Taitɔ 1:8 - Ku̍o̍ Delee 1999

⁸ Ɔ̍ kɔn ɔ̍ iě nyɔ̍ wlì gbà, ɔ̍ iě dɛ̍ chɛ̀-ɛ jbɛɛ, ɔ̍ iě ɔ̍ chɛ̀ i̍ gbɛ̍n, ɔ̍ iě i̍ slɛ̌, ɔ̍ gblɛ̍n iě gbǎ, ɔ̍ iě dě Nyɔsoa jlǐh i̍ nmɔ.

Taitɔ 1:8 Iomraidhean Croise

Pɔ̀n Chɛ̀ Luu To-a La 2:25

Dǒ ti̍ laa̍ di̍i̍-ɛ, nɛ̀ jɔ̍gbau due nɛ dǒ Juluslɛn, ɔ̍ nynɛ̌ nu̍ Simiɔ. Ɔ̍ gblɛ̍n nmɔ jii̍ iě ɔ̍ nu̍ Nyɔsoa nyɔ̍. Iě Nyɔsoa-a Sùù nɛ ɔ̍ we̍. Nɛ̀ ɔ̍ fuo Eslɔɛ nyɔ̍-a pǔh-u ti̍.

Nu̍-dɛ̍ᵻ 24:25

Jɛ i̍-i slɛ̌-ɛ ke, nyɔ̍-a chɛ̀ i̍ gbɛ̍n-ɛ ke, sàwi̍h sì-ɛ ɛ̀ mu̍-a ji̍-ɛ, Pɔɔ-a sà-a la̍ i̍h-a tìh i̍-ɛ, sɔ File gbǎ faɔn. Iě ɔ̍ la̍a̍, “Mu̍ ke̍ sèàn, pò ǐn jě ti̍ dɛ-ɛ, nɛ̀ ǎn mu̍ ìn dǎ.”

1 Tɛsoloniɔn 2:10

Bu̍hᵻ à na-ɛa kɛ̍n dǒ mɔ̀ɔ̍ Nyɔsoa nyɔ̍ we̍-ɛ, ka i̍h se̍-a nɛi̍ nɛ, i̍h slɛ̌-a i̍, iě i̍h se̍-a nynɛ̌-a kɔ̌-ɛ blě-ɛ, mɔ̀-a chɛ̀ ke Nyɔsoa nu̍ à sàànsi̍i̍h.

1 Timote 3:2

Nɛ̀ fààmlà bɔ̌ mlɔ̌ dɛ̍ᵻ nu̍-ɛ. Ɔ̍ kɔn ɔ̍ iě nynɔ̌ due gbài̍ blě. Nɛ̀ ɔ̍ tù ɔ̍ chɛ̀ jlǐhɛ̍, ɔ̍ iě dlǔ kɔn. Ɔ̍ jě ɔ̍ chɛ̀ dɛ̍ɛ̍, ɔ̍ iě nyɔ̍ wlì gbà. Ɔ̍ kɔn ɔ̍ iě nyɔ̍ nǎ po̍-ɛ bɛ̌ɛ.

1 Timote 4:12

Bɔ̌ wɔ̌n-ɛ nyɔ̍ bɔ̌ àn jǔgbèlà dɛ jlǐhɛ̍ dlǔ bla̍-a. Jɛ àn wlu-ɛ ke, àn na ka̍ ke, àn nyɔ̍-ɔ jbɛɛ-ɛ ke, àn wlùh gbaɛ blě-ɛ ke wlaǎwla nɛ-ɛ bo wlùh gbaɛ blě nyɔ̍ iě dɛ̍ i̍ blaɛ.

1 Timote 6:11

Jɛ mɔ̀ jɔ nu̍-a Nyɔsoa-a pòi̍ju-ɛ, sà ìh kli̍hgbɛ̍ la sɔ̍n we̍. Jɛ dɛ̍ kɔn chììn ìè-a po̍-ɛ, ɛ̍ nu̍ i̍ slɛ̌-ɛ ke, Nyɔsoa dɛ-ɛ nɛ-ɛ ke, wlùh gbaɛ ke, jbɛɛ ke, dě klì i̍ ku̍-ɛ ke gba̍n gbɛ̍n-ɛ.

2 Timote 2:22

Sà gbale̍e̍ gbǎ nyɔ̍-a wlùh dɛ̍ᵻ sɔ̍n di̍i̍. Jɛ i̍-i slɛ̌-ɛ ke, wlùh gbaɛ ke, jbɛɛ ke wlùh-a i̍ tè-ɛa chììn ìè po̍ dǒ nyɔ̍ ùh-a dǎ-a Joi dǒ wlùh wlǎ we̍-ɛ pùn.

2 Timote 3:3

U̍h-a mu̍ gblɛ̍n-ɛ nyni. U̍h se̍ wɔɛ kɔn mu̍, u̍h-a mu̍ nyɔ̍-a wlu̍ wɔ̍i̍n nyni. U̍h se̍ dlǔ kɔn mu̍, u̍h iě dɛ̍ᵻá kloǒ nu̍. U̍h-a mu̍ dɛ̍ chɛ̀-ɛ faɛn.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

1 Chɔɔn 3:14

À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.