Wlɛfeleseɔn 8:7 - Ku̍o̍ Delee 1999

⁷ Wɛ̀ sàǐtòò ǐnchɔ̀ bla̍ ɛ̍ dɔ̍gbɛ̍, iě seɔn gbo̍ᵻ ke nɛ̍ sìàɛ̍n nymɔ̍-ɔ, wɛ̀ i̍h wlǎ-ɛ bloa̍ kɛ̍n i̍. Wɛ̀ bloa̍-a fɔ̌ᵻ nɛ-a ta̍a̍n-ɛ, i̍h-a due-a tu̍ᵻ ke ɛ̍ pei jaɔ kli̍hgbɛ̍ i̍h si̍n.

Wlɛfeleseɔn 8:7 Iomraidhean Croise

Chiin 1:11

Dɛ̍nu̍ɛ, pò jlǔh wlǔh kwlǎ-ɛ, nɛ̀ ɛ̍ nɛ sànsàn, iě ɛ̍ dɛ̌blɛ pei-a fɔ̀ài̍n i̍. Wɛ̀ i̍h-a blu̍ i̍h ja̍i̍, nɛ̀ i̍h-a jii̍ nmɔ-ɛ mǎ-ɛ. Kǎ pàn-nyɔ̍-a tìh-a mu̍ nɛ ke. Pò ɔ̍ nɛ dǒ pɛlǔh po̍-ɛa tɔǐ wɛ̀-ɛ, wɛ̀ ɔ̍ pàn-dɛ̍ᵻ iě-e gbɔ̀lɔ.

1 Pitɛ 1:24

Ɛ̍ kɔn Nyɔsoa-a wlu̍ la̍a̍, “Nyɔ̍ kli̍hgbɛ̍ wɔ̀ pei, wɛ̀ u̍h-a jii̍ nmɔ-ɛ ke fɔ̀ài̍n wɔ̀ɛ. Pei dɛ̌blɛ-ɛ, nɛ̀ fɔ̀ài̍n kà i̍.

Wlɛfeleseɔn 12:4

Wɛ̀ ɛ̍ wɔ̀n sà chǔhtlɛ̀n-a gbɔ̍ᵻ nɛ-a ta̍a̍n-ɛ i̍h-a gbɔ̍ due dě ja̍u̍n wlì, iě ɛ̍ po̍ i̍h sɔ̀n nɔ̌ bloɔ̍. Iě dɔ̍sɛ-a chɛ̀ nyna i̍ dǒ kwlǐ nynɔ̌ laa̍ jǔ, pò ɔ̍ jǔ wlǔh-ɛ, ɛ̍ iě ɔ̍ di̍.

Wlɛfeleseɔn 16:2

Wɛ̀ sàǐtòò ǐnchɔ̀ mu̍ iě ɛ̍ chɛ̌li ɛ̍ naɛ boo̍ dǒ bloa̍ kɛ̍n. Iě nyɔ̍ ùh blě-a nmi̍ɛ̍-a juola iě ùh-a sà-a ɛ̍ mɛ̍-dɛ̍ wɛɛ-ɛ, wɛ̀ chɛn-chìèᵻ ke wɔ̍n kma chìèᵻ gbǎ dǒ u̍h pùn.

Wlɛfeleseɔn 16:21

Iě seɔn gbo̍ᵻ klaaᵻ ìh ke kɔɔ bɔlɔ-a kwa̍ ku̍-ɛ beɛ̍ɛ-a, wɛ̀ i̍h blu̍ dě ja̍i̍. Wɛ̀ i̍h gbǎ nyɔ̍ɔ kɛ̍n, iě u̍h-a po̍ Nyɔsoa wlu̍we̍i̍ ɔ̍ dlǐ seɔn gbo̍ᵻ dbo̍ tìh. Dɛ̍nu̍ɛ, ɛ̍ nu̍ dlǐ dɛ̍-a kanɛa naɛ.

Wlɛfeleseɔn 6:8

Ǐn gbɛ̀n-a deě-ɛ, iě ǐn jě soo̍bli ɛ̀ blě-a dɔgbɔ ku̍-ɛ. Ɛ̀ naɛ-a dǒ ɛ̍ kɛ̍n-ɛ, ɛ̍ nynɛ̌ nu̍ Mɛ̌ɛ, iě ɛ̀ Kɔn-a Mɛ̌-nyɔ̍ Wlu̍ I̍-ɛ tè i̍ dǒ ɛ̍ de̍e̍. Wɛ̀ i̍h nyǐ-ɛ tùn i̍h iě bloa̍-a fɔ̌ᵻ nɛ-a nyìɛ̍-ɛ, i̍h-a due wlu̍ i̍ kɔn. Wɛ̀ i̍h iě nyɔ̍ plàn chlɛ̀n ke, mɔ̌ ke, wɛ̌ᵻ ke, kwlǎ nmi̍i̍ i̍ dbǎ-ɛ.

Wlɛfeleseɔn 7:1

Ɛ̀ la ɛ̍ wɔ̀-a nɛ-ɛ, iě ǐn jě Nyɔsoa-a ǐnchɔ̀ nyìɛ̍, nɛ̀ i̍h nyna-ɛ bloa̍-a kɔ̍lu̍hᵻ nyìɛ̍ we̍ i̍. Nɛ̀ i̍h gbɛ̍n bloa̍-a poɔ nɛ-a nyìɛ̍-ɛ i̍, wɛ̀ poɔ je̍e ji̍ nɔ̌ bloa̍ kɛ̍n ɛ̍-ɛ je̍e jbǒ-a chɛ̀ ke tu̍-o-tu̍ ji̍-i.

Wlɛfeleseɔn 9:15

Wɛ̀ ǐnchɔ̀ nyìɛ̍ laa̍ ìh poe-ɛ gba̍a̍ dǒ àba̍ ke, weɛ̍ ke, chǔh ke, sɔ̀n-a taǐn laa̍ di̍i̍ i̍h iě blǔh-a fɔ̌ᵻ nɛ-a ta̍a̍n-ɛ, i̍h-a fɔ̌ due-a nyɔ̍ dbǎ. Wɛ̀ i̍h sà-ɛ sɔ̀n kɛ̍n.

Wlɛfeleseɔn 9:18

Nɛ̍ ke, daluh ke pɔ̀nɔ̌ ìh-a sɔ-a dě soo̍bliᵻá wɔ̍ɔ̍n-ɛ, nyɔ̍-a gbɔ̍ᵻ nɛ-a ta̍a̍n-ɛ i̍h dbǎ u̍h-a gbɔ̍ due.

Wlɛfeleseɔn 9:4

Wɛ̀ i̍h sèàɛ̍-ɛ wlùh i̍h-i je̍e pei ke, tu̍ᵻ ke tù-dɛ̍ᵻ dɛ̍ nui. Jɛ nyɔ̍ ùh se̍-a Nyɔsoa-a juola blě dǒ u̍h jua̍i̍-ɛ, u̍h nɛ due bo i̍h iě dɛ̍ nui.