Wlɛfeleseɔn 7:4 - Ku̍o̍ Delee 1999

⁴ Wɛ̀ nyɔ̍ tìèwe̍ ùh tùi-a Nyɔsoa-a juola pùn-ɛ, iě ǐn wɔ̌n ka u̍h tìè-aɛ. U̍h nu̍ wlǔ-a kmɛ due kwela nyìɛ̍ jɔ̌ nyìɛ̍ (144,000). U̍h kli̍hgbɛ̍ u̍h sɔ dě Eslɔɛ-a chɛ̌tu-a pùè jɔ̌ sɔɔ̌n i̍.

Wlɛfeleseɔn 7:4 Iomraidhean Croise

Matio 19:28

Wɛ̀ Jusu la̍a̍ dě u̍h we̍, “Tìh-a taǐn àn sèàɛ̍ mɔ̀ wlùh, ti̍ dɛ̍ᵻ kli̍hgbɛ̍-a mu̍-a delee i̍ gbǎ-ɛ, nɛ̀ Nyi̍ɔ̍-a Jǔ-a mu̍ i̍ tè dǒ ɔ̍ nynɛ̌ gbalǎ kɛ̍n dě ɔ̍ tìh-a i̍ bɛ̌-ɛ di̍i̍. Nɛ̀ mɔ̀ɔ̍ ùh gbǎ-a dǒ ǐn de̍e̍-ɛ, wɛ̀ mɔ̀ iě dǒ nynɛ̌ gbalǎᵻá pùè jɔ̌ sɔɔ̌n kɛ̍n i̍ tìèe̍ ke, wɛ̀ mɔ̀ iě Eslɔɛ nyɔ̍-a chɛ̌tu-a pùè jɔ̌ sɔɔ̌n wlu̍ i̍ kɔn.

Pɔ̀n Chɛ̀ Luu To-a La 14:22

Pòi̍ju ji̍-a de̍-ɛ, wɛ̀ ɔ̍ la̍a̍, ‘Nyɔ̍ klaa, dɛ̍ ìn sèàɛ̍ ǐn wlùh-ɛ, ǐn wɔ̀ ɛ̍ nu̍-ɛ wɛ̀. Jɛ tèla̍ sie i̍ ke̍.’

Pɔ̀n Chɛ̀ Luu To-a La 22:30

Wɛ̀ mɔ̀ iě dǒ ǎn teble̍ kɛ̍n dɛ̍ di̍-i, mɔ̀ iě nǎ dě ǎn kmɔ̌ wlu̍ i̍ kɔn-ɛ di̍i̍. Wɛ̀ mɔ̀ iě dǒ nynɛ̌ gbalǎᵻ kɛ̍n i̍ tìèe̍, wɛ̀ mɔ̀ iě Eslɔɛ nyɔ̍-a chɛ̌tu-a pùè jɔ̌ sɔɔ̌n wlu̍ i̍ kɔn.”

Nu̍-dɛ̍ᵻ 26:7

Blǔh Baa, tɔ̀ma̍a̍ wlu̍ la ɛ̍ bo à chɛ̌tuᵻá pùè jɔ̌ sɔɔ̌n tè wlì u̍h iě jě. Iě u̍h-a sà Nyɔsoa wɛɛ wlù ke sɔ̀n. Wlì tè dɛ̍ laa̍, ɛ̍ tìh ɛ̍ kɔn mɔ̍ bo Juu nyɔ̍-a blaɛ-a tìh i̍.

Wloma 9:27

Kǎ Asaia nu̍ ɛ̍ bla̍-a dǒ Eslɔɛ nyɔ̍ pùn, ɔ̍ la̍a̍, “Eslɔɛ nyɔ̍-a jɛ tìè i̍ sǔh u̍h iě jbǒ penɔ̍ɔ̍ wɔ̀-ɛ, jɛ u̍h-a jɔ̌ wei bo ùh-a mu̍-o tàn.

Chiin 1:1

Mɔ̍ Chiin ɔ̀ nu̍-a Nyɔsoa ke Joi Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa nyɔ̍ kli̍hgbɛ̍ sɛ̍-a kmɔ̌ la we̍-ɛ, mɔ̍ sà mɔ̀ nyinɔ̍ i̍.

Wlɛfeleseɔn 14:1

Wɛ̀ ǐn gbɛ̀n-e, iě ǐn jě Blawɛ̌ Jǔ, nɛ̀ ɔ̍ nyna i̍ dǒ Saiɛn Tlu̍h kɛ̍n. Ɔ̍ ke nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) nyna i̍, ùh kɔn jua̍i̍ ɔ̍ ke ɔ̍ Baa-a nynɛ̌ chlǐh-aɛ.

Wlɛfeleseɔn 14:3

Wɛ̀ nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) laa̍ ùh Nyɔsoa sèìe-aɛ, u̍h ble̍ duǐh delee dǒ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ laa̍ ke nyɔ̍ klaaᵻ jǔ. Nyɔ̍ dɔɔ se̍ duǐh laa̍ cheǎn-a bɛ̌ɛ.

Wlɛfeleseɔn 7:5

Wlǔ-a pùè jɔ̌ sɔɔ̌n (12,000) sɔ dě Juuda-a chɛǐ, iě u̍h tùi-ɛ juola. Wɛ̀ wlǔ-a pùè jɔ̌ sɔɔ̌n (12,000) sɔ dě Wlubɛn-a chɛǐ. Iě wlǔ-a pùè jɔ̌ sɔɔ̌n (12,000) sɔ dě Kaa-a chɛǐ.

Wlɛfeleseɔn 9:16

Wɛ̀ nyɔ̍ sèàɛ̍ ǐn wlùh ka fledlǔ ùh-a naɛ-a soo̍bliᵻ kɛ̍n-ɛ u̍h nu̍-a poa-a kmɛ sɔɔ̌n-ɛ (200,000,000).