Wlɛfeleseɔn 8:12 - Ku̍o̍ Delee 1999

¹² Wɛ̀ ǐnchɔ̀-a nyìɛ̍ naɛ bla̍ ɛ̍ dɔ̍gbɛ̍, iě jlǔh-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍. Iě chǔh-a fɔ̌ᵻ nɛ-a ta̍a̍n i̍h-a due ke chǔhtlɛ̀n-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍ ke. Ɛ̍ kɔn i̍h-a sɔ̀npli-a fɔ̌ᵻ nɛ-a ta̍a̍n-ɛ, i̍h-a due due mɔ̌ i̍. Wɛ̀ weɛ̍-a fɔ̌ᵻ nɛ-a ta̍a̍n-ɛ, jlǔh se̍ i̍h-a due kɛ̍n i̍ fa̍n-ɛ. Wlù-a fɔ̌ᵻ nɛ-a ta̍a̍n-ɛ, chǔh ke chǔhtlɛ̀n se̍ i̍h-a due kɛ̍n i̍ fa̍n-ɛ.

Wlɛfeleseɔn 8:12 Iomraidhean Croise

Matio 24:29

Jusu la̍a̍, “Dǒ wǐh laa̍ di̍i̍ pò jua̍i̍ sàɛ̀ la ɛ̍ chɛ̍n i̍-ɛ, ɛ̍ se̍-o wlè mu̍, nɛ̀ jlǔh-a mu̍ gbe, nɛ̀ chǔh se̍ fa̍n mu̍ dɛ. Nɛ̀ chǔhtlɛ̀n-a mu̍ dě ja̍u̍n wlì blu̍. Nɛ̀ gbǐh nɛ-a dě ja̍u̍n wlì-ɛ, i̍h-a mu̍ tèla̍ wlǔh.

Matio 27:45

Jlǔh blaɛ dǒ wìè dlǔ i̍ sǔh, wɛ̀ kwile gbǎ dǒ blǔh kli̍hgbɛ̍-a chɛ̀ kɛ̍n. Kǎ ɛ̍ nɛ te̍e̍ wɛ̀ jlǔh te̍le i̍.

Pɔ̀n Chɛ̀ Maɛ To-a La 13:24

“Dǒ wǐh laa̍ di̍i̍ pò jua̍i̍ sàɛ̀ la ɛ̍ chɛn i̍-ɛ, ɛ̍ se̍-o wlè mu̍, nɛ̀ jlǔh-a mu̍ gbe, nɛ̀ chǔh se̍ fa̍n mu̍ dɛ.

Pɔ̀n Chɛ̀ Maɛ To-a La 15:33

Jlǔh blaɛ dǒ wìè dlǔ i̍ sǔh, wɛ̀ kwile gbǎ dǒ blǔh kli̍hgbɛ̍-a chɛ̀ kɛ̍n. Kǎ ɛ̍ nɛ te̍e̍ wɛ̀ jlǔh te̍le i̍.

Pɔ̀n Chɛ̀ Luu To-a La 21:25

“Nɛ̀ jlǔh ke chǔh ke chǔhtlɛ̀n-a mu̍ jbaɛdih po̍, wɛ̀ tìh jě-ɛ iě bloa̍ kli̍hgbɛ̍ kɛ̍n i̍ nɛ nɔ̌ kmɔ̌ la̍ we̍. Nɛ̀ nyɔ̍ kli̍hgbɛ̍-a mu̍ jbǒ-a klu̍-ɛ ke ɛ̍ dǒ po̍ wlu̍ jǔ ple̍.

Nu̍-dɛ̍ᵻ 2:20

Nɛ̀ jlǔh-a mu̍ gbe, wɛ̀ chǔh iě slìi̍h nɛ ka nymɔ̍-ɛ sasǎ, wɛ̀ Joi-a wɔ̍n ku̍-ɛ ke tìh-a i̍ bɛ̌-ɛ weɛ̍ iě ji̍-ɛ dǔ.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Wlɛfeleseɔn 12:4

Wɛ̀ ɛ̍ wɔ̀n sà chǔhtlɛ̀n-a gbɔ̍ᵻ nɛ-a ta̍a̍n-ɛ i̍h-a gbɔ̍ due dě ja̍u̍n wlì, iě ɛ̍ po̍ i̍h sɔ̀n nɔ̌ bloɔ̍. Iě dɔ̍sɛ-a chɛ̀ nyna i̍ dǒ kwlǐ nynɔ̌ laa̍ jǔ, pò ɔ̍ jǔ wlǔh-ɛ, ɛ̍ iě ɔ̍ di̍.

Wlɛfeleseɔn 16:10

Iě ǐnchɔ̀-a m̀m̌ naɛ chɛ̌li ɛ̍ boo̍ dǒ nmi̍ɛ̍-a nynɛ̌ gbalǎ kɛ̍n. Wɛ̀ ɛ̍ kmɔ̌ wlu̍ i̍ kɔn-ɛ gbǎ dě kwile di̍i̍, iě nyɔ̍gbei-a di̍ nynɛ̌ dǒ jua̍i̍ sàɛ̀ we̍.

Wlɛfeleseɔn 6:12

Wɛ̀ Blawɛ̌ Jǔ wa̍ slu̍-a mɛ̀o̍ naɛ. Ǐn gbɛ̀n-a deě-ɛ, nɛ̀ wlù poɔ ɛ̀ ku̍-a wɔ̍n-ɛ, ɛ̍ ji̍-i. Iě jlǔh gbe jlu̍jlu̍ ka puo-ɛ, wɛ̀ chǔh sàni ka nymɔ̍-ɛ.

Wlɛfeleseɔn 9:15

Wɛ̀ ǐnchɔ̀ nyìɛ̍ laa̍ ìh poe-ɛ gba̍a̍ dǒ àba̍ ke, weɛ̍ ke, chǔh ke, sɔ̀n-a taǐn laa̍ di̍i̍ i̍h iě blǔh-a fɔ̌ᵻ nɛ-a ta̍a̍n-ɛ, i̍h-a fɔ̌ due-a nyɔ̍ dbǎ. Wɛ̀ i̍h sà-ɛ sɔ̀n kɛ̍n.

Wlɛfeleseɔn 9:18

Nɛ̍ ke, daluh ke pɔ̀nɔ̌ ìh-a sɔ-a dě soo̍bliᵻá wɔ̍ɔ̍n-ɛ, nyɔ̍-a gbɔ̍ᵻ nɛ-a ta̍a̍n-ɛ i̍h dbǎ u̍h-a gbɔ̍ due.