Wlɛfeleseɔn 7:2 - Ku̍o̍ Delee 1999

² Wɛ̀ ǐn jě ǐnchɔ̀ dɛɛ ɛ̍ sɔ dě tà jlǔh-a wlǔh-ia kwlǎ-a. Nɛ̀ ɛ̍ blě dɛ̍ ɛ̀ tù-a nyɔ̍ kmɔ̌ nɛ Nyɔsoa-a juola pùn-ɛ kwa̍. Iě ɛ̍ wǐ ɛ̍ dǎ ǐnchɔ̀ nyìɛ̍ ìh Nyɔsoa nyǐ-a gbǐh ìh iě-a bloa̍ ke jbǒ kɔ̌ɛ-ɛ.

Wlɛfeleseɔn 7:2 Iomraidhean Croise

Matio 16:16

Wɛ̀ Samo Pitɛ la̍a̍, “Mɔ̀ Chèɛ̀ Tba̍ju, ɔ̀ nu̍-a kmɔ̌ nɛ Nyɔsoa-a Jǔ-ɛ.”

Matio 26:63

Jɛ Jusu se̍ fuɛn nu̍. Wɛ̀ slaǎ sà nyɔ̍-a dlǔtu la̍a̍ dě ɔ̍ we̍, “Ji̍ ìè kmɔ̌ nɛ Nyɔsoa slɛ̀ɛ̀n pò ìn tù Chèɛ̀ Tba̍ju ɔ̀ nu̍-a Nyɔsoa-a Jǔ-ɛ, ìè à wlùh sèàɛ̍.”

Chɔɔn 6:27

Di̍-dɛ̍ᵻ jih-a mu̍-a sɔ̀n-ɛ, mɔ̀ bɔ̌ i̍h-a dbo̍ nu̍-ɛ. Jɛ di̍-dɛ̍ jɛ mu̍-a mɔ̀ i̍ kui wɛ̀ mɔ̀ iě-a kmɔ̌ sie feɛ blě-ɛ, ɛ̍ kɔn dbo̍ bo mɔ̀ iě nu̍. Di̍-dɛ̍ ǎn dǎ-aɛ, ɛ̍ bo ɔ̀ nu̍-a Nyi̍ɔ̍-a Jǔ-ɛ ɔ̍ mu̍-a mɔ̀ nyǐ. Dɛ̍nu̍ɛ, ɔ̍ bo Baa Nyɔsoa wɔ̌ɛn we̍.”

2 Kɔwlɛntiɔn 1:22

Ɔ̍ tù ɔ̍ juola dǒ à pùn wɛ̀, iě ɔ̍ po̍ ɔ̍ Sùù dě à wlùh di̍i̍, ɛ̍ iě ɛ̍ to dǒ dɛ̍ᵻ ɔ̍ mu̍-a à nyǐ-ɛ we̍.

Ɛfɛsɔ 1:13

Nɛ̀ɛ̍, kǎ mɔ̀ nɛ ke. Ti̍ mɔ̀ wɔ̌n-a tìh-a taǐn tu̍owli ɛ̀ nu̍-a pɔ̀n chɛ̀ iě ɛ̍ pǔh-ia mɔ̀-ɛ, mɔ̀ gbaɛ Klai wlùh iě Nyɔsoa nyǐ mɔ̀ ɔ̍ Sùù ɛ̀ kɔn wlu̍ ɔ̍ po̍-a tɔ̀ma̍a̍. Wɛ̀ ɛ̍ nu̍ juola ka mɔ̀ kɔn-a dǒ ɔ̍ we̍-ɛ.

Ɛfɛsɔ 4:30

Mɔ̀ bɔ̌ Nyɔsoa-a Sùù-a wlùh seɔn po̍-ɛ. Dɛ̍nu̍ɛ, ɛ̍ bo ɛ̀ nu̍ mɔ̀ naɛ juola dǒ weɛ̍ mɔ̀-a mu̍-a sèìe-ɛ di̍i̍.

1 Tɛsoloniɔn 1:9

Ti̍ à ji̍-a dě mɔ̀ we̍-ɛ, ka mɔ̀ nu̍-a à tìh i̍ gbɛ̍n-ɛɛ, nyɔ̍ kli̍hgbɛ̍-a sà i̍h-i. Ɛ̍ ke ka mɔ̀ tǎli-a kwɛ̍i̍n gbo̍ᵻ i̍, iě mɔ̀ bǐi-a dě Nyɔsoa we̍ i̍ wɛ̀ mɔ̀ iě-a kmɔ̌ nɛ Nyɔsoa ɔ̀ nu̍-a tìh-a taǐn-ɛ wɛɛ sà-ɛ.

2 Timote 2:19

Jɛ Nyɔsoa-a gbo̍tu ɔ̍ po̍-a wlù-ɛ, ɛ̍ nyna i̍ gba̍i̍ngba̍i̍n. Iě wlu̍ la i̍h chlǐh-ɛ dǒ ɛ̍ kɛ̍n. I̍h la̍a̍, “Joi juo ùh nu̍-a ɔ̍ nyɔ̍-ɛ.” Nɛ̀ɛ̍, “Nyɔ̍-o-nyɔ̍ ɔ̀ po̍-a ɔ̍ chɛ̀ dǒ Joi-a nynɛ̌ kɛ̍n-ɛ, nɛ̀ ɔ̍ poe dɛ̍ sɔ̀n nu̍-ɛ kɛ̍n i̍.”

Iblu 12:22

Jɛ mɔ̀ɔ̍ nɔ̀ɔ̍, mɔ̀ ji̍ nɔ̌ Saiɛn Tlu̍h kɛ̍n wɛ̀, ɛ̍ ke dǒ Juluslɛn jɛ nɛ-a dě ja̍i̍wlɔ̀-ɛ di̍i̍ ke, ɛ̀ nu̍-a kmɔ̌ nɛ Nyɔsoa-a tùgbàwlɔ̀-ɛ. Dě ɛ̍ di̍i̍ bo ɔ̍ ǐnchɔ̀ ìh-a nmɔ-aɛ, i̍h-a wlǔ-a wlǔ nɛ.

Wlɛfeleseɔn 1:3

Nyɔ̍ ùh-a slè-a dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nɛ̀ u̍h nmɔ i̍. Nɛ̀ dɛ̍ᵻ ìh nɛ-a dě ɛ̍ di̍i̍ pò nyɔ̍ wɔ̌n i̍h, wɛ̀ u̍h iě i̍h i̍ gbɛ̍n-ɛ, nɛ̀ u̍h nmɔ i̍. Dɛ̍nu̍ɛ, ti̍ ìh la i̍h-a mu̍-a nɛ-ɛ, ɛ̍ kɔǎn we̍ wɛ̀.

Wlɛfeleseɔn 10:1

Wɛ̀ ǐn jě Nyɔsoa-a kmu-u ǐnchɔ̀ dɛɛ, nɛ̀ ɛ̍ sɔ dě ja̍i̍wlɔ̀. Nɛ̀ ɛ̍ pa̍ nǐgban-a, iě nǐnmɛ nu̍ ɛ̍ tèè dɛ̍. Ɛ̍ jua̍a̍ ke jlǔh mu̍i we̍, iě ìn jě ɛ̍ bu̍hᵻɛ́ ka nɛ̍-a pàìbǒ-ɛ.

Wlɛfeleseɔn 10:4

Tɛ̀n mɛ̀sɔɔ̌n wɔ̀-a plǎn-aɛ, ǎn ji̍ la̍ chlǐh la̍ de sǔh, wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Bɔ̌ tɛ̀n mɛ̀sɔɔ̌n-a wlu̍ laa̍ chlǐh-ɛ, tè i̍h tà i̍.”

Wlɛfeleseɔn 16:12

Wɛ̀ ǐnchɔ̀-a mɛ̀o̍ naɛ chɛ̌li ɛ̍ boo̍ dǒ nǐ klaa nu̍-a Iufleti-ɛ kɛ̍n. Iě nǐ-a chɛ̀ ma̍ kli̍hgbɛ̍ ɛ̍ iě blǔh baaᵻá sɔ-a dě tà jlǔh-a wlǔh-ia kwlǎ-a u̍h-a wìè gba̍a̍ po̍.

Wlɛfeleseɔn 5:2

Wɛ̀ ǐn jě Nyɔsoa-a kmu-u ǐnchɔ̀, nɛ̀ ɛ̍ we̍le-e. Ɛ̍ la̍a̍, “Nyɔ̍ bo ɔ̀ nɛ slu̍ la wa̍ ka ɔ̀ iě chlǐh-dɛ̍-a gbo̍lo̍ la pɔ̀ni ɛ?”

Wlɛfeleseɔn 8:3

Wɛ̀ ǐnchɔ̀ dɛɛ ɛ̀ blě-a nɔ̌-dɛ̍ᵻá di̍i̍ fɔ̍n-ɛ dɛ̍ ɛ̀ nui-a kòo̍-ɛ, iě ɛ̍ ji̍. Wɛ̀ ɛ̍ nyna i̍ dǒ gblǒ pùn. Wɛ̀ ɛ̍ nyǐ-ɛ nɔ̌-dɛ̍ᵻ dɔu i̍h iě dǒ Nyɔsoa nyɔ̍ kli̍hgbɛ̍-a ba̍le wlu̍ kɛ̍n gbǎ. Wɛ̀ i̍h iě kwlǎ sà-ɛ dǒ kòo̍ gblǒ ɛ̀ nyna-a i̍ dǒ nynɛ̌ gbalǎ jǔ-ɛ kɛ̍n.

Wlɛfeleseɔn 9:14

Wlu̍-a chɛ̀ la̍a̍ dě ǐnchɔ̀-a mɛ̀o̍ naɛ la ɛ̀ blě-a dɔ̍gbɛ̍-ɛ we̍, “Nyɔsoa-a ǐnchɔ̀ nyìɛ̍ ìh sa̍n-ɛa dě nǐ klaa nu̍-a Iufleti-ɛ wɔ̍i̍n-ɛ, sà i̍h sɔ̍n kɛ̍n.”

Wlɛfeleseɔn 9:4

Wɛ̀ i̍h sèàɛ̍-ɛ wlùh i̍h-i je̍e pei ke, tu̍ᵻ ke tù-dɛ̍ᵻ dɛ̍ nui. Jɛ nyɔ̍ ùh se̍-a Nyɔsoa-a juola blě dǒ u̍h jua̍i̍-ɛ, u̍h nɛ due bo i̍h iě dɛ̍ nui.