tè te̍e̍ ɛ̍ iě-a sàwi̍h sì ti̍ jɛɛ-ɛ.

2 Pitɛ 3:11

Ka dɛ̍ᵻ kli̍hgbɛ̍-a mu̍-a ka gbɔ̀lɔ-ɛ nu̍-ɛ, nɛ̀ dɛ̍ɛ nyɔ̍ we̍ bo mɔ̀-a mu̍ ka nu̍ ɛ? Mɔ̀ kɔn mɔ̀ iě nɛi̍ wɛ̀, mɔ̀ iě Nyɔsoa kmɔ̌-ɔ nɛ.

1 Chɔɔn 2:27

Klai nyǐ mɔ̀ Nyɔsoa-a Sùù, iě ɛ̍ nɛ dě mɔ̀ ja̍a̍. Mɔ̀ se̍ nyɔ̍-o-nyɔ̍ jbǎ dɛ u̍h iě mɔ̀ nǎ po̍. Dɛ̍nu̍ɛ, Nyɔsoa-a Sùù po̍ mɔ̀ nǎ wɛ̀ dǒ dɛ̍ᵻ kli̍hgbɛ̍ we̍. Dɛ̍ ɛ̍ poe-a mɔ̀ nǎ-ɛ, tìh-a taǐn bo, ɛ̍ se̍ si̍h. Ɛ̍ tìh-ɛ, ka Nyɔsoa-a Sùù nu̍-a mɔ̀ nǎ po̍-ɛɛ, kǎ mɔ̀ iě dě Klai ja̍a̍ nɛ-ɛ nu̍.

1 Chɔɔn 2:6

Nyɔ̍ ɔ̀ la̍ ɔ̀ nɛ-a dě Nyɔsoa ja̍a̍-ɛ, nɛ̀ ɔ̍ kɔn ɔ̍ iě Jusu Klai-a dɛ̍ na.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

Judi 1:18

Dɛ̍ u̍h sèàɛ̍-a mɔ̀ wlùh-ɛ, u̍h la̍a̍, “Dǒ bɔ̌ɛ-o wǐh di̍i̍-ɛ, jlii̍h nu̍ nyɔ̍ ùh se̍-a Nyɔsoa dɛ-ɛ nɛ, ùh-a nu̍-a u̍h-a chɛ̀-a wlùh-ɛ, u̍h-a mu̍ mɔ̀ kɛ̍n wlǔh-i.”

Wlɛfeleseɔn 14:12

Ka ɛ̍ nɛ-a ka-ɛ, nɛ̀ Nyɔsoa-a nyɔ̍ ùh-a tè-ao ɔ̍ telě i̍, iě u̍h gbaɛ-a Jusu wlùh-ɛ, nɛ̀ u̍h kɔn u̍h iě-e klì i̍ ku̍.