Wlɛfeleseɔn 9:20 - Ku̍o̍ Delee 1999

²⁰ Nyɔ̍ kli̍hgbɛ̍ ùh dlǐ dɛ̍ᵻ la i̍h se̍-a dbǎ-ɛ, u̍h se̍-e i̍ bǐi dǒ u̍h-a chɛ̀-a nu̍-dɛ̍ᵻ we̍. U̍h se̍ jeědih wɛɛ sà-a i̍ tǎli, ɛ̍ ke kwɛ̍i̍n gbo̍ᵻ u̍h nui-a kòo̍ ke, sebla̍ ke, tìɛ̀n ke, sɔɔ̌ ke tu̍ᵻɛ́ ke. I̍h se̍ i̍ jě-ɛ ke, na-a ke i̍ wɔ̌n-ɛ bɛ̌ɛ.

Wlɛfeleseɔn 9:20 Iomraidhean Croise

Matio 21:32

Dɛ̍nu̍ɛ, Chɔɔn ɔ̀ po̍-a nyɔ̍ nǐ dlǔ-ɛ ji̍ nɔ̌ mɔ̀ we̍ ɔ̍ iě mɔ̀ wìè slɛ̌ i̍ toe, iě mɔ̀ se̍ ɔ̍ tìh chɛ̀ po̍. Jɛ taa̍sìh sà nyɔ̍ ke kàìà nynɔ̌gbaɔᵻ nɔ̀ɔ̍, u̍h po̍ ɔ̍ wlu̍ tìh chɛ̀. Mɔ̀ jě-a dɛ̍-a chɛ̀ la u̍h nu̍-aɛ, ɛ̍ se̍ mɔ̀-a wlùh fèàɛ̀ mɔ̀ iě ɔ̍ tìh chɛ̀ po̍ ke.”

Nu̍-dɛ̍ᵻ 17:29

Nɛ̀ɛ̍ ka à nu̍-a Nyɔsoa-a nynuu̍-ɛ, nɛ̀ à bɔ̌ ɔ̍ kòo̍ ke sebla̍ ke sɔɔ̌ dǎɛ. I̍h nɔ̀ɔ̍, i̍h-a sɔ dě dlǔ di̍i̍ wɛ̀ slɛ̌ kɔn nyɔ̍-a nu̍ i̍h.

Nu̍-dɛ̍ᵻ 19:26

Jɛ Pɔɔ la ɔ̍ la̍ kwɛ̍i̍n gbo̍ᵻ nyi̍ɔ̍ nu̍-aɛ, nɛ̀ i̍h se̍ nyɔsoa fu̍u̍. Ɛ̍ bo ɔ̍ nɛ̌ kɛ̍ɛ̍n, wɛ̀ ɔ̍ fèàɛ̀ nyɔ̍ɔ dɔu-a dlǔᵻ da̍a Ɛfɛsɔ. Ɛ̍ se̍ da̍a Ɛfɛsɔ nɛ due ɔ̍ se̍ ɛ̍ nui, jɛ Esea bloa̍ kli̍hgbɛ̍ kɛ̍n i̍ bo ɔ̍ nui ɛ̍ muɔ. Wɛ̀ mɔ̀-a gba̍ jlǐhɛ̍ mɔ̀-a jě ɛ̍, iě mɔ̀-a wɔ̌n i̍h.

Nu̍-dɛ̍ᵻ 7:41

Dǒ-o bo u̍h mɛ̍-ɛ bli plɔ̀ dǒ ti̍ laa̍ di̍i̍, ɛ̍ nu̍ kwɛ̍i̍n gbo̍. Iě u̍h-a sà slaǎ u̍h-a nu̍ mɔna̍ dǒ u̍h-a chɛ̀-ɛ sɔ̍n-a mɛ̍-dɛ̍ we̍.

2 Kɔwlɛntiɔn 12:21

Ǎn ple̍ faɔn pò ǐn ji̍ dě mɔ̀ we̍ dɛ-ɛ, ǎn Nyɔsoa-a mu̍ ɛ̍ nu̍ iě mɔ̀-a tɛ̀n ple̍. Nyɔ̍-se̍-juo ǎn mu̍ sùàɛ̀n pa̍ dǒ nyɔ̍ dɔu ùh nu̍-a gblɛ̍n sɔ̀ɛ̀n sàì wɛ̀ ùh se̍-a i̍h kɛ̍n i̍ poe dǒ u̍h-a chɛ̀-a sììjii̍ nu̍-ɛ ke, gbǎn nu̍-ɛ ke se̍i̍kɔɛn u̍h nu̍-a we̍.

1 Timote 4:1

Nyɔsoa-a Sùù sà ɛ̍-ɛ te̍gbe̍i̍n ka nyɔ̍ duuh-a mu̍-a wlùh gbaɛ kɛ̍n i̍ poe dě nya̍-ɛ, wɛ̀ u̍h iě kǔ sùù ìh-a boe-a nyɔ̍ i̍-ɛ dounᵻ we̍ po̍, u̍h iě i̍h-a nǎ po̍ wlu̍ de̍e̍ gbǎ.

Wlɛfeleseɔn 15:1

Wɛ̀ ǐn jě nyɔ̍ wɔ̍n flɔn-ɛ dɛ̍ klaa dɛɛ dě ja̍i̍wlɔ̀. Ɛ̍ nu̍ Nyɔsoa-a ǐnchɔ̀ mɛ̀sɔɔ̌n, iě i̍h blě dlǐ dɛ̍ᵻ mɛ̀sɔɔ̌n-a bɔ̌ɛ-o naɛ i̍h-a ja, dɛ̍nu̍ɛ, i̍h bo ìh sà Nyɔsoa jlu̍h wɔ̍n.

Wlɛfeleseɔn 16:8

Wɛ̀ ǐnchɔ̀-a nyìɛ̍ naɛ chɛ̌li ɛ̍ boo̍ dǒ jlǔh kɛ̍n. Iě ɛ̍ fɔ̍n nyɔ̍gbei dǒ ɛ̍ nɛ̍ we̍.

Wlɛfeleseɔn 9:19

Soo̍bliᵻá chɛ̀ i̍h-a gbǐh nɛ dě i̍h wɔ̍ɔ̍n ke dě i̍h-a wɔ̀nᵻ di̍i̍. I̍h-a wɔ̀nᵻ ke sɛ̍ mu̍i we̍, iě i̍h blě dlǔᵻ. I̍h-i bo i̍h-a nu̍ wɛ̀ i̍h-a tba̍ nyɔ̍ dɛ̍.

Wlɛfeleseɔn 9:21

Iě u̍h wɔ̍-ɔ bǐi i̍ ke dǒ u̍h-a nyɔ̍ gbe̍ja̍a̍ po̍-ɛ ke, wù po̍-ɛ ke, gbǎn nu̍-ɛ ke jlǐ-ɛ we̍.