Taitɔ 1:15 - Ku̍o̍ Delee 1999

¹⁵ Nyɔ̍ ùh nɛ-a wlaǎwla-ɛ, nɛ̀ dɛ̍ᵻ kli̍hgbɛ̍ nɛ wlaǎwla dǒ u̍h we̍. Jɛ dǒ wlùh sɔ̀n blě nyɔ̍ ke se̍ wlùh gbaɛ blě nyɔ̍ we̍ nɔ̀ɔ̍, dɛ̍ᵻ se̍ wlaǎwla nɛ. Dɛ̍nu̍ɛ, u̍h-a gblɛ̍n ke u̍h-a wlùh-a nyni i̍ dɛ̍ jii̍.

Taitɔ 1:15 Iomraidhean Croise

Matio 15:18

Jɛ dɛ̍ᵻ ìh-a jii-a dě nyɔ̍ wɔ̍ɔ̍n-ɛ, nɛ̀ dǒ wlùh kɛ̍n bo i̍h sɔ. Nɛ̀ i̍h laa̍ bo ìh-a nyni nyɔ̍ dě Nyɔsoa jlǐh i̍.

Nu̍-dɛ̍ᵻ 10:15

Wlu̍ laa̍ iě ɛ̍ wlu dɛ, ɛ̍ la̍a̍, “Pò dɛ̍ nmɔ dě Nyɔsoa jlǐh i̍-ɛ, nɛ̀ ìn bɔ̌ ɛ̍ jii̍ nyni dɛ̍ dǎɛ.”

Wloma 14:14

Ǎn dě Joi Jusu ja̍a̍ nɛ-ɛ nu̍ ɛ̍ iě ǐn juo ɛ̍ ka di̍-dɛ̍-ɛ nyni-a dě Nyɔsoa jlǐh i̍-ɛ. Jɛ pò nyɔ̍ la̍ ɛ̍ nyni dě Nyɔsoa jlǐh i̍ dǒ ɔ̍ we̍-ɛ, nɛ̀ kǎ ɛ̍ nɛ dǒ nyɔ̍ laa̍ we̍.

Wloma 14:20

Di̍-dɛ̍ àn di̍-aɛ, ɛ̍ bɔ̌ ɛ̍ nu̍-ɛ wɛ̀ Nyɔsoa-a nyɔ̍ bɔ̌-ɔ gbɔ̀lɔ-ɛ. Di̍-dɛ̍ᵻ kli̍hgbɛ̍ nmɔ dě Nyɔsoa jlǐh i̍, jɛ ɛ̍ se̍ i̍ blaɛ wɛ̀ dɛ̍ ìn di̍-aɛ, ɛ̍ iě ɛ̍ nu̍ wɛ̀ nyɔ̍ dɔɔ iě gblɛ̍n sɔ̀ɛ̀n nu̍.

Wloma 14:23

Jɛ pò dɛ̍ nyɔ̍ di̍-a ɛ̍ klǎ ɔ̍ wlùh i̍ wɛ̀ ɔ̍ iě ɛ̍ di̍ gbɔ̀gbɔ̀-ɛ, nɛ̀ kɛ̀n sɔ ɔ̍ kwa̍a̍ wɛ̀. Dɛ̍nu̍ɛ, ɔ̍ nu̍-dɛ̍ se̍ dǒ wlùh gbaɛ kɛ̍n i̍ tba̍. Pò nyɔ̍ nu̍ dɛ̍-o-dɛ̍ ɛ̍ se̍ dǒ wlùh gbaɛ kɛ̍n i̍ tba̍ɛ, nɛ̀ gblɛ̍n sɔ̀ɛ̀n bo.

1 Kɔwlɛntiɔn 10:23

“Dɛ̍ᵻ kli̍hgbɛ̍ se̍ kɛɛkɛ̍n nɛ,” kǎ à dǎ. Jɛ ɛ̍ se̍ dɛ̍ᵻ kli̍hgbɛ̍ ìh se̍ jii̍ nmɔ. “Dɛ̍ᵻ kli̍hgbɛ̍ se̍ kɛɛkɛ̍n nɛ,” jɛ dɛ̍ᵻ kli̍hgbɛ̍-ɛ po̍-o dɛ̍.

1 Kɔwlɛntiɔn 10:25

Mɔ̀ di̍ nmi̍i̍ kli̍hgbɛ̍ u̍h-a ple̍-a dě dɔɔ̌-ɛ. Ɛ̍ bɔ̌ mɔ̀-a wlùh-a kaǎka nu̍-ɛ, wɛ̀ mɔ̀ɔ̍ je̍e dɛ̍-o-dɛ̍ i̍ tèle.

1 Kɔwlɛntiɔn 10:31

Ɛ̍ tìh-ɛ, pò mɔ̀ ja dɛ̍ di̍ o, mɔ̀ ja nǐ nǎ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Nyɔsoa-a tìh-a i̍ bɛ̌-ɛ we̍.

1 Kɔwlɛntiɔn 8:7

Jɛ ɛ̍ se̍ nyɔ̍ kli̍hgbɛ̍ ùh se̍ tɔɔ la blě. Kwɛ̍i̍n gbo̍ᵻ dɛ ju̍o̍e dě nyɔ̍ duuh jlǐh i̍ wɛ̀. Ɛ̍ kɔn pò u̍h di̍ di̍-dɛ̍ᵻ nɛ ka-aɛ, nɛ̀ u̍h jajeɛ̍ kwɛ̍i̍n gbo̍ᵻ kɔn i̍h de. Nɛ̀ ɛ̍ kǎ u̍h-a wlùh-u kaa̍. Sɔ nɛ̀ u̍h jajeɛ̍ i̍h nyni-i u̍h dě Nyɔsoa jlǐh i̍ de.

1 Timote 6:5

Nyɔ̍ duuh nɛ-o u̍h-a wlu-ɛ i̍ pɔ̀n-ɛ se̍ siee la̍ kɔn, iě u̍h-a nu̍ sàwlùh-ɛ. U̍h nɔ̀ɔ̍, tìh-a taǐn se̍ dě u̍h ja̍a̍ nɛ. Sɔ u̍h jajeɛ̍ Nyɔsoa wɛɛ sà-a bo ɛ̀ pàn-ɛ nyɔ̍ de.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 12:15

Nɛ̀ mɔ̀ jě ɛ̍ we̍ wɛ̀ mɔ̀-a nyɔ̍-ɔ je̍e dǒ Nyɔsoa-a blɛ nɛ-ɛ de̍e̍ blu̍. Mɔ̀ jě ɛ̍ we̍ ke mɔ̀-a nyɔ̍-ɔ je̍e ku̍ dě mɔ̀ nynɛ̌ ka wɔ̍n nyni tu̍-ɛ. Nɛ̀ ɔ̍ mu̍ wě wlɔ̀ ja ɛ̍ iě nyɔ̍ dɔu jii̍ nyni-i.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.