Wlɛfeleseɔn 5:8 - Ku̍o̍ Delee 1999

⁸ Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.

Wlɛfeleseɔn 5:8 Iomraidhean Croise

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 5:23

Ɔ̍ nu̍ ɛ̍-ɛ wɛ̀ nyɔ̍ kli̍hgbɛ̍ iě Jǔ la ja̍ tè, ɛ̀ kɔn ba̍ u̍h-a nu̍-a Baa ja̍ tè-ɛ ke-ɛ. Nyɔ̍ ɔ̀ se̍-a Jǔ ja̍ tè-ɛ, nɛ̀ Baa jɔ dbo̍-a Jǔ-a chɛ̀-ɛ bo ɔ̍ se̍ ja̍ tè.

Iblu 1:6

Ɛ̍ se̍-o siee, ti̍ Nyɔsoa-a dbo̍-a ɔ̍ sàì Jǔ nɔ̌ kmɔ̌ we̍-ɛ, ɔ̍ la̍a̍, “Ǎn ǐnchɔ̀ kli̍hgbɛ̍ kɔn i̍h iě ɔ̍ wɛɛ sà.”

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 15:2

Wɛ̀ ǐn jě dɛ̍ ɛ̀ wɔ̀-a jbǒ ɛ̀ nui-a klàsi̍-ɛ, nɛ̀ ɛ̍ sìàɛ̍n nɛ̍-ɛ. Iě ǐn jě nyɔ̍ ùh du̍-a nmi̍ɛ̍ ke ɛ̍ mɛ̍-dɛ̍-ɛ, ɛ̍ ke ɛ̍ nynɛ̌-a namà ke. Nɛ̀ u̍h nynaɛ jbǒ ɛ̀ wɔ̀-a klàsi̍ laa̍ wɔ̍n iě u̍h blě kain kwa̍, ìh Nyɔsoa nyǐ-a u̍h-ɛ.

Wlɛfeleseɔn 15:7

Wɛ̀ kmɔ̌ nɛ dɛ̍ᵻ nyìɛ̍ laa̍ i̍h-a due nyǐ ǐnchɔ̀ mɛ̀sɔɔ̌n laa̍ kòo̍ boo̍ᵻ mɛ̀sɔɔ̌n, nɛ̀ i̍h jǐ-i dǒ Nyɔsoa ɔ̀ se̍-a mɛ̌ la̍ kɔn-ɛ ɔ̍ jlu̍h we̍.

Wlɛfeleseɔn 19:4

Iě nyɔ̍ klaaᵻá kwela sɔɔ̌n jɔ̌ nyìɛ̍ ke kmɔ̌ nɛ dɛ̍ᵻ nyìɛ̍ laa̍ kèàɛ i̍ dǒ Nyɔsoa ɔ̀ tè-a i̍ dǒ ɔ̍ nynɛ̌ gbalǎ kɛ̍n-ɛ jǔ, iě u̍h sà ɔ̍ wɛɛ. U̍h la̍a̍, “Kǎ ɛ̍-ɛ nɛ, mɔ̀ po̍ Nyɔsoa tìhwe̍.”

Wlɛfeleseɔn 4:10

nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ laa̍ u̍h kèàɛ i̍ dǒ ɔ̀ tè-a i̍ dǒ nynɛ̌ gbalǎ kɛ̍n-ɛ jǔ, ɔ̀ se̍-a mɛ̌ la̍ kɔn-ɛ. Iě u̍h-a sà ɔ̍ wɛɛ. Wɛ̀ u̍h-a pɛ̌n-ɛ u̍h-a blawɛ̌ᵻ i̍ dǒ nynɛ̌ gbalǎ jǔ. Nɛ̀ u̍h la̍a̍,

Wlɛfeleseɔn 4:4

Nynɛ̌ gbalǎ laa̍, nynɛ̌ gbalǎᵻá kwela sɔɔ̌n jɔ̌ nyìɛ̍ (24) bo ìh dlɛ̌ ɛ̍. Nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ bo ùh tìèe̍ i̍h di̍i̍ i̍. Nɛ̀ u̍h pa̍ jlii̍ plǔᵻ i̍, iě u̍h tèè kòo̍-a blawɛ̌ᵻ.

Wlɛfeleseɔn 4:6

Dǒ nynɛ̌ gbalǎ laa̍ jǔ dǒ dɛ̍ nyna i̍, ɛ̍ wɔ̀ jbǒ ɛ̀ nui-a klàsi̍-a sǔh-ɛ. Nɛ̀ kmɔ̌ nɛ dɛ̍ᵻ nyìɛ̍ dlɛ̌ nynɛ̌ gbalǎ-a chɛ̀. Dǒ i̍h wlì ke i̍h kɛ̍ɛ̍n nu̍ jlǐh-a sǔh.

Wlɛfeleseɔn 4:8

Kmɔ̌ nɛ dɛ̍ᵻ nyìɛ̍ laa̍, i̍h-a jɛ-ɛ nɛ̀ ɛ̍ blě gbawaᵻ mɛ̀o̍, nɛ̀ ɛ̍ ku̍ kli̍hgbɛ̍ nu̍ jlǐh-a sǔh. Dě i̍h wɛna̍ sɔ̀n bei kli̍hgbɛ̍ nu̍ jlǐh. I̍h-i bɔ̌ ble̍-ɛ wlù ke sɔ̀n. I̍h-a ble̍-wlu̍ la̍a̍, “Mɔ̀ bo ɔ̀ wɛ̀ nɛi̍, ɔ̀ nu̍-a Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a kmɔ̌ se̍e̍, ɔ̀ nɛ-a wɛ̀ ɔ̀ mu̍-a ji̍-ɛ.”

Wlɛfeleseɔn 5:11

Wɛ̀ ǐn gbɛ̀n-e dɛ, iě ǐn wɔ̌n Nyɔsoa-a ǐnchɔ̀-a wlu̍. I̍h bɛ̌ɛ i̍h iě wlǔ-a wlǔ-a poa nu̍. I̍h dlɛ̌ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ ke nyɔ̍ klaaᵻ laa̍.

Wlɛfeleseɔn 5:12

Wɛ̀ i̍h-a wǐi i̍ i̍h-a ble̍. I̍h la̍a̍, “Blawɛ̌ Jǔ ɔ̀ dbǎ-aɛ, ɔ̍ nɛ tìhwe̍ po̍ ka̍. Ɔ̍ gbǐh nɛ-ɛ ke, pàn-a ke, flɔ̍nwlùh ke, kmu-ɛ ke, ja̍ tè-ɛ ke tìh-a i̍ bɛ̌-ɛ nɛ tìhwe̍ po̍ ka̍.”

Wlɛfeleseɔn 5:14

Wɛ̀ kmɔ̌ nɛ dɛ̍ᵻ nyìɛ̍ laa̍ i̍h la̍a̍, “Kǎ ɛ̍-ɛ nɛ.” Wɛ̀ nyɔ̍ klaaᵻ laa̍ u̍h kèàɛ i̍ iě u̍h sà Nyɔsoa wɛɛ.

Wlɛfeleseɔn 5:6

Wɛ̀ ǐn jě Blawɛ̌ Jǔ nɛ̀ ɔ̍ nyna i̍ dǒ nynɛ̌ gbalǎ-a wèa̍. Iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻ dlɛ̌ ɔ̍. Nɛ̀ ka nyɔ̍ dbǎ dɛ̍-ɛ, nɛ̀ kǎ ɔ̍ nɛ. Ɔ̍ blě gbɔ̀nᵻ mɛ̀sɔɔ̌n ke jlǐh mɛ̀sɔɔ̌n. Jlǐh mɛ̀sɔɔ̌n laa̍ bo ìh nu̍-a sùù mɛ̀sɔɔ̌n ìh-a dbee-a Nyɔsoa jǔ ìh dbo̍-ea kmɔ̌ kli̍hgbɛ̍ kɛ̍n i̍-ɛ.

Wlɛfeleseɔn 6:1

Wɛ̀ ǐn jě Blawɛ̌ Jǔ iě ɔ̍ wa̍ slu̍ mɛ̀sɔɔ̌n laa̍ i̍h-a sàǐtòò naɛ dǒ chlǐh-dɛ̍-a gbo̍lo̍ laa̍ wɔ̍i̍n. Iě ǐn wɔ̌n kmɔ̌ nɛ dɛ̍ᵻ nyìɛ̍ laa̍ i̍h-a due-a wlu̍ ka tɛ̀n plǎn-ɛ. Ɛ̍ la̍a̍, “Ji̍.”