Wlɛfeleseɔn 9:21 - Ku̍o̍ Delee 1999

²¹ Iě u̍h wɔ̍-ɔ bǐi i̍ ke dǒ u̍h-a nyɔ̍ gbe̍ja̍a̍ po̍-ɛ ke, wù po̍-ɛ ke, gbǎn nu̍-ɛ ke jlǐ-ɛ we̍.

Wlɛfeleseɔn 9:21 Iomraidhean Croise

Matio 15:19

Dɛ̍nu̍ɛ, dǒ nyɔ̍ wlùh kɛ̍n bo dɛ̍ᵻ sɔ̀nᵻ wlùh i̍ naɛ-ɛ sɔ. I̍h-a nu̍ ɛ̍ àn poe nyɔ̍ gbe̍ja̍a̍, àn nu̍ nynɛ̌à, àn nu̍ gbǎn, àn jlǐ, àn tmɔ̌ si̍h, ɛ̍ ke nyɔ̍-a nynɛ̌ jii̍ nyni-ɛ ke.

2 Kɔwlɛntiɔn 12:21

Ǎn ple̍ faɔn pò ǐn ji̍ dě mɔ̀ we̍ dɛ-ɛ, ǎn Nyɔsoa-a mu̍ ɛ̍ nu̍ iě mɔ̀-a tɛ̀n ple̍. Nyɔ̍-se̍-juo ǎn mu̍ sùàɛ̀n pa̍ dǒ nyɔ̍ dɔu ùh nu̍-a gblɛ̍n sɔ̀ɛ̀n sàì wɛ̀ ùh se̍-a i̍h kɛ̍n i̍ poe dǒ u̍h-a chɛ̀-a sììjii̍ nu̍-ɛ ke, gbǎn nu̍-ɛ ke se̍i̍kɔɛn u̍h nu̍-a we̍.

Kelesea 5:20

kwɛ̍i̍n gbo̍ᵻ wɛɛ sà-a ke wù po̍-ɛ. Ɛ̍ ke nyɔ̍-ɔ nyɛ̌-ɛ ke, fɔ̀n-ɛ ke, wlɛ̀n kɔn-ɛ ke, nyɔ̍ jlu̍h-u gbǎ-ɛ ke, klǎn kɔn-ɛ ke, wlu̍-a se̍ due nɛ ke, dɛ̍ɛ̍ i̍ gblè-ɛ ke,

Wlɛfeleseɔn 13:13

Wɛ̀ nmi̍ɛ̍ sɔɔ̌n naɛ la, ɛ̍ po̍ jbaɛdih ìh ku̍-a wɔ̍n-ɛ. Ɛ̍ nu̍ ɛ̍-ɛ iě nɛ̍ sɔ dě ja̍i̍ bei ɛ̍ ji̍ nɔ̌ bloɔ̍ dǒ nyɔ̍ kli̍hgbɛ̍ jlǐhwai.

Wlɛfeleseɔn 13:15

Iě ɛ̍ sà-ɛ wlu̍ kɛ̍n ɛ̍ iě sàǐtòò nmi̍ɛ̍-a mɛ̍-dɛ̍ laa̍ feɛ di̍i̍ po̍, wɛ̀ ɛ̍ iě wlu, ɛ̍ iě nyɔ̍ ùh se̍-a ɛ̍ wɛɛ sà mu̍-ɛ dbǎ.

Wlɛfeleseɔn 13:7

Ɛ̍ sà-ɛ wlu̍ kɛ̍n dɛ ke ɛ̍ iě Nyɔsoa-a nyɔ̍ we̍ fɔ̀n wɛ̀ ɛ̍ iě u̍h du̍. Wɛ̀ ɛ̍ nyǐ-ɛ tùn ɛ̍ iě chɛ̌tu ke, dakɔ̍ ke bloa̍ kli̍hgbɛ̍ wlu̍ i̍ kɔn.

Wlɛfeleseɔn 14:8

Wɛ̀ ǐnchɔ̀ dɛɛ ɛ̀ po̍-a sɔɔ̌n-ɛ, ɛ̍ tba̍ dǒ sàì naɛ de̍e̍. Iě ɛ̍ la̍a̍, “Babeloun wlɔ̀ wa̍ wɛ̀. Ɛ̀ ku̍-a wɔ̍n de-ɛ, ɛ̍ wa̍ wɛ̀. Ɛ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ.”

Wlɛfeleseɔn 16:6

U̍h wlǎ àn nyɔ̍ ke àn tu̍owli po̍ nyɔ̍-a nymɔ̍ i̍. Ɛ̍ kɔn ìn nyǐ u̍h nymɔ̍ u̍h iě nǎ. Dɛ̍ ɛ̀ blaɛ-a i̍ ɛ̀ iě-a u̍h pùn nɛ-ɛ, ɛ̍ nɛ u̍h jii̍ wɛ̀.”

Wlɛfeleseɔn 17:2

Ɔ̍ ke kmɔ̌-a blǔh baaᵻ nu̍ gbǎn. Wɛ̀ ɛ̍ nu̍ ɛ̍ iě kmɔ̌ nyɔ̍ kli̍hgbɛ̍ nɛ sɔ̀ìà-a dǒ ɔ̍ pùn ka nmɔ̍-a nu̍ nyɔ̍-ɛ.”

Wlɛfeleseɔn 17:4

Nynɔ̌-a chɛ̀ ɔ̍ pa̍ jlii̍ sàɛ̀n ke nǐnmɛ ìh gbǎ-a dɛ̍kɛ̍n-ɛ. Iě ɔ̍ pa̍ jii̍ nmɔ pɛ̀ɛ̀ dɛ̍ᵻ i̍, ìh nui-a kòo̍ ke, sɔɔ̌ᵻ maloo ke wli̍h-ɛ. Wɛ̀ ɔ̍ blě kòo̍-a kàu̍n kwa̍. Nɛ̀ dě ɔ̍ sììjii̍ ke se̍i̍kɔɛn gbǎn nu̍-ɛ jǐ.

Wlɛfeleseɔn 17:5

Iě nynɛ̌ ɛ̀ kɔn gbɔ̀ sìle-aɛ ɛ̍ chlǐh-ɛ dǒ ɔ̍ jua̍i̍. Ɛ̍ la̍a̍, “Wɔ̍n ku̍ Babeloun wlɔ̀, mɔ̀ bo ɔ̀ nu̍ kàìà nynɔ̌gbaɔᵻ kli̍hgbɛ̍ de̍, ɛ̍ ke kmɔ̌-a sììjii̍ ke.”

Wlɛfeleseɔn 18:3

Dɛ̍nu̍ɛ, ɔ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ. Ɔ̍ ke kmɔ̌-a blǔh baaᵻ nu̍ gbǎn. Wɛ̀ kmɔ̌-a pɛlǔh po̍ nyɔ̍ kli̍hgbɛ̍ pàn ka dǒ ɔ̍ dɛ̍ᵻ sɔ̀nᵻ nu̍-ɛ we̍.”

Wlɛfeleseɔn 19:2

Ɔ̍ nyɔ̍ kàn gbɛ̍n-ɛ slɛ̌ i̍ iě ɛ̍ nu̍ tìh-a taǐn. Kàìà nynɔ̌ klaa ɔ̀ nyni-a bloa̍ jii̍ dǒ ɔ̍ gbǎn nu̍-ɛ we̍-ɛ, ɔ̍ sà ɔ̍ kɛ̀n wɛ̀. Nyɔsoa gbɛ̍n ɔ̍ kàn wɛ̀, dɛ̍nu̍ɛ, ɔ̍ dbǎ ɔ̍ pòi̍nynuu̍.”

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.

Wlɛfeleseɔn 9:20

Nyɔ̍ kli̍hgbɛ̍ ùh dlǐ dɛ̍ᵻ la i̍h se̍-a dbǎ-ɛ, u̍h se̍-e i̍ bǐi dǒ u̍h-a chɛ̀-a nu̍-dɛ̍ᵻ we̍. U̍h se̍ jeědih wɛɛ sà-a i̍ tǎli, ɛ̍ ke kwɛ̍i̍n gbo̍ᵻ u̍h nui-a kòo̍ ke, sebla̍ ke, tìɛ̀n ke, sɔɔ̌ ke tu̍ᵻɛ́ ke. I̍h se̍ i̍ jě-ɛ ke, na-a ke i̍ wɔ̌n-ɛ bɛ̌ɛ.