Wlɛfeleseɔn 8:9 - Ku̍o̍ Delee 1999

⁹ Iě nmi̍i̍-a gbɔ̍ᵻ nɛ-a ta̍a̍n dě jbǒ kɛ̍n-ɛ, i̍h-a gbɔ̍ due mɛ̌. Wɛ̀ niɔ̍ mɛɛ̍ᵻá gbɔ̍ᵻ nɛ-a ta̍a̍n-ɛ, i̍h-a gbɔ̍ due gbɔ̀lɔ.

Wlɛfeleseɔn 8:9 Iomraidhean Croise

Wlɛfeleseɔn 12:4

Wɛ̀ ɛ̍ wɔ̀n sà chǔhtlɛ̀n-a gbɔ̍ᵻ nɛ-a ta̍a̍n-ɛ i̍h-a gbɔ̍ due dě ja̍u̍n wlì, iě ɛ̍ po̍ i̍h sɔ̀n nɔ̌ bloɔ̍. Iě dɔ̍sɛ-a chɛ̀ nyna i̍ dǒ kwlǐ nynɔ̌ laa̍ jǔ, pò ɔ̍ jǔ wlǔh-ɛ, ɛ̍ iě ɔ̍ di̍.

Wlɛfeleseɔn 16:3

Wɛ̀ ǐnchɔ̀-a sɔɔ̌n naɛ chɛ̌li ɛ̍ boo̍ dǒ jbǒ kɛ̍n. Iě nǐ-a chɛ̀ ke mɛ̌-nyɔ̍-a nymɔ̍ wɔ̀ɛ. Wɛ̀ kmɔ̌ nɛ dɛ̍ᵻ kli̍hgbɛ̍ nɛ-a dě jbǒ kɛ̍n-ɛ, i̍h mɛ̌.

Wlɛfeleseɔn 8:10

Wɛ̀ ǐnchɔ̀-a ta̍a̍n naɛ bla̍ ɛ̍ dɔ̍gbɛ̍, iě chǔhtlɛ̀n klaa ɛ̀ wa̍n-a tàù-a dɛ̍-ɛ, wɛ̀ ɛ̍ blu̍ dě ja̍u̍n wlì. Iě ɛ̍ gbǎ nǐᵻ klaaᵻá gbɔ̍ᵻ ta̍a̍n naɛ-a due kɛ̍n ɛ̍ ke kao̍dluᵻ ke.

Wlɛfeleseɔn 8:12

Wɛ̀ ǐnchɔ̀-a nyìɛ̍ naɛ bla̍ ɛ̍ dɔ̍gbɛ̍, iě jlǔh-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍. Iě chǔh-a fɔ̌ᵻ nɛ-a ta̍a̍n i̍h-a due ke chǔhtlɛ̀n-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍ ke. Ɛ̍ kɔn i̍h-a sɔ̀npli-a fɔ̌ᵻ nɛ-a ta̍a̍n-ɛ, i̍h-a due due mɔ̌ i̍. Wɛ̀ weɛ̍-a fɔ̌ᵻ nɛ-a ta̍a̍n-ɛ, jlǔh se̍ i̍h-a due kɛ̍n i̍ fa̍n-ɛ. Wlù-a fɔ̌ᵻ nɛ-a ta̍a̍n-ɛ, chǔh ke chǔhtlɛ̀n se̍ i̍h-a due kɛ̍n i̍ fa̍n-ɛ.

Wlɛfeleseɔn 8:7

Wɛ̀ sàǐtòò ǐnchɔ̀ bla̍ ɛ̍ dɔ̍gbɛ̍, iě seɔn gbo̍ᵻ ke nɛ̍ sìàɛ̍n nymɔ̍-ɔ, wɛ̀ i̍h wlǎ-ɛ bloa̍ kɛ̍n i̍. Wɛ̀ bloa̍-a fɔ̌ᵻ nɛ-a ta̍a̍n-ɛ, i̍h-a due-a tu̍ᵻ ke ɛ̍ pei jaɔ kli̍hgbɛ̍ i̍h si̍n.

Wlɛfeleseɔn 9:15

Wɛ̀ ǐnchɔ̀ nyìɛ̍ laa̍ ìh poe-ɛ gba̍a̍ dǒ àba̍ ke, weɛ̍ ke, chǔh ke, sɔ̀n-a taǐn laa̍ di̍i̍ i̍h iě blǔh-a fɔ̌ᵻ nɛ-a ta̍a̍n-ɛ, i̍h-a fɔ̌ due-a nyɔ̍ dbǎ. Wɛ̀ i̍h sà-ɛ sɔ̀n kɛ̍n.

Wlɛfeleseɔn 9:18

Nɛ̍ ke, daluh ke pɔ̀nɔ̌ ìh-a sɔ-a dě soo̍bliᵻá wɔ̍ɔ̍n-ɛ, nyɔ̍-a gbɔ̍ᵻ nɛ-a ta̍a̍n-ɛ i̍h dbǎ u̍h-a gbɔ̍ due.