Wlɛfeleseɔn 7:12 - Ku̍o̍ Delee 1999

¹² U̍h la̍a̍, “Kǎ ɛ̍-ɛ nɛ. Tìhwe̍ po̍-ɛ ke, tìh-a i̍ bɛ̌-ɛ ke, flɔ̍nwlùh ke, tlɔ̌ po̍-ɛ ke, ja̍ tè-ɛ ke, gbǐh nɛ-ɛ ke kmu-ɛ kɔn dǒ à Nyɔsoa we̍ nɔ̌ kmɔ̌-a kmɔ̌. Kǎ ɛ̍-ɛ nɛ.”

Wlɛfeleseɔn 7:12 Iomraidhean Croise

Matio 6:13

Bɔ̌ à blu̍ja̍a̍ gbǎ tìh i̍ wɔ̌ɛn, jɛ sèìe àɔ̀ dě Nyɔ̍ Sɔ̀n laa̍ kwa̍a̍. [Nɛ̀ɛ̍, àn kmɔ̌, ɛ̍ ke àn gbǐh, àn tìh-a i̍ bɛ̌-ɛ, mɔ̀ kɔn i̍h nɔ̌ kmɔ̌-a kmɔ̌. Kǎ ɛ̍-ɛ nɛ.]’

Wloma 11:36

Ɔ̍ bo ɔ̀ nu̍ dɛ̍ᵻ kli̍hgbɛ̍. Dě ɔ̍ ja̍a̍ bo i̍h nɛ. Ɔ̍ tìh bo i̍h nɛ kmɔ̌. Ɔ̍ bo tìh-a i̍ bɛ̌-ɛ kɔn dǒ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

1 Kɔwlɛntiɔn 14:16

Pò ìn ja àn sùù nɛ due Nyɔsoa tlɔ̌ po̍-eɛ, nɛ̀ dihwi̍h ɔ̀ se̍-a dě àn tlɔ̌ po̍-ɛ di̍i̍ juo dě mɔ̀ nynɛ̌-ɛ, nɛ̀ ka ɔ̍ mu̍ ka ɛ̍-ɛ wɔ̌ɛn nu̍ ɛ?

2 Kɔwlɛntiɔn 4:15

Mɔ̀-a tìh bo ìh kli̍hgbɛ̍ la i̍h nɛ. Nɛ̀ ka nyɔ̍ dɔu-a pǔh-a dǒ Nyɔsoa-a blɛ nɛ-ɛ we̍-ɛ, u̍h-a mu̍ tìh-a i̍ bɛ̌-ɛ Nyɔsoa-a tlɔ̌ po̍-ɛ i̍ bɛ̌-ɛ.

Kalase 2:7

Mɔ̀ po̍ sɛ̌n mɔ̀ iě-o ta̍i̍ gbǎ dě ɔ̍ ja̍a̍. Mɔ̀ tè ɔ̍ wlì. Ka mɔ̀ nu̍-a nǎ poe-ɛɛ, kǎ mɔ̀-a wlùh gbaɛ iě kmu-ɛ nu̍. Nɛ̀ tlɔ̌ po̍-ɛ bo ɛ̀ iě i̍ tìè dě mɔ̀ ku̍sɔ̀n.

Kalase 3:17

Dǒ wlu-ɛ ke nu̍-dɛ̍ᵻ we̍ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Joi Jusu-a nynɛ̌ kɛ̍n. Nɛ̀ mɔ̀ jii ɔ̍-ɔ mɔ̀ iě Baa Nyɔsoa tlɔ̌ po̍.

Judi 1:25

Nyɔsoa nɛ due gbài̍ bo ɔ̀ nu̍ à Sèìe Nyɔ̍. Dǒ ɔ̍ we̍ bo tìh-a i̍ bɛ̌-ɛ ke, baajiɔ̍ dɛ ke, kmu-ɛ ke tùn blě-ɛ kɔn sɔ dě tɔ̀blɔ̍ɔ̍, ɛ̍ ke kaka ke nɔ̌ kmɔ̌-a kmɔ̌ dě à Joi Jusu Klai ja̍a̍. Kǎ ɛ̍-ɛ nɛ.

Wlɛfeleseɔn 1:18

Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.

Wlɛfeleseɔn 19:4

Iě nyɔ̍ klaaᵻá kwela sɔɔ̌n jɔ̌ nyìɛ̍ ke kmɔ̌ nɛ dɛ̍ᵻ nyìɛ̍ laa̍ kèàɛ i̍ dǒ Nyɔsoa ɔ̀ tè-a i̍ dǒ ɔ̍ nynɛ̌ gbalǎ kɛ̍n-ɛ jǔ, iě u̍h sà ɔ̍ wɛɛ. U̍h la̍a̍, “Kǎ ɛ̍-ɛ nɛ, mɔ̀ po̍ Nyɔsoa tìhwe̍.”