Wlɛfeleseɔn 6:11 - Ku̍o̍ Delee 1999

¹¹ Nɛ̀ jɔ-ɛ ɔ̍ nyǐ-ɛ plɛ̀i̍ plǔ. Iě u̍h sèàɛ̍-ɛ wlùh u̍h iě fɔ ke̍ te̍e̍, wɛ̀ ka u̍h nu̍-a dbǎ-ɛɛ iě u̍h ba̍ᵻ pòi̍nynuu̍ ke de̍di̍i̍ᵻ ùh-a mu̍-a dbǎ-ɛ ke-ɛ, wɛ̀ u̍h-a tìɛ̀n iě tba̍.

Wlɛfeleseɔn 6:11 Iomraidhean Croise

Matio 10:21

“De̍di̍i̍ᵻá mu̍ u̍h-a chɛ̀-a de̍di̍i̍ᵻ nyɔ̍ kwlǎ sà-ɛ u̍h iě u̍h dbǎ. Kǎ baaᵻá mu̍ u̍h-a nynuu̍ nu̍ ke. Nɛ̀ nynuu̍-a mu̍ u̍h de̍ᵻ ke baaᵻ faɛn, wɛ̀ u̍h iě u̍h dbǎ.

Pɔ̀n Chɛ̀ Luu To-a La 15:22

Jɛ ɔ̍ baa la̍a̍ dě ɔ̍ pòi̍nynuu̍ we̍, ‘Mɔ̀ ja dɛ̍wlo̍o̍ ɛ̀ nmɔ-a jii̍-ɛ suei̍ mɔ̀ iě ɛ̍ ɔ̍-ɔ pa̍-ɛ. Mɔ̀ po̍ ɔ̍ bɔ̌ chèɛ̀-ɛ, mɔ̀ iě ɔ̍ bu̍hdih bu̍h-u po̍.

Chɔɔn 16:2

U̍h-a mu̍ mɔ̀ sɔ̀n i̍ po̍ wɛɛ sà gbòᵻ sɔ̀n i̍. Ɛ̍ mu̍ ti̍ kɔn wɛ̀ nyɔ̍ ɔ̀ mu̍-a mɔ̀ dbǎ-ɛ ɔ̍ iě ɛ̍ Nyɔsoa wɛɛ sà-a dǎɛ.

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

2 Tɛsoloniɔn 1:7

Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

2 Timote 4:7

Ǐn fɔ̀n fɔ̀n-ɛa chɛ̀ naɛ wɛ̀. Ǐn wɔ̀ dlǔᵻ wɔ̍i̍n blaɛ-ɛ wɛ̀, iě ǐn se̍ wlùh gbaɛ i̍ sɔ.

Iblu 11:40

Dɛ̍nu̍ɛ, Nyɔsoa chɛ̍n dɛ̍ chɛ̀-a di̍i̍chì chɛ̀ dǒ à we̍. Dɛ̍ ɔ̍ pɔ̀n-aɛ, ɛ̍ nu̍ nyɔ̍ la u̍h ke à nɛi̍ wɛ̀-ɛ iě kwlǎ wɛ̀ tàdùè.

Iblu 12:23

Mɔ̀ ji̍ nɔ̌ Nyɔsoa-a nynuu̍ kli̍hgbɛ̍ ùh kɔn nynɛ̌ chlǐh-ia dě ja̍i̍wlɔ̀-ɛ we̍ wɛ̀. Nyɔsoa ɔ̀ nu̍-a kmɔ̌ nyɔ̍ kli̍hgbɛ̍-a taɔ-ɛ, nɔ̌ ɔ̍ we̍ mɔ̀ ji̍ wɛ̀, ɛ̍ ke nɔ̌ i̍ slɛ̌-nyɔ̍-a sùù we̍ ke, ùh wɛ̀-a nɛi̍-ɛ.

Iblu 4:10

Nyɔ̍ jɔ mu̍-a dě fɔla Nyɔsoa-a nyǐ-a nyɔ̍-ɛ i̍ sǐ-ɛ, nɛ̀ ka Nyɔsoa nu̍-a fɔ-ɛ dǒ ɔ̍ dbo̍ i̍ wɔ̀ la̍-aɛ, nɛ̀ kǎ ɔ̍ mu̍ nu̍ ke.

Wlɛfeleseɔn 10:6

Iě ɛ̍ slɛ̀ɛ̀n dǒ Nyɔsoa-a nynɛ̌ kɛ̍n, ɔ̀ se̍-a mɛ̌ la̍ kɔn ɔ̀ nu̍-a ja̍i̍wlɔ̀ ke, bloa̍ ke, jbǒ ke dɛ̍ᵻ kli̍hgbɛ̍ nɛ-a i̍h kɛ̍n i̍-ɛ. Ǐnchɔ̀ la̍a̍, “Tlɛ̀n-ɛ se̍ nɛ mu̍ dɛ.

Wlɛfeleseɔn 13:15

Iě ɛ̍ sà-ɛ wlu̍ kɛ̍n ɛ̍ iě sàǐtòò nmi̍ɛ̍-a mɛ̍-dɛ̍ laa̍ feɛ di̍i̍ po̍, wɛ̀ ɛ̍ iě wlu, ɛ̍ iě nyɔ̍ ùh se̍-a ɛ̍ wɛɛ sà mu̍-ɛ dbǎ.

Wlɛfeleseɔn 14:13

Wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Chlǐh wlu̍ la. Sɔ da̍a sèàn blǐ nyɔ̍ ùh ke Joi nɛ-a due wɛ̀ u̍h mɛ̌-aɛ, nɛ̀ u̍h nmɔ i̍.” Nyɔsoa-a Sùù la̍a̍, “Nɛ̀ u̍h nmɔ i̍ kaa̍, u̍h-a mu̍ feɛ i̍ jě. Dɛ̍nu̍ɛ, u̍h-a nu̍-dɛ̍ᵻ wɔ̀ dǒ u̍h de̍e̍.”

Wlɛfeleseɔn 17:6

Nyɔsoa nyɔ̍ ùh dbǎ-ɛa Jusu-a tìh i̍ sà tìh-ɛ, ǐn jě nynɔ̌-a chɛ̀, nɛ̀ ɔ̍ nǎ u̍h-a nymɔ̍, iě ɛ̍ sìèè ɔ̍ wlì. Ǐn jě-a ɔ̍-ɛ, sɔ ɛ̍ flɔn-ɛ ǐn wɔ̍n kaa̍.

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.

Wlɛfeleseɔn 7:9

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě nyɔ̍ tlùgbei̍ ùh nyɔ̍ se̍-a slè-ɛ bɛ̌ɛ-ɛ. U̍h sɔ dě dakɔ̍ kli̍hgbɛ̍ ke chɛ̌tu kli̍hgbɛ̍ ke bloa̍ kli̍hgbɛ̍ di̍i̍ i̍. Nɛ̀ u̍h nyna-ɛ i̍ dǒ nynɛ̌ gbalǎ ke Blawɛ̌ Jǔ jǔ. Nɛ̀ u̍h pa̍ plɛ̀i̍ plǔᵻ i̍, iě u̍h blě ju̍hᵻ wlɔ̍nᵻ kwa̍ i̍.