Wlɛfeleseɔn 6:2 - Ku̍o̍ Delee 1999

² Ǐn gbɛ̀n-a deě-ɛ, wɛ̀ ǐn jě soo̍bli plǔ. Nɛ̀ ɔ̀ naɛ-a dǒ ɛ̍ kɛ̍n-ɛ ɔ̍ blě plu̍h kwa̍. Wɛ̀ ɔ̍ tèè-ɛ blawɛ̌. Ɔ̍ nu̍ tu̍h du̍ nyɔ̍ iě ɔ̍ mu̍ ɔ̍ iě tu̍h du̍.

Wlɛfeleseɔn 6:2 Iomraidhean Croise

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

1 Kɔwlɛntiɔn 15:25

Dɛ̍nu̍ɛ, Klai kɔn ɔ̍ iě Blǔh Baa nu̍ te̍e̍ wɛ̀ Nyɔsoa iě ɔ̍ nyɛ̌-nyɔ̍ kli̍hgbɛ̍ dě ɔ̍ bu̍h sɔ̀n po̍.

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 11:18

Nyɔ̍ ùh se̍-a ìn juo-ɛ u̍h gbǎ jlu̍h-u wɛ̀, iě ɛ̍ nu̍ nàɛ̀ jlu̍h ti̍ wɛ̀, mɛ̌-nyɔ̍ iě sàwi̍h sì. Ti̍ nyni̍ wɛ̀ àn pòi̍nynuu̍ iě ìn dɛ̍ kwa̍a̍ jě, ùh nu̍-a tu̍owli po̍ nyɔ̍-ɛ, ɛ̍ ke àn nyɔ̍ plìh ke klaaᵻ kli̍hgbɛ̍ ùh-a tè-a ìn ja̍-ɛ ke. Ti̍ nyni̍ wɛ̀ ìè nyɔ̍ ùh-a gbɔ̀lɔ-a bloa̍-a gbɔ̀lɔ ke.”

Wlɛfeleseɔn 14:14

Wɛ̀ ǐn gbɛ̀n-e, iě ǐn jě nǐgban plǔ. Nɛ̀ ɔ̀ tè-a dǒ ɛ̍ kɛ̍n i̍-ɛ, ɔ̍ ke nyi̍ɔ̍-a jǔ wɔ̀ɛ. Ɔ̍ tèè-e kòo̍ blawɛ̌, iě ɔ̍ blě kɔɔ chɛ̍n faa nyǎnyǎ kwa̍.

Wlɛfeleseɔn 15:2

Wɛ̀ ǐn jě dɛ̍ ɛ̀ wɔ̀-a jbǒ ɛ̀ nui-a klàsi̍-ɛ, nɛ̀ ɛ̍ sìàɛ̍n nɛ̍-ɛ. Iě ǐn jě nyɔ̍ ùh du̍-a nmi̍ɛ̍ ke ɛ̍ mɛ̍-dɛ̍-ɛ, ɛ̍ ke ɛ̍ nynɛ̌-a namà ke. Nɛ̀ u̍h nynaɛ jbǒ ɛ̀ wɔ̀-a klàsi̍ laa̍ wɔ̍n iě u̍h blě kain kwa̍, ìh Nyɔsoa nyǐ-a u̍h-ɛ.

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 19:14

Wɛ̀ ja̍i̍wlɔ̀-a fledlǔ dɔu wɔ̀ dǒ ɔ̍ de̍e̍. U̍h pa̍ flɛmɛ̍ plǔᵻ wlihwlǐh-i, nɛ̀ u̍h-a naɛ soo̍bliᵻ plǔᵻ kɛ̍n.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.

Wlɛfeleseɔn 9:7

Gbaunᵻá chɛ̀ i̍h ke soo̍bliᵻ ìh jě-a ti̍ wɛ̀ dǒ tu̍h fɔ̀n-ɛ we̍-ɛ wɔ̀ɛ. Ɛ̀ i̍h tèè-aɛ, ɛ̍ ke kòo̍ blawɛ̌ mu̍i we̍, iě i̍h-a jua̍a̍ᵻ ke wlɔ̀ nyi̍ɔ̍-a jua̍a̍ mu̍i we̍.