Wlɛfeleseɔn 7:9 - Ku̍o̍ Delee 1999

⁹ Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě nyɔ̍ tlùgbei̍ ùh nyɔ̍ se̍-a slè-ɛ bɛ̌ɛ-ɛ. U̍h sɔ dě dakɔ̍ kli̍hgbɛ̍ ke chɛ̌tu kli̍hgbɛ̍ ke bloa̍ kli̍hgbɛ̍ di̍i̍ i̍. Nɛ̀ u̍h nyna-ɛ i̍ dǒ nynɛ̌ gbalǎ ke Blawɛ̌ Jǔ jǔ. Nɛ̀ u̍h pa̍ plɛ̀i̍ plǔᵻ i̍, iě u̍h blě ju̍hᵻ wlɔ̍nᵻ kwa̍ i̍.

Wlɛfeleseɔn 7:9 Iomraidhean Croise

Pɔ̀n Chɛ̀ Luu To-a La 12:1

Ti̍ nyɔ̍ɔ-a wlǔ-a wlǔ gbǎ-a tàdùè-ɛ, nɛ̀ u̍h-a gboǎɛ la̍ wlè. Wɛ̀ Jusu tè wlu-ɛ gbɔ̀ dě ɔ̍ kòà we̍ sàǐtòò. Ɔ̍ la̍a̍, “Mɔ̀ tù mɔ̀-a chɛ̀ jlǐhɛ̍, mɔ̀ nu̍ nɛnɛ̌ dǒ Fɛlesii nyɔ̍-a blèe̍ fù-i dɛ̍ᵻ we̍, ɛ̀ nu̍-a u̍h-a mɛɔ sɔɔ̌n wɔ̍ɔ̍n nɛ-ɛɛ.

Pɔ̀n Chɛ̀ Luu To-a La 21:36

Mɔ̀ nu̍ nɛnɛ̌ ti̍ kli̍hgbɛ̍ we̍. Mɔ̀ ba̍le wɛ̀ mɔ̀ iě gbǐh blě, nɛ̀ mɔ̀-a mu̍ ìh kli̍hgbɛ̍ la ìh-a mu̍-a nɛ-ɛ wɔ̍i̍n wa̍n. Wɛ̀ mɔ̀ iě dǒ Nyi̍ɔ̍-a Jǔ jǔ i̍ nyna-a bɛ̌ɛ.”

Chɔɔn 12:13

Wɛ̀ u̍h dǔ ju̍hᵻ wlɔ̍nᵻɛ́, iě u̍h blě i̍ wǐi-ɛ u̍h-a mu̍ ɔ̍ i̍ jǎɛ la̍. U̍h la̍a̍, “Nyɔsoa bo ɔ̀ nu̍ tìhwe̍ po̍ nyɔ̍. Eslɔɛ nyɔ̍-a Blǔh Baa ɔ̀ ji̍-a dǒ Joi-a nynɛ̌ kɛ̍n-ɛ, pɔ̀ìě dǒ ɔ̍ we̍.”

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

Ɛfɛsɔ 6:13

Ɛ̍ tìh-ɛ, mɔ̀ dǔ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ mɔ̀ iě i̍h-i pa̍. Nɛ̀ pò dɛ̍ᵻ sɔ̀nᵻ la i̍h ji̍-ɛ, nɛ̀ mɔ̀-a mu̍ i̍h i̍ nyna-a bɛ̌ɛ te̍e̍ wɛ̀ tu̍h la ɛ̍ iě chlà.

Iblu 11:12

Ɛ̍ tìh-ɛ, Eblaɛɛn ɔ̀ kɔǎɛn-a mɛ̌ɛ i̍ wɛ̀ de-ɛ, dě ɔ̍ ja̍a̍ bo tloemlai dɔu la u̍h sɔ-ɔ. Iě nyɔ̍ se̍ u̍h slè-ɛ bɛ̌ɛ, ka nyɔ̍ jě chǔhtlɛ̀n ke jbǒ penɔ̍ɔ̍-ɛ.

Iblu 12:22

Jɛ mɔ̀ɔ̍ nɔ̀ɔ̍, mɔ̀ ji̍ nɔ̌ Saiɛn Tlu̍h kɛ̍n wɛ̀, ɛ̍ ke dǒ Juluslɛn jɛ nɛ-a dě ja̍i̍wlɔ̀-ɛ di̍i̍ ke, ɛ̀ nu̍-a kmɔ̌ nɛ Nyɔsoa-a tùgbàwlɔ̀-ɛ. Dě ɛ̍ di̍i̍ bo ɔ̍ ǐnchɔ̀ ìh-a nmɔ-aɛ, i̍h-a wlǔ-a wlǔ nɛ.

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 22:3

Dɛ̍ ɛ̀ Nyɔsoa po̍-a wlu̍we̍i̍-ɛ, ɛ̍ se̍ dǒ wlɔ̀ laa̍ di̍i̍ nɛ mu̍. Nyɔsoa ke Blawɛ̌ Jǔ-a nynɛ̌ gbalǎ bo ɛ̀ mu̍ dǒ wlɔ̀ laa̍ di̍i̍ nɛ, wɛ̀ ɔ̍ pòi̍nynuu̍ iě ɔ̍ wɛɛ sà.

Wlɛfeleseɔn 3:18

Ɛ̍ tìh-ɛ, ǎn tù mɔ̀ slɛ̌n mɔ̀ iě kòo̍ wlihwlǐh tɛ̀n nɔ̌ ǐn we̍, wɛ̀ mɔ̀ iě pàn. Mɔ̀ tɛ̀n jlii̍ plǔᵻ ke mɔ̀ iě-e pa̍. Wɛ̀ mɔ̀ iě dɛ̍ jǔ wlǎ, tɛ̀n-ɛ je̍e mɔ̀ nu̍. Mɔ̀ tɛ̀n kwɛ̍i̍n mɔ̀ iě jlǐh i̍ po̍, wɛ̀ mɔ̀ iě i̍ jě.

Wlɛfeleseɔn 4:4

Nynɛ̌ gbalǎ laa̍, nynɛ̌ gbalǎᵻá kwela sɔɔ̌n jɔ̌ nyìɛ̍ (24) bo ìh dlɛ̌ ɛ̍. Nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ bo ùh tìèe̍ i̍h di̍i̍ i̍. Nɛ̀ u̍h pa̍ jlii̍ plǔᵻ i̍, iě u̍h tèè kòo̍-a blawɛ̌ᵻ.

Wlɛfeleseɔn 5:11

Wɛ̀ ǐn gbɛ̀n-e dɛ, iě ǐn wɔ̌n Nyɔsoa-a ǐnchɔ̀-a wlu̍. I̍h bɛ̌ɛ i̍h iě wlǔ-a wlǔ-a poa nu̍. I̍h dlɛ̌ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ ke nyɔ̍ klaaᵻ laa̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.

Wlɛfeleseɔn 6:11

Nɛ̀ jɔ-ɛ ɔ̍ nyǐ-ɛ plɛ̀i̍ plǔ. Iě u̍h sèàɛ̍-ɛ wlùh u̍h iě fɔ ke̍ te̍e̍, wɛ̀ ka u̍h nu̍-a dbǎ-ɛɛ iě u̍h ba̍ᵻ pòi̍nynuu̍ ke de̍di̍i̍ᵻ ùh-a mu̍-a dbǎ-ɛ ke-ɛ, wɛ̀ u̍h-a tìɛ̀n iě tba̍.

Wlɛfeleseɔn 7:8

Wɛ̀ wlǔ-a pùè jɔ̌ sɔɔ̌n (12,000) sɔ dě Sɛɛbeloun-a chɛǐ, iě wlǔ-a pùè jɔ̌ sɔɔ̌n (12,000) sɔ dě Josɛ-a chɛǐ. Wɛ̀ wlǔ-a pùè jɔ̌ sɔɔ̌n (12,000) sɔ dě Bɛnyima-a chɛǐ.