Wlɛfeleseɔn 7:3 - Ku̍o̍ Delee 1999

³ Ɛ̍ la̍a̍, “Mɔ̀ bɔ̌ bloa̍ ke, jbǒ ke tu̍ᵻ dɛ̍ nui-ɛ te̍e̍ wɛ̀ à iě à Nyɔsoa-a pòi̍nynuu̍-a jua̍a̍ᵻ juola tù-ɛ wɔ̀.”

Wlɛfeleseɔn 7:3 Iomraidhean Croise

Matio 24:22

Pò wǐh la i̍h se̍ dlǔ i̍ chɛ̍n-ɛ de-ɛ, nɛ̀ nyɔ̍ se̍-o tàn mu̍ de. Jɛ nyɔ̍ ùh Nyɔsoa tba̍-a chèɛ̀-ɛ, u̍h-a tìh bo ɔ̍ mu̍ wǐh la dlǔ i̍ chɛ̍n.

Matio 24:31

Nɛ̀ dɔ̍gbɛ̍-a mu̍ wlu, wɛ̀ ɔ̍ iě ɔ̍ ǐnchɔ̀ blǔh kàɛ̀n nɛ-a nyìɛ̍-ɛ kɛ̍n i̍ dbo̍. Wɛ̀ i̍h iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Chɔɔn 12:26

Nyɔ̍-o-nyɔ̍ ɔ̀ pɔ̀n-a ǐn jǔ dbee-ɛ i̍-ɛ, nɛ̀ ɔ̍ kɔn ɔ̍ iě dǒ ǐn de̍e̍ gbǎ. Wɛ̀ tà ǐn nɛ-aɛ, ǎn pòi̍ju iě-o nɛ ke. Nyɔ̍ ɔ̀ mu̍-a ǐn jǔ dbee-ɛ, ǐn Baa-a mu̍ ɔ̍ ja̍ tè.

Chɔɔn 3:33

Nyɔ̍ jɔ gbɛ̍n-a ɔ̍ wlu̍ i̍-ɛ, nɛ̀ ɔ̍ juo ɛ̍ i̍ ka Nyɔsoa nu̍-a tìh-a taǐn nyɔ̍-ɛ.

Wloma 6:22

Jɛ kaka la̍ gblɛ̍n sɔ̀ɛ̀n se̍ mɔ̀ wlu̍ i̍ kɔn dɛ, iě mɔ̀ nu̍ ka Nyɔsoa-a kèi̍ᵻ. Ɛ̍ nu̍ ɛ̍ iě mɔ̀ kɔn dǒ Nyɔsoa we̍, iě ɛ̍ nu̍ ɛ̍ wɛ̀ mɔ̀ blě kmɔ̌ sie feɛ.

Wlɛfeleseɔn 13:16

Wɛ̀ nmi̍ɛ̍-a sɔɔ̌n naɛ se̍-o nyɔ̍ i̍ si̍e̍, nyɔ̍ plìh o, klaaᵻ o, pàn-nyɔ̍ o, nyɔ̍gbà nyɔ̍ o, kèi̍ᵻ o, de̍e̍ i̍ flɔn nyɔ̍ o ɛ̍ nu̍ u̍h-a kloǒ kli̍hgbɛ̍ u̍h iě juola tù-iɛ dǒ u̍h-a di̍na̍ sɔ̍nᵻ àe̍e̍ dǒ u̍h jua̍i̍.

Wlɛfeleseɔn 13:17

Nyɔ̍ se̍ dɛ̍ tɛ̀n-ɛ àe̍e̍ dɛ̍ ple̍-ɛ bɛ̌ɛ mu̍ pò ɔ̍ se̍ sàǐtòò nmi̍ɛ̍-a juola la blě-ɛ. Juola la ɛ̍ nyna i̍ dǒ nmi̍ɛ̍ la ɛ̍ nynɛ̌ wɔ̀ɔ̀, ɛ̍ ke ɛ̍ nynɛ̌-a namà ke.

Wlɛfeleseɔn 14:1

Wɛ̀ ǐn gbɛ̀n-e, iě ǐn jě Blawɛ̌ Jǔ, nɛ̀ ɔ̍ nyna i̍ dǒ Saiɛn Tlu̍h kɛ̍n. Ɔ̍ ke nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) nyna i̍, ùh kɔn jua̍i̍ ɔ̍ ke ɔ̍ Baa-a nynɛ̌ chlǐh-aɛ.

Wlɛfeleseɔn 14:9

Iě ǐnchɔ̀ dɛɛ ɛ̀ po̍-a ta̍a̍n-ɛ, ɛ̍ tba̍ dǒ i̍h de̍e̍. Wɛ̀ ɛ̍ we̍le, ɛ̍ la̍a̍, “Pò nyɔ̍-o-nyɔ̍ sà nmi̍ɛ̍ ke ɛ̍ mɛ̍-dɛ̍ wɛɛ wɛ̀ ɔ̍ iě ɛ̍ juola blě dǒ ɔ̍ jua̍i̍ àe̍e̍ sɔ̍n i̍-ɛ,

Wlɛfeleseɔn 19:2

Ɔ̍ nyɔ̍ kàn gbɛ̍n-ɛ slɛ̌ i̍ iě ɛ̍ nu̍ tìh-a taǐn. Kàìà nynɔ̌ klaa ɔ̀ nyni-a bloa̍ jii̍ dǒ ɔ̍ gbǎn nu̍-ɛ we̍-ɛ, ɔ̍ sà ɔ̍ kɛ̀n wɛ̀. Nyɔsoa gbɛ̍n ɔ̍ kàn wɛ̀, dɛ̍nu̍ɛ, ɔ̍ dbǎ ɔ̍ pòi̍nynuu̍.”

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 22:4

U̍h-a mu̍ ɔ̍ jua̍a̍ jě, wɛ̀ ɔ̍ nynɛ̌ iě chlǐh-ɛ dǒ u̍h jua̍i̍.

Wlɛfeleseɔn 6:6

Wɛ̀ ǐn wɔ̌n dɛ̍-a wlu̍ ka nyi̍ɔ̍-a wlu̍ dě kmɔ̌ nɛ dɛ̍ᵻ nyìɛ̍ laa̍ nynɛ̌-ɛ. Ɛ̍ la̍a̍, “Kɛnɛ̌ bɔlɔ-a gbo̍ juwɛ due dǒ weɛ̍ gbàǐ-a pɛ̌ɛ la we̍. Nɛ̀ baale bɔlɔᵻá gbo̍ᵻ plìh ta̍a̍n dǒ weɛ̍ gbàǐ-a pɛ̌ɛ la we̍. Jɛ bɔ̌ ɔle-tu̍ᵻá chlǎn ke nmɔ̍ jii̍ nyni-ɛ.”

Wlɛfeleseɔn 7:1

Ɛ̀ la ɛ̍ wɔ̀-a nɛ-ɛ, iě ǐn jě Nyɔsoa-a ǐnchɔ̀ nyìɛ̍, nɛ̀ i̍h nyna-ɛ bloa̍-a kɔ̍lu̍hᵻ nyìɛ̍ we̍ i̍. Nɛ̀ i̍h gbɛ̍n bloa̍-a poɔ nɛ-a nyìɛ̍-ɛ i̍, wɛ̀ poɔ je̍e ji̍ nɔ̌ bloa̍ kɛ̍n ɛ̍-ɛ je̍e jbǒ-a chɛ̀ ke tu̍-o-tu̍ ji̍-i.

Wlɛfeleseɔn 7:2

Wɛ̀ ǐn jě ǐnchɔ̀ dɛɛ ɛ̍ sɔ dě tà jlǔh-a wlǔh-ia kwlǎ-a. Nɛ̀ ɛ̍ blě dɛ̍ ɛ̀ tù-a nyɔ̍ kmɔ̌ nɛ Nyɔsoa-a juola pùn-ɛ kwa̍. Iě ɛ̍ wǐ ɛ̍ dǎ ǐnchɔ̀ nyìɛ̍ ìh Nyɔsoa nyǐ-a gbǐh ìh iě-a bloa̍ ke jbǒ kɔ̌ɛ-ɛ.

Wlɛfeleseɔn 9:4

Wɛ̀ i̍h sèàɛ̍-ɛ wlùh i̍h-i je̍e pei ke, tu̍ᵻ ke tù-dɛ̍ᵻ dɛ̍ nui. Jɛ nyɔ̍ ùh se̍-a Nyɔsoa-a juola blě dǒ u̍h jua̍i̍-ɛ, u̍h nɛ due bo i̍h iě dɛ̍ nui.