Wlɛfeleseɔn 6:9 - Ku̍o̍ Delee 1999

⁹ Wɛ̀ Blawɛ̌ Jǔ wa̍ slu̍-a m̀m̌ naɛ. Iě ǐn jě nyɔ̍ɔ-a sùù dǒ slaǎ sà-ɛ gblǒ sɔ̀n, ùh u̍h tù-a Nyɔsoa-a wlu̍ ke ɛ̍ sàànsi̍i̍h nu̍ tìh u̍h dbǎ-aɛ.

Wlɛfeleseɔn 6:9 Iomraidhean Croise

Chɔɔn 16:2

U̍h-a mu̍ mɔ̀ sɔ̀n i̍ po̍ wɛɛ sà gbòᵻ sɔ̀n i̍. Ɛ̍ mu̍ ti̍ kɔn wɛ̀ nyɔ̍ ɔ̀ mu̍-a mɔ̀ dbǎ-ɛ ɔ̍ iě ɛ̍ Nyɔsoa wɛɛ sà-a dǎɛ.

2 Kɔwlɛntiɔn 5:8

À bɛ̌ wlì i̍. Ɛ̍ mu̍ à gbǐh po̍ à iě dě à nyi̍ɔ̍ku di̍i̍ sɔ, à iě dě Joi we̍ tǐn.

Felepai 1:23

Ɛ̍ tù ǐn dǒ tu̍ᵻ nynɛ̌. Ǎn pɔ̀n iě da̍a kmɔ̌ la we̍ sɔ iě Klai we̍ mu̍, ɛ̍ bo ɛ̀ nmɔ jii̍-a chɛ̀ kleǐn.

Felepai 2:17

Pò ǎn jɛ dbǎ-ɛ, wɛ̀ ǎn nymɔ̍ iě chɛ̌li-ɛ dǒ slaǎ sà-ɛ dɛ̍ mɔ̀-a wlùh gbaɛ nyǐ-a Nyɔsoa-a kɛ̍n-ɛ, nɛ̀ ǎn pɔluh pɛ̌n i̍ mɔ̀ ke ǐn ke à iě mɔna̍ we̍ nui kli̍hgbɛ̍.

2 Timote 1:8

Ɛ̍ tìh-ɛ, bɔ̌ à Joi-a tìh i̍ sà-a tɛ̀n ple̍-ɛ. Nɛ̀ ka ǐn nɛ-a kasoo ɔ̍ tìh-ɛ, bɔ̌ ɛ̍ tɛ̀n ple̍-ɛ ke. Jɛ tù pɔ̀n chɛ̀-a tìh ìè ǐn kɛ̍n gbǎ à iě jua̍i̍ sàɛ̀-ɛ la kwa̍a̍ i̍ gblè-e dě Nyɔsoa-a gbǐh di̍i̍.

2 Timote 4:6

Dɛ̍nu̍ɛ, mɔ̍ɔ-ɛ, ǐn gbàɛ̀ wɛ̀ ǎn feɛ iě slaǎ sà-ɛ dǒ Nyɔsoa we̍. Ǎn nɔ̌ kmɔ̌ sɔ ti̍ nyni wɛ̀.

Iblu 12:23

Mɔ̀ ji̍ nɔ̌ Nyɔsoa-a nynuu̍ kli̍hgbɛ̍ ùh kɔn nynɛ̌ chlǐh-ia dě ja̍i̍wlɔ̀-ɛ we̍ wɛ̀. Nyɔsoa ɔ̀ nu̍-a kmɔ̌ nyɔ̍ kli̍hgbɛ̍-a taɔ-ɛ, nɔ̌ ɔ̍ we̍ mɔ̀ ji̍ wɛ̀, ɛ̍ ke nɔ̌ i̍ slɛ̌-nyɔ̍-a sùù we̍ ke, ùh wɛ̀-a nɛi̍-ɛ.

Wlɛfeleseɔn 1:2

Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 14:18

Iě ǐnchɔ̀ dɛɛ sɔ dǒ slaǎ sà gblǒ pùn, ɛ̀ blě-a gblǒ-a nɛ̍-a wlu̍ kwa̍-ɛ. Wɛ̀ ɛ̍ we̍le jɔ blě-a faa nyǎnyǎ kwa̍-ɛ. Ɛ̍ la̍a̍, “Nu̍ àn faa ìè bloa̍-a tlo-dɛ̍ᵻá ta̍ᵻ i̍ chɛ̍n, dɛ̍nu̍ɛ, i̍h ku̍ wɛ̀.”

Wlɛfeleseɔn 16:7

Iě ǐn wɔ̌n wlu̍ dɛɛ ɛ̍ sɔ dǒ slaǎ sà gblǒ kɛ̍n. Ɛ̍ la̍a̍, “Joi Nyɔsoa, mɔ̀ Ɔ̀ Blě-a Gbǐh Kli̍hgbɛ̍-ɛ, àn nyɔ̍ kàn gbɛ̍n-ɛ slɛ̌ i̍, iě ɛ̍ nu̍ tìh-a taǐn.”

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 8:3

Wɛ̀ ǐnchɔ̀ dɛɛ ɛ̀ blě-a nɔ̌-dɛ̍ᵻá di̍i̍ fɔ̍n-ɛ dɛ̍ ɛ̀ nui-a kòo̍-ɛ, iě ɛ̍ ji̍. Wɛ̀ ɛ̍ nyna i̍ dǒ gblǒ pùn. Wɛ̀ ɛ̍ nyǐ-ɛ nɔ̌-dɛ̍ᵻ dɔu i̍h iě dǒ Nyɔsoa nyɔ̍ kli̍hgbɛ̍-a ba̍le wlu̍ kɛ̍n gbǎ. Wɛ̀ i̍h iě kwlǎ sà-ɛ dǒ kòo̍ gblǒ ɛ̀ nyna-a i̍ dǒ nynɛ̌ gbalǎ jǔ-ɛ kɛ̍n.

Wlɛfeleseɔn 9:13

Wɛ̀ Nyɔsoa-a ǐnchɔ̀-a mɛ̀o̍ naɛ bla̍ ɛ̍ dɔ̍gbɛ̍, iě ǐn wɔ̌n wlu̍ ɛ̍ sɔ dǒ gblǒ u̍h nui-a kòo̍ dǒ Nyɔsoa jǔ-ɛ, ɛ̍ kɔ̍lu̍hᵻ nyìɛ̍ kɛ̍n.