Taitɔ 1:2 - Ku̍o̍ Delee 1999

² Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

Taitɔ 1:2 Iomraidhean Croise

Matio 25:34

Nɛ̀ Blǔh Baa-a mu̍ ka dǎ dě nyɔ̍ ùh nɛ-a dě ɔ̍ di̍na̍ we̍ ka-a we̍, ‘Mɔ̀ɔ̍ ǐn Baa nyǐ-a pɔ̀ìě-ɛ, mɔ̀ ji̍ kmɔ̌ Nyɔsoa kɔn-a wlu̍ i̍-ɛ, ɔ̍ mu̍ ɛ̍ mɔ̀ nyǐ. Ɔ̍ po̍ ɛ̍ gba̍a̍ dǒ mɔ̀ we̍ se̍e̍ wɛ̀ kmɔ̌ la ɛ̍ dǔ nui-ɛ.

Matio 25:46

Nɛ̀ u̍h-a mu̍ kàn gbɛ̍n-ɛ se̍-a dlǔ i̍ chlà la̍ kɔn-ɛ we̍ mu̍. Jɛ nɛ̀ i̍ slɛ̌-nyɔ̍-a mu̍ kmɔ̌ sie feɛ we̍ mu̍.”

Pɔ̀n Chɛ̀ Maɛ To-a La 10:17

Jusu-a ji̍ la̍ mu̍ la̍ sǔh, wɛ̀ jɔ̍gbau due gba̍ ple̍-ɛ dǒ ɔ̍ we̍, ɔ̍ chlìi i̍ dǒ ɔ̍ jǔ. Iě ɔ̍ tèle ɔ̍ i̍, ɔ̍ la̍a̍, “Dlǔtu chɛ̀, dɛ̍we̍ iě nu̍ wɛ̀ iě kmɔ̌ sie feɛ blě ɛ?”

Pɔ̀n Chɛ̀ Maɛ To-a La 10:30

nɛ̀ ɔ̍ mu̍ i̍h-a kmɛ kmɛ jě kaka da̍a ti̍laa kmɔ̌ di̍i̍. Nɛ̀ ɔ̍ mu̍ gbòᵻ ke, de̍di̍i̍ᵻ jɔ̍gbauᵻ ke, de̍di̍i̍ᵻ nynɔ̌gbaɔᵻ ke, de̍ᵻ ke, nynuu̍ ke, klèᵻá kmɛ kmɛ jě, i̍h ke klě jě-ɛ iě na. Wɛ̀ ɔ̍ iě kmɔ̌ sie feɛ jě dě kmɔ̌ delee di̍i̍.

Chɔɔn 10:28

Wɛ̀ ǐn nyǐ i̍h kmɔ̌ sie feɛ, i̍h se̍ gba̍ mɛ̌. Nyɔ̍-o-nyɔ̍ se̍ i̍h ǐn kwa̍a̍ flǎ-a bɛ̌ɛ.

Chɔɔn 17:2

Dɛ̍nu̍ɛ, ìn nyǐ ɔ̍ gbǐh ɔ̍ iě nyɔ̍ kli̍hgbɛ̍ wlu̍ i̍ kɔn, ɔ̍ iě nyɔ̍ kli̍hgbɛ̍ ìn nyǐ-a ɔ̍-ɛ kmɔ̌ sie feɛ nyǐ.

Chɔɔn 17:24

“Baa, nyɔ̍ ìn nyǐ-a m-ɛ, ǎn pɔ̀n tà ǐn nɛ-aɛ, u̍h iě-o nɛ ke. Wɛ̀ u̍h iě ǎn tìh-a i̍ bɛ̌-ɛ ìn nyǐ-a m-ɛ jě. Ìn nyǐ ɛ̍ m, dɛ̍nu̍ɛ, ìn jbɛɛ m wɛ̀ kmɔ̌ la ɛ̍ dǔ nui-ɛɛ.

Chɔɔn 5:39

Nyɔsoa-a wlu̍ bo mɔ̀-a slè-e wlùh i̍, dɛ̍nu̍ɛ, mɔ̀ jajeɛ̍ dě i̍h di̍i̍ mɔ̀-a mu̍ kmɔ̌ sie feɛ jě-e. I̍h-a chɛ̀ bo ìh nu̍ ǎn sàànsi̍i̍h.

Chɔɔn 6:54

Nyɔ̍ jɔ ɔ̀ di̍-a ǎn ku̍ ɔ̀ nǎ-a ǎn nymɔ̍-ɛ, nɛ̀ ɔ̍ blě kmɔ̌ sie feɛ. Nɛ̀ ǎn mu̍ ɔ̍ bloɔ̍ sà dǒ bɔ̌ɛ-o weɛ̍ di̍i̍.

Chɔɔn 6:68

Wɛ̀ Samo Pitɛ la̍a̍, “Joi, mɔ̀ jɔ blě-a wlu̍ ɛ̀ nyǐ-a nyɔ̍ kmɔ̌ sie feɛ-ɛ, pò à tǎli ìn i̍-ɛ, nɛ̀ nyɔ̍ dɔɔ we̍ à mu̍ we̍ mu̍ ɛ?

Nu̍-dɛ̍ᵻ 15:18

Joi ɔ̀ sà-a ìh la tà tɛin-ɛ, ɔ̍ bo ɔ̀ bla̍ ìh la.’

Wloma 1:2

Pɔ̀n chɛ̀ la Nyɔsoa po̍ ɛ̍ wlu̍ tɔ̀ma̍a̍ tɛin se̍e̍ dě ɔ̍ tu̍owli po̍ nyɔ̍ ja̍a̍, iě u̍h chlǐh ɛ̍ dě ɔ̍ wlu̍ di̍i̍.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

Wloma 5:2

Dě ɔ̍ ja̍a̍ bo à jii iě à jě Nyɔsoa-a blɛ à nɛ-a ka dě di̍i̍-ɛ ɛ̍ gbɛ̍n la̍. Nyɔsoa-a tìh-a i̍ bɛ̌-ɛ à mu̍-a kwa̍a̍ i̍ klɛ̀ɛ̀n-ɛ, ɛ̍ bo à kɔ̍ wlùh i̍ wɛ̀ à nmɔ.

Wloma 5:21

Nɛ̀ ka gblɛ̍n sɔ̀ɛ̀n kɔn-a nyɔ̍ wlu̍ i̍ dě mɛ̌ɛ di̍i̍-ɛ, kǎ Nyɔsoa-a blɛ-a mu̍ nyɔ̍ wlu̍ i̍ kɔn-ɛ nu̍ ke dě ɔ̍ nyɔ̍ i̍ slɛ̌-ɛ di̍i̍, wɛ̀ ɛ̍ iě nyɔ̍ kmɔ̌ sie feɛ nyǐ dě à Joi Jusu Klai ja̍a̍.

Wloma 5:4

Nɛ̀ à dě klì i̍ ku̍-ɛ nu̍ ɛ̍ wɛ̀ Nyɔsoa po̍ à chèɛ̀ ja̍i̍. Nɛ̀ ɔ̍ à chèɛ̀ ja̍i̍ po̍-ɛ kɔ̍-ɛ à dɛ̍ wlùh i̍.

Wloma 6:23

Nɛ̀ɛ̍, gblɛ̍n sɔ̀ɛ̀n-a pɛ̌ɛ la nu̍ mɛ̌ɛ, jɛ Nyɔsoa-a nyǐ-dɛ̍ nu̍ kmɔ̌ sie feɛ dě à Joi Jusu Klai ja̍a̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

1 Tɛsoloniɔn 2:15

Juu nyɔ̍ bo ùh dbǎ Joi Jusu, ɛ̍ ke Nyɔsoa-a tu̍owli po̍ nyɔ̍ ke, iě u̍h nu̍ à i̍. U̍h-a nu̍-dɛ̍ se̍ Nyɔsoa gbǐh po̍, iě u̍h tba̍-ɛ nyɔ̍ kli̍hgbɛ̍ bu̍hᵻ i̍.

1 Tɛsoloniɔn 5:8

Jɛ ka à kɔn-a dǒ sɔ̀npli we̍-ɛ, nɛ̀ à kɔn à iě jlǐh i̍ klihklǐh nɛ, wɛ̀ wlùh gbaɛ ke jbɛɛ iě à we̍ gbǎ dɛ̍ᵻ nu̍ dǒ fɔ̀n la̍. Nɛ̀ wlì tè dɛ̍ ɛ̀ pǔh-ia nyɔ̍-ɛ, ɛ̍-ɛ bo ɛ̀ iě à nɛ̍ne̍ɛ̍-ɛ gblà nu̍.

1 Timote 6:12

Fɔ̀n chɛ̀ka dǒ wlùh gbaɛ we̍. Kmɔ̌ sie feɛ kɔn tìh Nyɔsoa dǎ-a m̀ wɛ̀ àn wlu-a àn wlùh gbaɛ blě tìh gbài̍gbài̍ dǒ sàànsi̍i̍h dɔu jǔ-ɛ, ɛ̍-ɛ bo ìè sɔ̍nᵻ sɔɔ̌n i̍ gbɛ̍n-ɛ.

1 Timote 6:19

Pò ɛ̍ ja laan nɛ-ɛ, nɛ̀ u̍h-a tè dɛ̍ i̍ dě nya̍ ɛ̍ iě u̍h gbɔ̀ i̍ ku̍ i̍. Nɛ̀ u̍h-a mu̍ feɛ ɛ̀ nu̍-a tìh-a taǐn-ɛ jě.

2 Timote 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍ dǒ kmɔ̌ kɔn wlu̍ ɔ̍ po̍-a tɔ̀ma̍a̍-a kɛ̍n dě Jusu Klai ja̍a̍.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.

2 Timote 2:13

Pò à se̍ wlu̍ kɛ̍n i̍ gbɛ̍n dǒ ɔ̍ we̍-ɛ, ɔ̍ nɔ̀ɔ̍, ɔ̍ se̍ wlu̍ kɛ̍n gblìh mu̍.” Dɛ̍nu̍ɛ, ɔ̍ se̍ ɔ̍ chɛ̀ tù mu̍.

2 Timote 2:15

Fɔ̀n dɛ̍ we̍ wɛ̀ Nyɔsoa iě àn chèɛ̀ ja̍i̍ po̍, ìè dbo̍ nu̍ nyɔ̍ ɔ̀ se̍-a ɔ̍ dbo̍ nu̍-ɛa tɛ̀n ple̍-ɛ wɔ̀. Ɔ̍-ɔ laa̍ bo ɔ̀ sèàɛ̍ tìh-a taǐn wlu̍ we̍ i̍ chɛ̀ gbɛɛ.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

Taitɔ 3:7

Ɔ̍ nɛ blɛ dǒ àɔ̀ we̍ ɛ̍ iě à i̍ slɛ̌-nyɔ̍ we̍i̍ nu̍, wɛ̀ kmɔ̌ sie feɛ à kɔ̍-a wlùh i̍-ɛ, à iě ɛ̍ kɔn.

1 Chɔɔn 2:25

Kmɔ̌ sie feɛ-a wlu̍ bo Klai po̍ tɔ̀ma̍a̍ dǒ à we̍.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

Judi 1:21

Mɔ̀ naɛ dě Nyɔsoa-a jbɛɛ di̍i̍ ma̍u̍, nɛ̀ mɔ̀ fuo kmɔ̌ sie feɛ à Joi Jusu Klai-a mu̍-a mɔ̀ nyǐ ɔ̍ wɔɛ kɔn tìh-ɛ.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 17:8

Nmi̍ɛ̍ ìn jě-aɛ, ɛ̍ nɛ kmɔ̌ de, jɛ ɛ̍ se̍ kmɔ̌ nɛ dɛ fu̍u̍. Jɛ ɛ̍ ji̍ la̍ dě kàn biě di̍i̍ sɔ la̍, wɛ̀ ɛ̍ iě-e gbɔ̀lɔ-ɛ. Kmɔ̌ nyɔ̍ juh kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ-ɛ, pò u̍h jě nmi̍ɛ̍ la-ɛ, nɛ̀ ɛ̍ mu̍ u̍h wɔ̍n flɔn-ɛ. Dɛ̍nu̍ɛ, ɛ̍ nɛ kmɔ̌ de, wɛ̀ ɛ̍ se̍ ka kmɔ̌ nɛ dɛ, iě ɛ̍ mu̍ la̍ ji̍ dode̍.