Wlɛfeleseɔn 6:1 - Ku̍o̍ Delee 1999

¹ Wɛ̀ ǐn jě Blawɛ̌ Jǔ iě ɔ̍ wa̍ slu̍ mɛ̀sɔɔ̌n laa̍ i̍h-a sàǐtòò naɛ dǒ chlǐh-dɛ̍-a gbo̍lo̍ laa̍ wɔ̍i̍n. Iě ǐn wɔ̌n kmɔ̌ nɛ dɛ̍ᵻ nyìɛ̍ laa̍ i̍h-a due-a wlu̍ ka tɛ̀n plǎn-ɛ. Ɛ̍ la̍a̍, “Ji̍.”

Wlɛfeleseɔn 6:1 Iomraidhean Croise

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Nu̍-dɛ̍ᵻ 4:20

Dɛ̍nu̍ɛ, dɛ̍ jɛ à wɔ̌n-a wɛ̀ à tba̍-a jlǐhɛ̍-ɛ, à se̍ ɛ̍-ɛ sà-a bɔ̌ mu̍ o.”

Wlɛfeleseɔn 11:19

Wɛ̀ Nyɔsoa-a slaǎ sà gbò nɛ-a dě ja̍i̍wlɔ̀-ɛ pɔ̀ni wɔ̍n, iě ɔ̍ Ku̍o̍ Gblòùn jě-eɛ dě ɛ̍ di̍i̍. Wɛ̀ nǐ-a chlɛ jlǐh, iě slɛ̀-a wlu, tɛ̀n-a plǎn-ɛ i̍, wlù poɔ-a ji̍, iě kwa̍ ku̍ seɔn gbo̍ᵻ wlǎ.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 14:2

Iě ǐn wɔ̌n wlu̍ ɛ̍ sɔ dě ja̍i̍wlɔ̀ ka nǐ-a klu̍h-ɛ, ɛ̍ ke ka tɛ̀n-a plǎn-ɛ i̍-ɛ. Wlu̍ ǐn wɔ̌n-aɛ, nɛ̀ ka kainᵻ bla̍ nyɔ̍-a bla̍ kainᵻɛ́.

Wlɛfeleseɔn 19:6

Wɛ̀ ǐn wɔ̌n slɛ̀ ka nyɔ̍ tlùgbei̍-a wlu̍-ɛ. Slɛ̀-a chɛ̀ ke nǐ-a klu̍h-ɛ ke tɛ̀n-a plǎn-a mu̍i we̍. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍, à Joi Nyɔsoa Ɔ̀ Blě-a Gbǐh Kli̍hgbɛ̍-ɛ, ɔ̍ nu̍ Blǔh Baa.

Wlɛfeleseɔn 4:8

Kmɔ̌ nɛ dɛ̍ᵻ nyìɛ̍ laa̍, i̍h-a jɛ-ɛ nɛ̀ ɛ̍ blě gbawaᵻ mɛ̀o̍, nɛ̀ ɛ̍ ku̍ kli̍hgbɛ̍ nu̍ jlǐh-a sǔh. Dě i̍h wɛna̍ sɔ̀n bei kli̍hgbɛ̍ nu̍ jlǐh. I̍h-i bɔ̌ ble̍-ɛ wlù ke sɔ̀n. I̍h-a ble̍-wlu̍ la̍a̍, “Mɔ̀ bo ɔ̀ wɛ̀ nɛi̍, ɔ̀ nu̍-a Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a kmɔ̌ se̍e̍, ɔ̀ nɛ-a wɛ̀ ɔ̀ mu̍-a ji̍-ɛ.”

Wlɛfeleseɔn 5:1

Wɛ̀ ǐn jě chlǐh-dɛ̍-a gbo̍lo̍ dě ɔ̀ tè-a i̍ dǒ nynɛ̌ gbalǎ kɛ̍n-ɛ ɔ̍ di̍na̍ kwa̍a̍. Nɛ̀ ɛ̍ fɔ̌ᵻ kli̍hgbɛ̍ chlǐh-ɛ kɛ̍n i̍, iě ɛ̍ nu̍ slu̍ wɔ̍i̍n poe-ɛ gbɔ̍ᵻ mɛ̀sɔɔ̌n.

Wlɛfeleseɔn 5:12

Wɛ̀ i̍h-a wǐi i̍ i̍h-a ble̍. I̍h la̍a̍, “Blawɛ̌ Jǔ ɔ̀ dbǎ-aɛ, ɔ̍ nɛ tìhwe̍ po̍ ka̍. Ɔ̍ gbǐh nɛ-ɛ ke, pàn-a ke, flɔ̍nwlùh ke, kmu-ɛ ke, ja̍ tè-ɛ ke tìh-a i̍ bɛ̌-ɛ nɛ tìhwe̍ po̍ ka̍.”

Wlɛfeleseɔn 5:8

Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.

Wlɛfeleseɔn 6:3

Wɛ̀ Blawɛ̌ Jǔ laa̍ ɔ̍ wa̍ slu̍-a sɔɔ̌n naɛ. Iě ǐn wɔ̌n kmɔ̌ nɛ dɛ̍ᵻá sɔɔ̌n naɛ-a wlu̍. Ɛ̍ la̍a̍, “Ji̍.”

Wlɛfeleseɔn 6:5

Wɛ̀ Blawɛ̌ Jǔ wa̍ slu̍-a ta̍a̍n naɛ. Iě ǐn wɔ̌n kmɔ̌ nɛ dɛ̍ᵻá ta̍a̍n naɛ-a wlu̍. Ɛ̍ la̍a̍, “Ji̍.” Ǐn gbɛ̀n-a deě-ɛ, wɛ̀ ǐn jě soo̍bli gbeu. Ɔ̀ naɛ-a dǒ ɛ̍ kɛ̍n-ɛ, ɔ̍ blě dbee-dɛ̍ kwa̍.

Wlɛfeleseɔn 6:7

Wɛ̀ Blawɛ̌ Jǔ wa̍ slu̍-a nyìɛ̍ naɛ. Iě ǐn wɔ̌n kmɔ̌ nɛ dɛ̍ᵻá nyìɛ̍ naɛ-a wlu̍. Ɛ̍ la̍a̍, “Ji̍.”

Wlɛfeleseɔn 8:1

Wɛ̀ Blawɛ̌ Jǔ wa̍ slu̍-a mɛ̀sɔɔ̌n naɛ. Iě dě ja̍i̍wlɔ̀ nɛ tùàa̍n, ɛ̍ bɛ̌ɛ mini̍ jlǐh-a kwela ta̍a̍n nu̍-ɛ.