Taitɔ 1:3 - Ku̍o̍ Delee 1999

³ Dǒ ti̍ Nyɔsoa tba̍-ɛ di̍i̍ bo ɔ̍ sà-ɛ tɔ̀ma̍a̍ wlu̍-a chɛ̀ tà dě tu̍owli po̍-ɛ ɔ̍ nyǐ-a m-ɛ di̍i̍. Nyɔsoa ɔ̀ nu̍-a à Sèìe Nyɔ̍-ɛ, ɔ̍ bo ɔ̀ po̍ ǐn slǔh iě tu̍owli laa̍ po̍.

Taitɔ 1:3 Iomraidhean Croise

Pɔ̀n Chɛ̀ Maɛ To-a La 1:15

Ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ ti̍ kɔǎn we̍ wɛ̀. Mɔ̀ bǐi i̍, mɔ̀ iě pɔ̀n chɛ̀ la tìh chɛ̀ po̍.”

Pɔ̀n Chɛ̀ Maɛ To-a La 13:10

Jɛ ti̍ iě chlà-ɛ, nɛ̀ pɔ̀n chɛ̀-a tìh-a mu̍ bla̍-ɛ ke̍ sàǐtòò blǔh kli̍hgbɛ̍ kɛ̍n i̍.

Pɔ̀n Chɛ̀ Maɛ To-a La 16:15

Wɛ̀ ɔ̍ la̍a̍ dě u̍h we̍, “Mɔ̀ mu̍, mɔ̀ ple̍ kmɔ̌ la we̍, mɔ̀ iě pɔ̀n chɛ̀ la ɛ̍ tìh we̍i̍ bla̍ dě nyɔ̍ kli̍hgbɛ̍ we̍.

Pɔ̀n Chɛ̀ Luu To-a La 1:47

Ǎn nmɔ-ɛ dǒ ǎn Nyɔsoa ɔ̀ nu̍-a ǎn Sèìe Nyɔ̍-ɛ we̍.

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 17:26

Dě nyɔ̍ due ja̍a̍ bo ɔ̍ nui kmɔ̌ nyɔ̍ kli̍hgbɛ̍, wɛ̀ u̍h iě blǔh la kɔn. Iě ɔ̍ sie ti̍ nya̍ wɛ̀ ɔ̍ nma̍le tà kɔn taǐn u̍h iě-a tǐn-ɛ.

Wloma 15:19

Ɔ̍ nu̍ ɛ̍ dǒ jbaɛdih ke, nyɔ̍ wɔ̍n flɔn-ɛ dɛ̍ᵻ nu̍-ɛa gbǐh ke Nyɔsoa-a Sùù-a gbǐh we̍. Wɛ̀ sɔ dǒ Juluslɛn wlɔ̀ di̍i̍ ìè Ilewlekɔn fɔɔ nyni̍-ɛ, iě ǐn bla̍-e Klai-a pɔ̀n chɛ̀ we̍i̍ wɛ̀ kli̍hgbɛ̍.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

Wloma 16:26

Kmɔ̌ sie Nyɔsoa po̍ ɔ̍ tu̍owli po̍ nyɔ̍ slǔh u̍h iě chlǐh dǒ sìle dɛ̍ la we̍. Ɛ̍ bo ɛ̀ sà-ɛ tà iě nyɔ̍ kli̍hgbɛ̍ juo i̍h, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 5:6

Ti̍ à se̍-a à chɛ̀ we̍ gbǎ-a bɛ̌ɛ-ɛ, wɛ̀ Klai mɛ̌ àɔ̀ gblɛ̍n sɔ̀ɛ̀n nyɔ̍-a tìh dǒ ti̍ Nyɔsoa tba̍-aɛ di̍i̍.

1 Kɔwlɛntiɔn 9:17

Pò ǐn ja dbo̍ la nu̍ dǒ ǎn chɛ̀ blǐ paǐ-ɛ, nɛ̀ ǎn mu̍ pɛ̌ɛ la jě tìh gbàɛ̀. Jɛ pò ǐn se̍ ɛ̍ dǒ ǐn blǐ paǐ sà-ɛ, nɛ̀ ɛ̍ tèè ǐn kwa̍ iě ɛ̍ nu̍ dɛbo.

Kelesea 4:4

Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,

Ɛfɛsɔ 1:10

Di̍i̍chì Nyɔsoa chɛ̍n-aɛ, ɛ̍ nu̍ pò ti̍ blaɛ i̍-ɛ, nɛ̀ dɛ̍ᵻ nɛ-a dě ja̍i̍-ɛ ke jih nɛ-a nɔ̌ bloɔ̍-ɛ, nɛ̀ ɔ̍ mu̍ i̍h kli̍hgbɛ̍ tàdùè po̍, wɛ̀ Klai iě i̍h-a wlu̍ kwa̍ blě.

Ɛfɛsɔ 2:17

Klai ji̍-aɛ, wɛ̀ ɔ̍ bla̍ kmɔ̌ i̍ gbe̍ɛ̍ɛn pɔ̀n chɛ̀-a tìh we̍i̍ dě mɔ̀ɔ̍ ùh se̍-a Juu nyɔ̍ ùh ti̍ɛ̍ɛn-a Nyɔsoa we̍ i̍ de-ɛ we̍. Iě ɔ̍ bla̍ ɛ̍ dě Juu nyɔ̍ juh kɔǎn-ɛa ɔ̍ we̍ i̍-ɛ we̍ ke.

Felepai 1:13

Kɔ̀mla̍ gbò-a jlǐhɛ̍ tù nyɔ̍ ke nyɔ̍ kli̍hgbɛ̍ juo ɛ̍ i̍ ka ǐn gbǎ-a kasoo Klai-a tìh-ɛ.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

Kalase 1:6

Pɔ̀n chɛ̀ la ɛ̍ ku̍ i̍ iě ɛ̍ wɔ̀ ka bloa̍ kli̍hgbɛ̍ dlǔ. Kǎ ɛ̍ nu̍ ke dě mɔ̀ nynɛ̌ sɔ dǒ weɛ̍ mɔ̀ wɔ̌n-a ɛ̍ iě mɔ̀ ju̍o̍e-a Nyɔsoa-a blɛ we̍ i̍-ɛ.

1 Tɛsoloniɔn 2:4

Jɛ Nyɔsoa-a chɛ̀ bo ɔ̀ wɔ̌ɛn à tìh i̍, iě ɔ̍ tè pɔ̀n chɛ̀ la ɛ̍ tìh dǒ à dlǔ i̍ à iě ɛ̍ bla̍. Ɛ̍ kɔn à wlu, iě Nyɔsoa ɔ̀ chlɛ̌-a dě à wlùh we̍ i̍-ɛ, wɛ̀ à iě ɔ̍ pɔluh i̍ tè-e. Jɛ à se̍ nyi̍ɔ̍-a pɔluh i̍ tè-e dɛ̍ we̍ fɔ̀n.

1 Timote 1:1

Wlu̍ la ɛ̍ sɔ nɔ̌ mɔ̍ Pɔɔ ɔ̀ nu̍-a Jusu Klai-a gba̍tòà-a we̍. Nyɔsoa ɔ̀ sèìe-a àɔ̀-ɛ ke Jusu Klai à kɔ̍-a wlùh i̍-ɛ, dǒ u̍h-a wlu̍ kɛ̍n bo ǐn nui gba̍tòà.

1 Timote 1:11

Pɔ̀ìě Nyɔsoa ɔ̀ kɔn nynɛ̌ bɛ̌-a i̍-ɛ, pɔ̀n chɛ̀ ɔ̍ nyǐ-a m iě-a bla̍-ɛ, dě ɛ̍ di̍i̍ bo nǎ po̍ wlu̍ la ɛ̍ sɔ-ɔ.

1 Timote 2:3

Ɛ̍ bo ɛ̀ nmɔ jii̍, wɛ̀ Nyɔsoa ɔ̀ sèìe àɔ̀-ɛ, iě ɛ̍ tè-e ɔ̍ wlùh i̍.

1 Timote 4:10

À po̍ gbɔ̍igbɔ̍ iě à po̍-e dbo̍ nu̍-ɛa gbǐh. Dɛ̍nu̍ɛ, kmɔ̌ nɛ Nyɔsoa bo à kɔ̍ wlùh i̍, ɔ̀ nu̍-a nyɔ̍ kli̍hgbɛ̍-a Sèìe Nyɔ̍-ɛ. Wlùh gbaɛ blě nyɔ̍ bo ǎn dǎ gbe̍i̍n.

2 Timote 4:17

Jɛ Joi nyna ǐn de̍e̍ i̍, wɛ̀ ɔ̍ nyǐ ǐn gbǐh iě tu̍owli po̍ gblaan, wɛ̀ ùh se̍-a Juu nyɔ̍-ɛ u̍h kli̍hgbɛ̍ iě i̍h wɔ̌n. Iě ɔ̍ sèìe m dě gbòlò wɔ̍ɔ̍n.

Taitɔ 2:10

Nɛ̀ u̍h bɔ̌ u̍h we̍ jlǐ-ɛ. Jɛ u̍h-a nyɔ̍ chɛ̀ nu̍-ɛ ke wlu̍ kɛ̍n i̍ gbɛ̍n-ɛ bo u̍h iě to ti̍ kli̍hgbɛ̍ we̍. Nɛ̀ɛ̍, Nyɔsoa ɔ̀ sèìe-a àɔ̀-ɛ, nǎ po̍-ɛ ɛ̀ tba̍-a dǒ ɔ̍ pùn i̍-ɛ, nɛ̀ u̍h-a mu̍ ɛ̍ nynɛ̌ kɛ̍n po̍ dǒ u̍h-a nu̍-dɛ̍ᵻ kli̍hgbɛ̍ we̍.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Wlɛfeleseɔn 14:16

Wɛ̀ ɔ̀ tè-a i̍ dǒ nǐgban kɛ̍n-ɛ jaɛ ɔ̍ faa nɔ̌ bloɔ̍ i̍, iě ɛ̍ chɛ̍n po̍-dɛ̍ᵻ ìh sàni-a.