Taitɔ 1:12 - Ku̍o̍ Delee 1999

¹² U̍h-a chɛ̀-a nyɔ̍ ɔ̀ nu̍-a gbànwli po̍ nyɔ̍-ɛ bo ɔ̀ la̍a̍, “Kli nyɔ̍-a tmɔ̌ si̍h ma̍u̍, u̍h wɔ̀ kà kɔn nmi̍i̍, u̍h flàn-ɛ, iě u̍h nyni wɔ̍i̍n.”

Taitɔ 1:12 Iomraidhean Croise

Nu̍-dɛ̍ᵻ 17:28

Dɛ̍nu̍ɛ, ‘À pɛ̌n ɔ̍, iě à mui ɔ̍, wɛ̀ à nɛ ɔ̍.’ Ɛ̍ bo mɔ̀-a chlǐh-nyɔ̍ duuh sà-a, u̍h la̍a̍, ‘Àɔ̀ ɔ̍ nynuu̍.’

Nu̍-dɛ̍ᵻ 2:11

Juu nyɔ̍ ke nyɔ̍ gbǎ-a Juu dɛ-ɛɛ ke, nɛ̀ juh sɔ-a Kli bloa̍ ke Awlebia bloa̍ kɛ̍n-ɛ, jɛ à jɔ-ɛ nɛ̀ ɔ̍ wɔ̌n ɔ̍ chɛ̀-a blǐ wlu̍ dě u̍h wɔ̍ɔ̍n. Nɛ̀ u̍h-a sà Nyɔsoa-a wɔ̍n ku̍ dbo̍ nu̍ tìh i̍.”

Nu̍-dɛ̍ᵻ 27:12

U̍h la̍ dǒ mɛɛ̍-a kɛ̍n i̍ pe̍ɛ la̍ se̍ tà chɛ̀ nyɔ̍ iě wìla̍ wlè-e. Ɛ̍ kɔn u̍h-a dɔu la̍ nɛ̀ u̍h mu̍ pò u̍h bɛ̌ɛ dǒ Fɔni nyni̍-ɛɛ, u̍h iě-o nyni̍. Ɛ̀ nu̍-a mɛɛ̍-a kɛ̍n i̍ pe̍ɛ la̍ jɛ nɛ-a Kli ɛ̀ bǐi-a dě jlǔh-a gbǎ la̍ i̍-ɛ bo, wɛ̀ u̍h iě-o wìla̍ wlè-e.

Nu̍-dɛ̍ᵻ 27:13

Dɛ̍ laa̍ poɔ ɛ̀ sɔ-a dě di̍na̍ we̍ ɛ̀ ji̍-a jlɛjlɛ-ɛ, sɔ u̍h jajeɛ̍ dɛ̍ u̍h dǎ-aɛ, ɛ̍ mu̍ nɛ de. Wɛ̀ u̍h sà du̍a̍, u̍h-a na-ɛ Kli-a gbuǔh wɔ̍i̍n.

Nu̍-dɛ̍ᵻ 27:7

Jɛ nɛ̀ à mɛɛ̍-a tlɛ̀n-ɛ, sɔ ɛ̍ jě-e àɔ̀ tìh kaa̍. Ɛ̍ kɔn ɛ̍ dǔ-i àɔ̀ wǐh dɔu wɛ̀ à dǔ dǒ Naida nyni̍-ɛ. Nɛ̀ poɔ-ɔ wɔ̌n à iě mu̍, ɛ̍ kɔn à jii dě Kli-a fɔ̌ ɛ̀ mu̍-a à poɔ i̍ kaɛn-ɛ we̍ dǒ blǔh-a kɔ̍lu̍h Saomɔni-a blaɛjlǐh.

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

Felepai 3:19

U̍h-a mu̍-u gbɔ̀lɔ-ɛ, dɛ̍nu̍ɛ, kwlǐ tè-ɛ bo u̍h-a dǎɛ Nyɔsoa dɛ. Dɛ̍ ɛ̀ iě-a u̍h tɛ̀n-ɛ po̍-ɛ, ɛ̍ kɔn tìh bo u̍h-a blɔ̌. Dɛ̍ᵻ nɛ-a nɔ̌ kmɔ̌ we̍-ɛ, i̍h kɔn tìh u̍h-a naɛ wlùh i̍.

1 Timote 4:2

Nǎ po̍-ɛ kaɛn la ɛ̍ sɔ dě mɛɔ sɔɔ̌n wɔ̍ɔ̍n nɛ nyɔ̍ we̍. Dɛ̍nu̍ɛ, u̍h se̍-e kmɔ̌ we̍ kɔn, u̍h-a wlùh gbǎ gbǎ i̍. Ɛ̍ kɔn u̍h-a tmɔ̌ si̍h.

Taitɔ 1:5

Ɛ̀ kɔn tìh ǐn sie-a m̀ dě Kli bloa̍ kɛ̍n-ɛ, ɛ̍ nu̍ ìè dɛ̍ᵻ ìh se̍-a nɛ ke̍-ɛ nu̍. Ìè chɔchi̍h-a nyɔ̍ klaaᵻ chèɛ̀ tba̍ wlɔ̀ᵻ di̍i̍ i̍ dǒ ka ǐn nu̍-a ìn slɛ̌ chèɛ̀ i̍ po̍-ɛ we̍.

2 Pitɛ 2:12

Jɛ nǎ po̍ nyɔ̍-a si̍h naɛ la ùh se̍ dɛ̍ we̍ i̍ wɔ̌n-ɛ, nɛ̀ u̍h-a po̍-a ɛ̍ wlu̍ pùn i̍-ɛ, u̍h wɔ̀ nmi̍i̍ ìh-a nu̍-a i̍h-a chɛ̀-a slɛ̌-ɛ. Kwlǎ nmi̍i̍ la ìh nɛ-a nɔ̌ kmɔ̌ sǔh gbɛ̍n ìè dbǎ tìh-ɛ, i̍h bo u̍h wɔ̀. U̍h-a mu̍-u gbɔ̀lɔ ke ka kwlǎ nmi̍i̍-ɛ.

2 Pitɛ 2:15

U̍h sɔ dǒ wìè ɛ̀ slɛ̌-a i̍-ɛ kɛ̍n wɛ̀ u̍h sie kwlǎ. Iě u̍h wɔ̀ dǒ Nyɔsoa-a tu̍owli po̍ nyɔ̍ Belɛm de̍e̍, ɔ̀ nu̍-a Beɔ-a jǔ ɔ̀ jbɛɛ-a dɛ̍ᵻ sɔ̀nᵻ nu̍ dɛ-ɛ wlǐ tìh-ɛ.