Wlɛfeleseɔn 8:5 - Ku̍o̍ Delee 1999

⁵ Wɛ̀ ǐnchɔ̀ laa̍ ɛ̍ dǔ nɔ̌-dɛ̍ᵻá di̍i̍ fɔ̍n-ɛ dɛ̍-ɛ, ɛ̍ jǐi ɛ̍ dǒ nɛ̍ ɛ̀ sɔ-a dǒ gblǒ kɛ̍n-ɛ we̍. Iě ɛ̍ fìle ɛ̍ dǒ bloa̍ kɛ̍n. Wɛ̀ tɛ̀n-a plǎn-ɛ i̍, slɛ̀-a wlu, iě nǐ-a chlɛ jlǐh, wɛ̀ wlù poɔ-a ji̍.

Wlɛfeleseɔn 8:5 Iomraidhean Croise

Matio 24:7

Bloa̍ ke bloa̍-a mu̍ fɔ̀n, wɛ̀ kɔ̀mla̍ ke kɔ̀mla̍ iě fɔ̀n. Nɛ̀ wlù poɔ-a mu̍ blǔh kli̍hgbɛ̍ i̍ sèke, wɛ̀ mɔ̌ iě gbǎ.

Pɔ̀n Chɛ̀ Luu To-a La 12:49

“Ǐn ji̍-i iě blǔh la nɛ̍ kɛ̍n po̍. Pò ɛ̍ nɛ wɛ̀ de-ɛ, nɛ̀ ɛ̍ po̍ ǐn gbǐh.

Nu̍-dɛ̍ᵻ 16:26

Kli-a ka-a, nɛ̀ wlù poɔ klaa chɛn ja̍i̍ wɛ̀, iě ɛ̍ sèke kasoo gbò-a gbɔ̀lùh i̍. Dǒ kasoo gbò-a wɔ̍nᵻ kli̍hgbɛ̍ nyna iě i̍h pɔ̀ni. Wɛ̀ jɔɔ nɛ-a gbɛ̍n-nyɔ̍ kli̍hgbɛ̍ bu̍hᵻ i̍-ɛ chɛn.

Nu̍-dɛ̍ᵻ 4:31

U̍h iě-a ba̍le-ɛ wɔ̀-ɛ, tà u̍h nɛ-a wɛ̀ u̍h iě-a ba̍le-ɛ, sɔ dǒ sìka i̍ sǔh. Wɛ̀ Nyɔsoa-a Sùù jǐi u̍h kli̍hgbɛ̍ i̍, iě u̍h-a bla̍ Nyɔsoa-a wlu̍ gbài̍gbài̍.

Wlɛfeleseɔn 11:13

Dǒ ti̍-a taǐn laa̍ di̍i̍-ɛ, wɛ̀ wlù poɔ klaa ji̍. Iě tùgbàwlɔ̀ laa̍ ɛ̍ fɔ̌ᵻ pùè ɛ̍ blě-aɛ, wɛ̀ i̍h-a fɔ̌ due wlǎ. Wɛ̀ nyɔ̍-a wlǔ mɛ̀sɔɔ̌n (7,000) mɛ̌ dǒ wlù poɔ laa̍ we̍. Nyɔ̍ juh tàn-oɛ, u̍h gbǎ faɔn kaa̍ iě u̍h bɛ̌-ɛ Nyɔsoa-a nynɛ̌ i̍ ɔ̀ nɛ-a dě ja̍i̍wlɔ̀-ɛ.

Wlɛfeleseɔn 11:19

Wɛ̀ Nyɔsoa-a slaǎ sà gbò nɛ-a dě ja̍i̍wlɔ̀-ɛ pɔ̀ni wɔ̍n, iě ɔ̍ Ku̍o̍ Gblòùn jě-eɛ dě ɛ̍ di̍i̍. Wɛ̀ nǐ-a chlɛ jlǐh, iě slɛ̀-a wlu, tɛ̀n-a plǎn-ɛ i̍, wlù poɔ-a ji̍, iě kwa̍ ku̍ seɔn gbo̍ᵻ wlǎ.

Wlɛfeleseɔn 4:5

Nɛ̀ nǐ-a jlǐh chlɛ-ɛ ke tɛ̀n-ɛ plǎn-a ke slɛ̀-a sɔ dě nynɛ̌ gbalǎ-a chɛ̀ we̍. Nɛ̀ tàùᵻ mɛ̀sɔɔ̌n-a wa̍n-ɛ dǒ nynɛ̌ gbalǎ-a chɛ̀ jǔ. I̍h bo ìh nu̍ sùù mɛ̀sɔɔ̌n ìh-a dbee-a Nyɔsoa jǔ-ɛ.

Wlɛfeleseɔn 6:12

Wɛ̀ Blawɛ̌ Jǔ wa̍ slu̍-a mɛ̀o̍ naɛ. Ǐn gbɛ̀n-a deě-ɛ, nɛ̀ wlù poɔ ɛ̀ ku̍-a wɔ̍n-ɛ, ɛ̍ ji̍-i. Iě jlǔh gbe jlu̍jlu̍ ka puo-ɛ, wɛ̀ chǔh sàni ka nymɔ̍-ɛ.

Wlɛfeleseɔn 8:3

Wɛ̀ ǐnchɔ̀ dɛɛ ɛ̀ blě-a nɔ̌-dɛ̍ᵻá di̍i̍ fɔ̍n-ɛ dɛ̍ ɛ̀ nui-a kòo̍-ɛ, iě ɛ̍ ji̍. Wɛ̀ ɛ̍ nyna i̍ dǒ gblǒ pùn. Wɛ̀ ɛ̍ nyǐ-ɛ nɔ̌-dɛ̍ᵻ dɔu i̍h iě dǒ Nyɔsoa nyɔ̍ kli̍hgbɛ̍-a ba̍le wlu̍ kɛ̍n gbǎ. Wɛ̀ i̍h iě kwlǎ sà-ɛ dǒ kòo̍ gblǒ ɛ̀ nyna-a i̍ dǒ nynɛ̌ gbalǎ jǔ-ɛ kɛ̍n.