Wlɛfeleseɔn 8:2 - Ku̍o̍ Delee 1999

² Iě ǐn jě Nyɔsoa-a ǐnchɔ̀ mɛ̀sɔɔ̌n i̍h nyna i̍ dǒ Nyɔsoa jǔ. Wɛ̀ dɔ̍gbɛ̍ᵻ mɛ̀sɔɔ̌n nyǐ-ɛ i̍h.

Wlɛfeleseɔn 8:2 Iomraidhean Croise

Matio 18:10

Jusu la̍a̍, “Mɔ̀ nu̍ nɛnɛ̌ ùh plìh la mɔ̀-ɔ je̍e u̍h-a nyɔ̍ due jlǐhɛ̍ dlǔ bla̍. Bɔ̌ ǐn sèàɛ̍ mɔ̀ wlùh, dɛ̍nu̍ɛ, u̍h-a Nyɔsoa-a ǐnchɔ̀ nɛ-a dě ja̍i̍wlɔ̀-ɛ, i̍h ke ǐn Baa-a jiěe te̍e̍ deě. [

Matio 24:31

Nɛ̀ dɔ̍gbɛ̍-a mu̍ wlu, wɛ̀ ɔ̍ iě ɔ̍ ǐnchɔ̀ blǔh kàɛ̀n nɛ-a nyìɛ̍-ɛ kɛ̍n i̍ dbo̍. Wɛ̀ i̍h iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Pɔ̀n Chɛ̀ Luu To-a La 1:19

Wɛ̀ Joi-a ǐnchɔ̀ sà ɔ̍ wlu̍ pɔ̀n we̍, ɛ̍ la̍a̍, “Mɔ̍ Keblɛ, ǐn nyna i̍ dǒ Nyɔsoa jǔ. Ɔ̍ dbo̍ m iě wlu dě ìn we̍, iě ìn pɔ̀n chɛ̀ la wlùh sèàɛ̍.

Pɔ̀n Chɛ̀ Luu To-a La 21:36

Mɔ̀ nu̍ nɛnɛ̌ ti̍ kli̍hgbɛ̍ we̍. Mɔ̀ ba̍le wɛ̀ mɔ̀ iě gbǐh blě, nɛ̀ mɔ̀-a mu̍ ìh kli̍hgbɛ̍ la ìh-a mu̍-a nɛ-ɛ wɔ̍i̍n wa̍n. Wɛ̀ mɔ̀ iě dǒ Nyi̍ɔ̍-a Jǔ jǔ i̍ nyna-a bɛ̌ɛ.”

1 Tɛsoloniɔn 4:16

Dɛ̍nu̍ɛ, Joi-a chɛ̀-a gbǎ-a mu̍ dě ja̍i̍wlɔ̀ sɔ, wɛ̀ telě iě nyǐ-ɛ dǒ plǎn-a wlu̍ we̍. Wɛ̀ Nyɔsoa-a ǐnchɔ̀-a dlǔtu iě dǎ, wɛ̀ Nyɔsoa-a dɔ̍gbɛ̍ iě wlu. Nɛ̀ nyɔ̍ ùh mɛ̌-a dě Klai ja̍a̍-ɛ, u̍h-a mu̍-e wlǔh sàǐtòò.

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 15:1

Wɛ̀ ǐn jě nyɔ̍ wɔ̍n flɔn-ɛ dɛ̍ klaa dɛɛ dě ja̍i̍wlɔ̀. Ɛ̍ nu̍ Nyɔsoa-a ǐnchɔ̀ mɛ̀sɔɔ̌n, iě i̍h blě dlǐ dɛ̍ᵻ mɛ̀sɔɔ̌n-a bɔ̌ɛ-o naɛ i̍h-a ja, dɛ̍nu̍ɛ, i̍h bo ìh sà Nyɔsoa jlu̍h wɔ̍n.

Wlɛfeleseɔn 16:1

Wɛ̀ ǐn wɔ̌n we̍le wlu̍ ɛ̍ sɔ dě slaǎ sà gbò di̍i̍. Iě ɛ̍ sèàɛ̍ ǐnchɔ̀ mɛ̀sɔɔ̌n laa̍ wlùh, ɛ̍ la̍a̍, “Mɔ̀ mu̍ mɔ̀ iě boo̍ᵻ mɛ̀sɔɔ̌n ìh jǐ-a dǒ Nyɔsoa-a jlu̍h we̍-ɛ chɛ̌li dǒ bloa̍ kɛ̍n.”

Wlɛfeleseɔn 8:13

Wɛ̀ ǐn gbɛ̀n-e, iě ǐn wɔ̌n chìsǐ-a wlu, nɛ̀ ɛ̍ wa̍n-ɛ dě ja̍u̍n wlì, iě ɛ̍ we̍le. Ɛ̍ la̍a̍, “Chlě, chlě dǒ nyɔ̍ ùh nɛ-a nɔ̌ bloɔ̍ wɛ̀ bɔ̌ɛ-o ǐnchɔ̀ ta̍a̍n iě-a dɔ̍gbɛ̍ᵻ bla̍-ɛ we̍.”

Wlɛfeleseɔn 8:6

Wɛ̀ Nyɔsoa-a ǐnchɔ̀ mɛ̀sɔɔ̌n laa̍ ìh blě-a dɔ̍gbɛ̍ᵻɛ́, i̍h po̍ i̍h gba̍a̍ i̍h iě i̍h bla̍.

Wlɛfeleseɔn 9:1

Wɛ̀ ǐnchɔ̀-a m̀m̌ naɛ bla̍ ɛ̍ dɔ̍gbɛ̍, iě ǐn jě chǔhtlɛ̀n ɛ̍ blu̍ dě ja̍i̍, wɛ̀ ɛ̍ kà i̍ dǒ bloɔ̍. Iě ɛ̍ nyǐ-ɛ kàn biě-a kɔɛ̍n.