Taitɔ 1:10 - Ku̍o̍ Delee 1999

¹⁰ Dɛ̍nu̍ɛ, nyɔ̍ wɔ̍n blaɛ nyɔ̍ ke, se̍o̍nɛ-ɛ sà nyɔ̍ ke, nyɔ̍ i̍ boe nyɔ̍ dɔu nɛ-e. Juu nyɔ̍ ùh sɔ-a dě plɔ̀n gbǎ gbɔ̀ù di̍i̍ ùh ji̍-a u̍h we̍-ɛ, u̍h bo ǎn dǎ gbe̍i̍n.

Taitɔ 1:10 Iomraidhean Croise

Matio 23:14

Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀-a bla̍ tèwànynɔ̌gbaɔᵻ jlǐhɛ̍ dlǔ, iě mɔ̀-a jǎ u̍h-a kɔn-dɛ̍ᵻ kɛ̍n. Ɛ̍ tìh mɔ̀-a tɛn-ɛ ba̍le-ɛ dlǔ wɛ̀ mɔ̀ iě mɔ̀-a chɛ̀ dě nyɔ̍ jlǐh i̍ nmɔ-ɛ. Ɛ̍ tìh-ɛ, mɔ̀ naɛ kàn gbɛ̍n-ɛa mu̍-o dɛ̍ i̍ sìì.]

Nu̍-dɛ̍ᵻ 11:2

Nyɔ̍ ùh tba̍-a plɔ̀n gbǎ dɛ bu̍hᵻ de̍e̍ i̍-ɛ, ti̍ Pitɛ mu̍-a dǒ Juluslɛn-ɛ, sɔ u̍h-a po̍ la̍ ɔ̍ pàwe̍i̍ sǔh.

Nu̍-dɛ̍ᵻ 15:1

Dǒ nyɔ̍ duuh sɔ-ɛ Judia fɔɔ iě u̍h ji̍ dǒ Antiɔ. Wɛ̀ u̍h-a po̍ de̍di̍i̍ᵻ nɛ-a doǒ-ɛ nǎ. U̍h la̍a̍, “Pò mɔ̀ gbǎ plɔ̀n ka Mose-a telě dǎ-aɛ, nɛ̀ à sà-o ɛ̍ tɛ̀. Jɛ pò mɔ̀ se̍ la̍a̍n nu̍-ɛ, nɛ̀ mɔ̀ se̍ pǔh ke̍ o.”

Nu̍-dɛ̍ᵻ 15:24

À wɔ̌n i̍h nyɔ̍ sɔ nɔ̌ àɔ̀ nynɛ̌ iě u̍h-a bɛ̌ɛ mɔ̀ wɔ̍ɔ̍n i̍, iě ɛ̍ po̍ mɔ̀-a wlùh dě de̍ i̍ dǒ dɛ̍ u̍h-a sà-a we̍. Jɛ u̍h se̍ ɛ̍ dě à wɔ̍ɔ̍n dǔ i̍ o.

Nu̍-dɛ̍ᵻ 20:29

Ǐn juo ɛ̍-ɛ pò ǐn sɔ da̍a-ɛ, gbɛ̍n-nmi̍i̍ ìh kma-a wɔ̍n-ɛ, i̍h-a mu̍ mɔ̀ nynɛ̌ gbǎ. Nɛ̀ i̍h se̍-o blawɛ̌ᵻ la i̍h-a dɛ̍ i̍ sie mu̍.

Kelesea 2:4

Nyɔ̍ ùh tba̍-o bu̍h sǔh-ɛ, ɛ̍ nu̍ de̍di̍i̍ᵻá si̍h naɛ ùh gbǎ-a à nynɛ̌ soɛɛ, iě u̍h-a klǎɛ à jlǐhɛ̍-ɛ. Wɛ̀ u̍h iě ka à nu̍-a sèìe-ɛ dě Jusu Klai ja̍a̍-ɛ we̍ i̍ ju̍o̍e. Wɛ̀ u̍h iě àɔ̀ telě-a kèi̍ we̍i̍ nu̍ dode̍.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

1 Timote 1:4

Sèàɛ̍ u̍h wlùh, se̍o̍nɛ-ɛ sà-a ke baaᵻá baaᵻ slè-ɛ se̍ siee la̍ kɔn laa̍, u̍h bɔ̌ i̍h we̍ fòè-ɛ. Dɛ̍nu̍ɛ, Nyɔsoa-a di̍i̍chì à juo-a dě wlùh gbaɛ di̍i̍-ɛ, ɛ̍ ke i̍h se̍ wìè due gba̍. Jɛ i̍h blě wɔ̍ɔ̍n i̍ sà-a sǔh.

1 Timote 1:6

Dǒ ìh la de̍e̍ bo nyɔ̍ duuh blu̍, iě se̍ dɛ̍ kɛ̍n gbǎ sɔ̀nwli si̍e̍ u̍h kwlǎ.

1 Timote 1:9

Dɛ̍ à iě-a dounᵻ tù-ɛ, ɛ̍ nu̍, ɛ̍ se̍ nyɔ̍ chɛ̀-a tìh telě se̍ poe-ɛ. Jɛ ɛ̍ poe-ɛ dǒ dɛ̍ᵻ sɔ̀nᵻ nu̍ nyɔ̍ we̍, ɛ̍ ke se̍ nyɔ̍ dɛ̍ɛ̍ jě nyɔ̍ ke. Ɛ̍ poe-ɛ dǒ se̍ Nyɔsoa dɛ-ɛ nɛ nyɔ̍ ke gblɛ̍n sɔ̀ɛ̀n nyɔ̍ we̍. Ɛ̍ poe-ɛ dǒ kà kɔn nyɔ̍ ke ùh faɛn-a Nyɔsoa-a we̍. Ɛ̍ poe-ɛ dǒ de̍ᵻ ke baaᵻ dbǎ nyɔ̍ we̍, ɛ̍ ke ùh-a poe-a nyɔ̍ gbe̍ja̍a̍ ke.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

2 Timote 4:4

U̍h-a mu̍ i̍ bǐi u̍h iě tìh-a taǐn dounᵻ we̍ sà, wɛ̀ u̍h iě se̍o̍nɛ dounᵻ we̍ po̍.

Taitɔ 1:6

Chɔchi̍h-a nyɔ̍ klaa bɔ̌ kǐh bu̍hᵻ i̍ nɛ-ɛ, nɛ̀ ɔ̍ blě nynɔ̌ due gbài̍. U̍h-a nynuu̍ blě wlùh gbaɛ, u̍h bɔ̌ nynɛ̌ sɔ̀nᵻ blě nyɔ̍ ke nyɔ̍ wɔ̍n blaɛ nyɔ̍ nu̍-ɛ.

Chiin 1:26

Nyɔ̍ jɔ ɔ̀ la̍ ɔ̀ nu̍-a Nyɔsoa dɛ wɛ̀ ɔ̀ se̍-a ɔ̍ chɛ̀-a wɔ̍n gbèwe̍ gbɛ̍n-ɛ bɛ̌ɛ-ɛ, nɛ̀ ɔ̍ boe ɔ̍ chɛ̀ i̍. Nɛ̀ ɔ̍ Nyɔsoa dɛ se̍ dɛ̍kɛ̍n gbǎ.

1 Chɔɔn 2:18

Ǎn nynuu̍, ti̍-a dlǔ i̍ chlà-a kɔǎn we̍ wɛ̀. Mɔ̀ wɔ̌n i̍h se̍e̍ ka Klai-a Nyɛ̌-nyɔ̍-a mu̍-a ji̍-ɛ. Kaka la̍ u̍h-a dɔu ji̍ wɛ̀. Ɛ̍-ɛ bo à juo i̍ ka ti̍-a chlà-a la̍ dlǔ i̍-ɛ.

1 Chɔɔn 2:4

Nɛ̀ pò nyɔ̍ la̍ ɔ̍ juo Nyɔsoa wɛ̀ ɔ̍ se̍-o ɔ̍ telě i̍ tè-ɛ, nɛ̀ nyɔ̍ kaɛn laa̍ si̍h nyɔ̍ bo, iě tìh-a taǐn se̍ dě ɔ̍ ja̍a̍ nɛ.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

Wlɛfeleseɔn 2:14

Jɛ ǐn blě mɔ̀-a kɔ̌ɛ nynɛ̌ wei. Mɔ̀ blě nyɔ̍ duuh dě mɔ̀ we̍ u̍h gbǎ dǒ Belɛm-a nǎ po̍ wlu̍ de̍e̍. Belɛm po̍ Bela nǎ ɔ̍ iě ɛ̍ nu̍ Eslɔɛ nyɔ̍ iě gblɛ̍n sɔ̀ɛ̀n nu̍, u̍h iě di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ di̍ wɛ̀ u̍h iě gbǎn nu̍ dɛ̍-ɛ gbǎ.

Wlɛfeleseɔn 2:6

Jɛ dɛ̍ due bo ǎn po̍-e mɔ̀ tìhwe̍. Nikola ke ɔ̍ nyɔ̍-a nu̍-dɛ̍ᵻ ǐn faɛn-aɛ, i̍h bo mɔ̀ faɛn ke.