Wlɛfeleseɔn 7:17 - Ku̍o̍ Delee 1999

¹⁷ Dɛ̍nu̍ɛ, Blawɛ̌ Jǔ ɔ̀ nɛ-a dǒ nynɛ̌ gbalǎ-a wèa̍-ɛ, ɔ̍ bo ɔ̀ mu̍ u̍h jlǐhɛ̍ we̍ tù ka blawɛ̌ we̍ i̍ gbɛ̀n nyɔ̍-ɛ. Ɔ̍ mu̍ u̍h sɔ̍nᵻ we̍ i̍ naɛ, wɛ̀ ɔ̍ iě u̍h dě kao̍dlu ɛ̀ nyǐ-a nyɔ̍ feɛ-ɛ we̍ gba̍. Wɛ̀ Nyɔsoa iě u̍h mǐtɛɛn kli̍hgbɛ̍ jlǐh i̍ slǎn.”

Wlɛfeleseɔn 7:17 Iomraidhean Croise

Matio 2:6

‘Bɛfleɛɛn wlɔ̀, mɔ̀ nɛ-a dě Judia bloa̍ kɛ̍n-ɛ, wlɔ̀ᵻ gbàɛ̀ klaaᵻ ìh gbǎ-a dɛ̍kɛ̍n-ɛ, ìn se̍ i̍ wàn dě i̍h nynɛ̌. Dɛ̍nu̍ɛ, dǒ ìn di̍i̍ bo dlǔtu-a mu̍ sɔ, wɛ̀ ɔ̍ iě dǒ ǎn chɛ̌ Eslɔɛ nyɔ̍ we̍ i̍ gbɛ̀n.’ ”

Matio 5:4

“Nyɔ̍ ùh pa̍-a sùàɛ̀n Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ gbòɛ̀ i̍ blaɛ-ɛ.

Chɔɔn 10:11

“Mɔ̍ bo ɔ̀ nu̍ blawɛ̌ᵻ we̍ i̍ gbɛ̀n nyɔ̍ chɛ̀. Blawɛ̌ᵻ we̍ i̍ gbɛ̀n nyɔ̍ chɛ̀ bo ɔ̀ sà ɔ̍ feɛ kwlǎ dǒ blawɛ̌ᵻ we̍.

Chɔɔn 10:14

Mɔ̍ blawɛ̌ᵻ we̍ i̍ gbɛ̀n nyɔ̍ chɛ̀. Ǐn juo ǎn blawɛ̌ᵻ iě ǎn blawɛ̌ᵻ juo m.

Chɔɔn 4:10

Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Chɔɔn 4:11

Iě nynɔ̌ la̍a̍, “Nyɔ̍ klaa, nǐ biě la ɛ̍ tɛn di̍i̍, iě ìn se̍ nǐ plǐn dɛ̍ blě, nɛ̀ tàwe̍ àn mu̍ nǐ ɛ̀ nyǐ-a nyɔ̍ feɛ-ɛ sà ɛ?

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

1 Pitɛ 5:2

nyɔ̍ ùh Nyɔsoa nyǐ-a mɔ̀-ɛ, mɔ̀ gbɛ̀n dǒ u̍h we̍ i̍, mɔ̀ iě u̍h-a nɛnɛ̌ nu̍. Mɔ̀-a kloǒ bɔ̌ ɛ̍ nu̍-ɛ, jɛ mɔ̀ nu̍ ɛ̍ dǒ wlùh-a i̍ pɛ̌n-ɛ we̍ ka Nyɔsoa-a pɔ̀n-a mɔ̀ iě-a nu̍-ɛ. Mɔ̀ bɔ̌ dbo̍ nu̍-ɛ pɛ̌ɛ la tìh, jɛ mɔ̀ nui ɛ̍ nyɔ̍ jǔ dbee-ɛ.

Wlɛfeleseɔn 14:4

Nyɔ̍ ùh se̍-a nynɔ̌ àe̍e̍ jɔ̍gbau dɛ̍ i̍ juo iě u̍h nmɔ-a dě Nyɔsoa jlǐh i̍-ɛ, u̍hɔ̍ɔ̍ bo ùh wɔ̀ dǒ Blawɛ̌ Jǔ de̍e̍ tà-o-tà ɔ̍ mu̍-aɛ. U̍h pùhbɔ-ɛ kɛ̍ɛ̍n wɛ̀ dě nyɔ̍ɔ nynɛ̌, iě u̍h tè-ɛ pɔ̌ dǒ Nyɔsoa ke Blawɛ̌ Jǔ we̍ sàǐtòò.

Wlɛfeleseɔn 21:22

Ǐn se̍ slaǎ sà gbò jě dǒ tùgbàwlɔ̀-a chɛ̀ di̍i̍, dɛ̍nu̍ɛ, ɛ̍ slaǎ sà gbò bo ɛ̀ nu̍ Joi Nyɔsoa Ɔ̀ Blě-a Gbǐh Kli̍hgbɛ̍-ɛ, ɛ̍ ke Blawɛ̌ Jǔ ke.

Wlɛfeleseɔn 21:23

Wlɔ̀-a chɛ̀ se̍ jlǔh àe̍e̍ chǔh-a fa̍n-a i̍ pɔ̀n, dɛ̍nu̍ɛ, Nyɔsoa-a tìh-a i̍ bɛ̌-ɛ bo ɛ̀ nu̍ ɛ̍ sɔ̀npli, wɛ̀ Blawɛ̌ Jǔ nu̍ ɛ̍ chlǎn nape̍.

Wlɛfeleseɔn 21:4

Ɔ̍ mu̍ la̍ u̍h mǐtɛɛn kli̍hgbɛ̍ jlǐh i̍ slǎn. Mɛ̌ɛ ke, sùàɛ̀n pa̍-a ke, fìn-ɛ ke ku̍-a wɔ̍n kma-a se̍ nɛ mu̍ dɛ. Dɛ̍nu̍ɛ, dɛ̍ᵻ jih nɛ-a sàì-ɛ, i̍h sì i̍ wɛ̀.”

Wlɛfeleseɔn 21:6

Iě ɔ̍ la̍a̍ dě ǐn we̍, “Ɛ̍ wɛ̀ i̍ wɛ̀. Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a. Mɔ̍ bo ɔ̀ nu̍ de̍ ke nya̍. Nyɔ̍ ɔ̀ nǐ nǎ tɔ̌n-a nu̍-aɛ, nɛ̀ ǎn mu̍ ɔ̍ nǎ-nǐ ɛ̀ sɔ-a dě kao̍dlu ɛ̀ nyǐ-a nyɔ̍ feɛ-ɛ nyǐ bu̍ɛ̍i̍.

Wlɛfeleseɔn 22:1

Wɛ̀ ǐnchɔ̀ toe ǐn nǐ klaa ɛ̀ nyǐ-a nyɔ̍ feɛ-ɛ, nɛ̀ ɛ̍ sɔ-ɛɛ dě Nyɔsoa ke Blawɛ̌ Jǔ-a nynɛ̌ gbalǎ we̍. Ɛ̍ nɛ wlihwlǐh ka klàsi̍-ɛ.

Wlɛfeleseɔn 4:11

“À Joi Nyɔsoa, ìn nɛ ɛ̍ ka̍. Àn tìh-a i̍ bɛ̌-ɛ ke ja̍ tè-ɛ ke gbǐh nɛ we̍ i̍ ble̍-e ka̍, dɛ̍nu̍ɛ, mɔ̀ bo ɔ̀ nu̍ dɛ̍ᵻ kli̍hgbɛ̍ iě i̍h nɛ, wɛ̀ ìn dǔ àn chɛ̀-a wlùh-u iě ìn nu̍ dɛ̍ᵻ kli̍hgbɛ̍.”

Wlɛfeleseɔn 5:6

Wɛ̀ ǐn jě Blawɛ̌ Jǔ nɛ̀ ɔ̍ nyna i̍ dǒ nynɛ̌ gbalǎ-a wèa̍. Iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻ dlɛ̌ ɔ̍. Nɛ̀ ka nyɔ̍ dbǎ dɛ̍-ɛ, nɛ̀ kǎ ɔ̍ nɛ. Ɔ̍ blě gbɔ̀nᵻ mɛ̀sɔɔ̌n ke jlǐh mɛ̀sɔɔ̌n. Jlǐh mɛ̀sɔɔ̌n laa̍ bo ìh nu̍-a sùù mɛ̀sɔɔ̌n ìh-a dbee-a Nyɔsoa jǔ ìh dbo̍-ea kmɔ̌ kli̍hgbɛ̍ kɛ̍n i̍-ɛ.