Wlɛfeleseɔn 9:1 - Ku̍o̍ Delee 1999

¹ Wɛ̀ ǐnchɔ̀-a m̀m̌ naɛ bla̍ ɛ̍ dɔ̍gbɛ̍, iě ǐn jě chǔhtlɛ̀n ɛ̍ blu̍ dě ja̍i̍, wɛ̀ ɛ̍ kà i̍ dǒ bloɔ̍. Iě ɛ̍ nyǐ-ɛ kàn biě-a kɔɛ̍n.

Wlɛfeleseɔn 9:1 Iomraidhean Croise

Pɔ̀n Chɛ̀ Luu To-a La 10:18

Wɛ̀ Jusu la̍a̍ dě u̍h we̍, “Ǐn jě Setɔn-a i̍ kà la̍, ka nǐ chlɛ jlǐh dě ja̍u̍n wlì-ɛ.

Pɔ̀n Chɛ̀ Luu To-a La 8:31

Iě jeědih ba̍le Jusu, ɔ̍-ɔ je̍e i̍h dě kàn gbɛ̍n biě di̍i̍ dbo̍.

Wloma 10:7

“Àe̍e̍, nyɔ̍ bo ɔ̀ mu̍ dě wlù nɔ̀ɔ̍ mu̍ ɛ?” (wɛ̀ ɔ̀ iě-e Klai sà-ɛ).

Wlɛfeleseɔn 1:18

Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.

Wlɛfeleseɔn 1:20

Dɛ̍ᵻ ìh sìle-a ìh nu̍-a chǔhtlɛ̀n mɛ̀sɔɔ̌n ìn jě-a dě ǎn di̍na̍ kwa̍a̍-ɛ ke chlǎn nape̍ᵻá kɛ̍n tè dɛ̍ᵻ mɛ̀sɔɔ̌n laa̍ ìh nui-a kòo̍-ɛ, i̍h-a gbɔ̀ la. Chǔhtlɛ̀n mɛ̀sɔɔ̌n laa̍ bo ìh nu̍ Nyɔsoa-a ǐnchɔ̀ dǒ chɔchi̍h nyɔ̍ nɛ-a wlɔ̀ᵻ mɛ̀sɔɔ̌n di̍i̍-ɛ we̍. Wɛ̀ chlǎn nape̍ᵻá kɛ̍n tè dɛ̍ᵻ mɛ̀sɔɔ̌n nu̍ chɔchi̍h mɛ̀sɔɔ̌n-a chɛ̀.”

Wlɛfeleseɔn 11:7

Pò u̍h wɔ̀ u̍h-a tu̍owli po̍-ɛɛ, nɛ̀ nmi̍ɛ̍ ɛ̀ sɔ-a dě kàn biě laa̍ di̍i̍-ɛ, ɛ̍ mu̍ u̍h tu̍h we̍ pa̍-ɛ. Nɛ̀ ɛ̍ mu̍ u̍h klà sà, ɛ̍ iě u̍h dbǎ.

Wlɛfeleseɔn 17:8

Nmi̍ɛ̍ ìn jě-aɛ, ɛ̍ nɛ kmɔ̌ de, jɛ ɛ̍ se̍ kmɔ̌ nɛ dɛ fu̍u̍. Jɛ ɛ̍ ji̍ la̍ dě kàn biě di̍i̍ sɔ la̍, wɛ̀ ɛ̍ iě-e gbɔ̀lɔ-ɛ. Kmɔ̌ nyɔ̍ juh kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ-ɛ, pò u̍h jě nmi̍ɛ̍ la-ɛ, nɛ̀ ɛ̍ mu̍ u̍h wɔ̍n flɔn-ɛ. Dɛ̍nu̍ɛ, ɛ̍ nɛ kmɔ̌ de, wɛ̀ ɛ̍ se̍ ka kmɔ̌ nɛ dɛ, iě ɛ̍ mu̍ la̍ ji̍ dode̍.

Wlɛfeleseɔn 20:1

Wɛ̀ ǐn jě ǐnchɔ̀ nɛ̀ ɛ̍ sɔ dě ja̍i̍wlɔ̀ ɛ̍ ji̍ nɔ̌ sɔ̀n. Iě ɛ̍ blě jeědih-a kàn biě-a kɔɛ̍n kwa̍, ɛ̍ ke jɔɔdbǔ ɛ̀ ku̍-a wɔ̍n-ɛ ke.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 6:13

Wɛ̀ chǔhtlɛ̀n kèàɛ i̍ dǒ bloɔ̍ ka tìlèè poɔ-a ji̍ wɛ̀ de̍ bɔ̌ɛ tu̍ᵻá blu̍ buǒᵻ ja̍ i̍-ɛ.

Wlɛfeleseɔn 8:10

Wɛ̀ ǐnchɔ̀-a ta̍a̍n naɛ bla̍ ɛ̍ dɔ̍gbɛ̍, iě chǔhtlɛ̀n klaa ɛ̀ wa̍n-a tàù-a dɛ̍-ɛ, wɛ̀ ɛ̍ blu̍ dě ja̍u̍n wlì. Iě ɛ̍ gbǎ nǐᵻ klaaᵻá gbɔ̍ᵻ ta̍a̍n naɛ-a due kɛ̍n ɛ̍ ke kao̍dluᵻ ke.

Wlɛfeleseɔn 8:12

Wɛ̀ ǐnchɔ̀-a nyìɛ̍ naɛ bla̍ ɛ̍ dɔ̍gbɛ̍, iě jlǔh-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍. Iě chǔh-a fɔ̌ᵻ nɛ-a ta̍a̍n i̍h-a due ke chǔhtlɛ̀n-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍ ke. Ɛ̍ kɔn i̍h-a sɔ̀npli-a fɔ̌ᵻ nɛ-a ta̍a̍n-ɛ, i̍h-a due due mɔ̌ i̍. Wɛ̀ weɛ̍-a fɔ̌ᵻ nɛ-a ta̍a̍n-ɛ, jlǔh se̍ i̍h-a due kɛ̍n i̍ fa̍n-ɛ. Wlù-a fɔ̌ᵻ nɛ-a ta̍a̍n-ɛ, chǔh ke chǔhtlɛ̀n se̍ i̍h-a due kɛ̍n i̍ fa̍n-ɛ.

Wlɛfeleseɔn 8:2

Iě ǐn jě Nyɔsoa-a ǐnchɔ̀ mɛ̀sɔɔ̌n i̍h nyna i̍ dǒ Nyɔsoa jǔ. Wɛ̀ dɔ̍gbɛ̍ᵻ mɛ̀sɔɔ̌n nyǐ-ɛ i̍h.

Wlɛfeleseɔn 9:2

Wɛ̀ ɛ̍ pɔ̀ni kàn biě laa̍ wɔ̍i̍n, iě daluh dɔu sɔ dě ɛ̍ di̍i̍ ka nɛ̍ gbà klaa-a daluh-ɛ. Wɛ̀ daluh ɛ̀ sɔ-a dě kàn biě laa̍ di̍i̍-ɛ, iě ɛ̍ nu̍ jlǔh ke dě ja̍i̍-a plìplì.