Wlɛfeleseɔn 7:1 - Ku̍o̍ Delee 1999

¹ Ɛ̀ la ɛ̍ wɔ̀-a nɛ-ɛ, iě ǐn jě Nyɔsoa-a ǐnchɔ̀ nyìɛ̍, nɛ̀ i̍h nyna-ɛ bloa̍-a kɔ̍lu̍hᵻ nyìɛ̍ we̍ i̍. Nɛ̀ i̍h gbɛ̍n bloa̍-a poɔ nɛ-a nyìɛ̍-ɛ i̍, wɛ̀ poɔ je̍e ji̍ nɔ̌ bloa̍ kɛ̍n ɛ̍-ɛ je̍e jbǒ-a chɛ̀ ke tu̍-o-tu̍ ji̍-i.

Wlɛfeleseɔn 7:1 Iomraidhean Croise

Matio 24:31

Nɛ̀ dɔ̍gbɛ̍-a mu̍ wlu, wɛ̀ ɔ̍ iě ɔ̍ ǐnchɔ̀ blǔh kàɛ̀n nɛ-a nyìɛ̍-ɛ kɛ̍n i̍ dbo̍. Wɛ̀ i̍h iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Pɔ̀n Chɛ̀ Maɛ To-a La 13:27

Nɛ̀ ɔ̍ mu̍ Nyɔsoa-a ǐnchɔ̀ blǔh kàɛ̀n nɛ-a nyìɛ̍-ɛ we̍ i̍ dbo̍. Wɛ̀ ɔ̍ iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Wlɛfeleseɔn 20:8

Nɛ̀ ɛ̍ mu̍ mu̍ ɛ̍ iě bloa̍ kli̍hgbɛ̍ nɛ-a nɔ̌ kmɔ̌ we̍-ɛ i̍ boe. Bloa̍ la i̍h-a nynɛ̌ nu̍ Kɔki ke Makɔ. I̍hɔ̍ɔ̍ bo Setɔn-a mu̍ tàdùè po̍ i̍h iě tu̍h fɔ̀n la̍ mu̍. Ka jbǒ penɔ̍ɔ̍ tìè-aɛ, kǎ i̍h-a nyɔ̍ bɛ̌ɛ u̍h iě tìè.

Wlɛfeleseɔn 6:6

Wɛ̀ ǐn wɔ̌n dɛ̍-a wlu̍ ka nyi̍ɔ̍-a wlu̍ dě kmɔ̌ nɛ dɛ̍ᵻ nyìɛ̍ laa̍ nynɛ̌-ɛ. Ɛ̍ la̍a̍, “Kɛnɛ̌ bɔlɔ-a gbo̍ juwɛ due dǒ weɛ̍ gbàǐ-a pɛ̌ɛ la we̍. Nɛ̀ baale bɔlɔᵻá gbo̍ᵻ plìh ta̍a̍n dǒ weɛ̍ gbàǐ-a pɛ̌ɛ la we̍. Jɛ bɔ̌ ɔle-tu̍ᵻá chlǎn ke nmɔ̍ jii̍ nyni-ɛ.”

Wlɛfeleseɔn 7:3

Ɛ̍ la̍a̍, “Mɔ̀ bɔ̌ bloa̍ ke, jbǒ ke tu̍ᵻ dɛ̍ nui-ɛ te̍e̍ wɛ̀ à iě à Nyɔsoa-a pòi̍nynuu̍-a jua̍a̍ᵻ juola tù-ɛ wɔ̀.”

Wlɛfeleseɔn 8:7

Wɛ̀ sàǐtòò ǐnchɔ̀ bla̍ ɛ̍ dɔ̍gbɛ̍, iě seɔn gbo̍ᵻ ke nɛ̍ sìàɛ̍n nymɔ̍-ɔ, wɛ̀ i̍h wlǎ-ɛ bloa̍ kɛ̍n i̍. Wɛ̀ bloa̍-a fɔ̌ᵻ nɛ-a ta̍a̍n-ɛ, i̍h-a due-a tu̍ᵻ ke ɛ̍ pei jaɔ kli̍hgbɛ̍ i̍h si̍n.

Wlɛfeleseɔn 9:14

Wlu̍-a chɛ̀ la̍a̍ dě ǐnchɔ̀-a mɛ̀o̍ naɛ la ɛ̀ blě-a dɔ̍gbɛ̍-ɛ we̍, “Nyɔsoa-a ǐnchɔ̀ nyìɛ̍ ìh sa̍n-ɛa dě nǐ klaa nu̍-a Iufleti-ɛ wɔ̍i̍n-ɛ, sà i̍h sɔ̍n kɛ̍n.”

Wlɛfeleseɔn 9:4

Wɛ̀ i̍h sèàɛ̍-ɛ wlùh i̍h-i je̍e pei ke, tu̍ᵻ ke tù-dɛ̍ᵻ dɛ̍ nui. Jɛ nyɔ̍ ùh se̍-a Nyɔsoa-a juola blě dǒ u̍h jua̍i̍-ɛ, u̍h nɛ due bo i̍h iě dɛ̍ nui.