Taitɔ 2:11 - Ku̍o̍ Delee 1999

¹¹ Dɛ̍nu̍ɛ, Nyɔsoa-a blɛ ɛ̀ pǔh-ia nyɔ̍-ɛ, ɛ̍ wlǔh tà wɛ̀ dǒ nyɔ̍ kli̍hgbɛ̍ we̍.

Taitɔ 2:11 Iomraidhean Croise

Matio 28:19

Ɛ̍ tìh-ɛ, mɔ̀ mu̍, mɔ̀ ple̍ blǔh kli̍hgbɛ̍ la we̍ mɔ̀ iě nyɔ̍ kli̍hgbɛ̍ ǎn kòà we̍i̍ nu̍. Nɛ̀ mɔ̀ po̍ u̍h nǐ dlǔ dǒ Baa ke Jǔ ke Nyɔsoa-a Sùù-a nynɛ̌ kɛ̍n.

Pɔ̀n Chɛ̀ Maɛ To-a La 16:15

Wɛ̀ ɔ̍ la̍a̍ dě u̍h we̍, “Mɔ̀ mu̍, mɔ̀ ple̍ kmɔ̌ la we̍, mɔ̀ iě pɔ̀n chɛ̀ la ɛ̍ tìh we̍i̍ bla̍ dě nyɔ̍ kli̍hgbɛ̍ we̍.

Pɔ̀n Chɛ̀ Luu To-a La 24:47

Wɛ̀ gblɛ̍n sɔ̀ɛ̀n-a tìh i̍ tǎli-ɛ ke i̍ bǐi-ɛa tìh iě bla̍-ɛ bloa̍ kli̍hgbɛ̍ kɛ̍n i̍ dǒ ɔ̍ nynɛ̌ kɛ̍n. Dǒ Juluslɛn bo ɛ̍ mu̍ gbɔ̀ tè-ɛ.

Pɔ̀n Chɛ̀ Luu To-a La 3:6

Nyɔ̍ kli̍hgbɛ̍-a mu̍ ka Nyɔsoa-a mu̍-a nyɔ̍ sèìe-ɛ nu̍-ɛ jě.’ ”

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:9

Tìh-a taǐn sɔ̀npli ɛ̀ fa̍n-a dǒ nyɔ̍ kli̍hgbɛ̍ we̍-ɛ, ɛ̍-ɛ bo ɛ̀ ji̍ la̍ nɔ̌ kmɔ̌ we̍.

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Nu̍-dɛ̍ᵻ 13:43

Ti̍ nyɔ̍gbei che̍ɛ̍ɛn-a i̍-ɛ, wɛ̀ Juu nyɔ̍ dɔu ke Nyɔsoa we̍ fòè nyɔ̍ ùh nu̍-a u̍h-a chɛ̀ Juu we̍i̍-ɛ, wɛ̀ u̍h wɔ̀ dǒ Pɔɔ ke Banaba de̍e̍. Iě Pɔɔ bei gbɛ̍n-ɛ u̍h wɔ̍i̍n u̍h iě Nyɔsoa-a blɛ la gbǐh i̍ gbɛ̍n-ɛ la̍ sǔh kleǐn.

Nu̍-dɛ̍ᵻ 13:47

Dɛ̍nu̍ɛ, ɛ̀ la bo Joi sèàɛ̍ àɔ̀ wlùh, ɔ̍ la̍a̍, ‘Mɔ̀ bo ǐn nu̍ sɔ̀npli we̍i̍ dǒ ùh se̍-a Juu nyɔ̍-ɛ we̍ wɛ̀ ìè kmɔ̌ kli̍hgbɛ̍ la pǔh-ɛ we̍ ja.’ ”

Nu̍-dɛ̍ᵻ 17:30

Ti̍ kmɔ̌ nyɔ̍ se̍-a dɛ̍ jlǐh juo tɛin-ɛ, nɛ̀ Nyɔsoa-a tàn-ɛ dɛ̍ᵻ jlǐh kɛ̍n de. Jɛ kaka nɔ̀ɔ̍, ɔ̍ sèàɛ̍ la̍ nyɔ̍ wlùh tà kli̍hgbɛ̍ u̍h iě i̍ bǐi.

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

Wloma 10:18

Jɛ ǎn tèle tìh i̍ o. Eslɔɛ nyɔ̍ se̍ tu̍owli wɔ̌n ae? Iěe, u̍h wɔ̌n i̍h wɛ̀. Ɛ̍ kɔn Nyɔsoa-a wlu̍ la̍a̍, “U̍h-a wlu̍ nyni̍ blǔh kli̍hgbɛ̍ kɛ̍n i̍, iě u̍h-a wɔ̍i̍n wlu̍ wɔ̀ kmɔ̌ kli̍hgbɛ̍ la dlǔ.”

Wloma 5:15

Jɛ Nyɔsoa-a blɛ-a nyǐ-dɛ̍ ke Adaun-a gblɛ̍n sɔ̀ɛ̀n se̍ due nɛ. Nɛ̀ pò nyɔ̍ dɔu ja la̍ mɛ̌ Adaun-a gblɛ̍n sɔ̀ɛ̀n-a tìh-ɛ, nɛ̀ Nyɔsoa-a blɛ-a nyǐ-dɛ̍ ɛ̀ jii-a dě Jusu Klai ja̍a̍-ɛ, ɛ̍ blě gbǐh ɛ̍ sìì gblɛ̍n sɔ̀ɛ̀n. Ɛ̍ mu̍ nyɔ̍ dɔu dlǔ wɔ̀ ke.

Wloma 5:2

Dě ɔ̍ ja̍a̍ bo à jii iě à jě Nyɔsoa-a blɛ à nɛ-a ka dě di̍i̍-ɛ ɛ̍ gbɛ̍n la̍. Nyɔsoa-a tìh-a i̍ bɛ̌-ɛ à mu̍-a kwa̍a̍ i̍ klɛ̀ɛ̀n-ɛ, ɛ̍ bo à kɔ̍ wlùh i̍ wɛ̀ à nmɔ.

2 Kɔwlɛntiɔn 6:1

Ka à nu̍-a Nyɔsoa-a pòi̍nynuu̍-ɛ, nɛ̀ à ba̍le mɔ̀ɔ̍ ùh jě-a ɔ̍ blɛ-ɛ, mɔ̀ɔ̍ je̍e ɛ̍-ɛ gbɔ̀lɔ.

Kelesea 2:21

Ǐn se̍ Nyɔsoa-a blɛ chla tba̍. Dɛ̍nu̍ɛ, pò telě ja nyɔ̍ i̍ slɛ̌-ɛ de dě Nyɔsoa jlǐh-ɛ, nɛ̀ Klai-a mɛ̌ɛ se̍ dɛ̍ i̍ blaɛ de.

Ɛfɛsɔ 2:5

Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Ɛfɛsɔ 2:8

Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀. Mɔ̀-a ɔ̍ wlùh gbaɛ bo ɛ̀ nu̍ ɛ̍. Ɛ̍ se̍ mɔ̀-a chɛ̀-a nu̍-dɛ̍, Nyɔsoa-a nyǐ-dɛ̍ bo.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

Kalase 1:6

Pɔ̀n chɛ̀ la ɛ̍ ku̍ i̍ iě ɛ̍ wɔ̀ ka bloa̍ kli̍hgbɛ̍ dlǔ. Kǎ ɛ̍ nu̍ ke dě mɔ̀ nynɛ̌ sɔ dǒ weɛ̍ mɔ̀ wɔ̌n-a ɛ̍ iě mɔ̀ ju̍o̍e-a Nyɔsoa-a blɛ we̍ i̍-ɛ.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.

1 Timote 2:4

Ɔ̍-ɔ laa̍ bo ɔ̀ pɔ̀n nyɔ̍ kli̍hgbɛ̍ iě pǔh, wɛ̀ u̍h iě tìh-a taǐn juo la̍ ji̍.

2 Timote 1:10

Jɛ à Sèìe Nyɔ̍ Jusu Klai-a ji̍-ɛ bo ɛ̀ sà ɛ̍ ka tà. Ɔ̍ sà mɛ̌ɛ klà, wɛ̀ feɛ ɛ̀ se̍-a mɛ̌ la̍ kɔn-ɛ, iě ɔ̍ ja ɛ̍ i̍ dě pɔ̀n chɛ̀ di̍i̍.

2 Timote 4:17

Jɛ Joi nyna ǐn de̍e̍ i̍, wɛ̀ ɔ̍ nyǐ ǐn gbǐh iě tu̍owli po̍ gblaan, wɛ̀ ùh se̍-a Juu nyɔ̍-ɛ u̍h kli̍hgbɛ̍ iě i̍h wɔ̌n. Iě ɔ̍ sèìe m dě gbòlò wɔ̍ɔ̍n.

Iblu 12:15

Nɛ̀ mɔ̀ jě ɛ̍ we̍ wɛ̀ mɔ̀-a nyɔ̍-ɔ je̍e dǒ Nyɔsoa-a blɛ nɛ-ɛ de̍e̍ blu̍. Mɔ̀ jě ɛ̍ we̍ ke mɔ̀-a nyɔ̍-ɔ je̍e ku̍ dě mɔ̀ nynɛ̌ ka wɔ̍n nyni tu̍-ɛ. Nɛ̀ ɔ̍ mu̍ wě wlɔ̀ ja ɛ̍ iě nyɔ̍ dɔu jii̍ nyni-i.

Iblu 2:9

Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.