Wlɛfeleseɔn 5:5 - Ku̍o̍ Delee 1999

⁵ Wɛ̀ nyɔ̍ klaa due la̍a̍ dě ǐn we̍, “Bɔ̌ fìn-ɛ. Gbɛ̀n-e, gbòlò sɔ-a dě Juuda-a chɛǐ-ɛ, ɔ̀ nu̍-a Depe-a tloemlai-a klaa-ɛ, ɔ̍ du̍ tu̍h wɛ̀. Ɔ̍ bɛ̌ɛ chlǐh-dɛ̍-a gbo̍lo̍ laa̍ ɛ̍ slu̍ mɛ̀sɔɔ̌n laa̍ wa̍-a ɔ̍ iě ɛ̍ wɔ̍i̍n pɔ̀ni.”

Wlɛfeleseɔn 5:5 Iomraidhean Croise

Pɔ̀n Chɛ̀ Luu To-a La 23:28

Wɛ̀ Jusu fèàɛ̀ dě u̍h we̍, iě ɔ̍ la̍a̍, “Juluslɛn nynɔ̌gbaɔᵻ, mɔ̀ bɔ̌ ǎn tìh i̍ fìn-ɛ. Jɛ mɔ̀ fìn mɔ̀-a chɛ̀-a tìh, ɛ̍ ke mɔ̀-a nynuu̍ ke.

Pɔ̀n Chɛ̀ Luu To-a La 7:13

Joi jě-a nynɔ̌ laa̍-ɛ, sɔ ɛ̍ po̍ ɔ̍ wɔɛ. Iě ɔ̍ la̍a̍ dě ɔ̍ we̍, “Bɔ̌ fìn-ɛ.”

Pɔ̀n Chɛ̀ Luu To-a La 8:52

Nɛ̀ nyɔ̍ kli̍hgbɛ̍-a fìn-i u̍h-a we̍le nynɔ̌gbaɔ jǔ-a tìh. Wɛ̀ Jusu la̍a̍, “Mɔ̀ bɔ̌ fìn-ɛ, ɔ̍ se̍ mɛ̌. Jɛ ɔ̍ mɔ̌-ɛ.”

Chɔɔn 20:13

I̍h la̍a̍, “Nynɔ̌ chɛ̀, dɛ̍-ɛ tìh àn fìn ɛ?” Mɛle la̍a̍, “Ǎn Joi bo u̍h dǔ-u, iě tà u̍h gba̍-ɛa ɔ̍-ɛ, ǐn se̍-o juo.”

Wloma 1:3

Ɛ̍ tba̍ dǒ ɔ̍ Jǔ ɔ̀ nu̍-a à Joi Jusu Klai-ɛ pùn i̍, ɔ̀ nu̍-a Depe-a tloemlai dě nyi̍ɔ̍ku di̍i̍-ɛ.

Wloma 15:12

Dode̍-ɛ, Asaia la̍a̍, “Jɛse-a tloemlai-a mu̍ ji̍, nɛ̀ ɔ̍ mu̍ ja̍i̍ dǔ-iɛ ɔ̍ iě ùh se̍-a Juu nyɔ̍-ɛ u̍h-a wlu̍ kwa̍ blě. U̍h-a mu̍ ɔ̍ wlùh i̍ tba̍.”

Iblu 7:14

Dɛ̍nu̍ɛ, ɛ̍ flɔn we̍i̍ ka à Joi sɔ-a dě Juuda-a chɛǐ-ɛ. Mose se̍ dɛ̍-ɛ sà ke dǒ Juuda-a chɛ̌tu la pùn ti̍ ɔ̍ sà-a slaǎ sà nyɔ̍-a tìh i̍-ɛ.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.

Wlɛfeleseɔn 4:10

nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ laa̍ u̍h kèàɛ i̍ dǒ ɔ̀ tè-a i̍ dǒ nynɛ̌ gbalǎ kɛ̍n-ɛ jǔ, ɔ̀ se̍-a mɛ̌ la̍ kɔn-ɛ. Iě u̍h-a sà ɔ̍ wɛɛ. Wɛ̀ u̍h-a pɛ̌n-ɛ u̍h-a blawɛ̌ᵻ i̍ dǒ nynɛ̌ gbalǎ jǔ. Nɛ̀ u̍h la̍a̍,

Wlɛfeleseɔn 4:4

Nynɛ̌ gbalǎ laa̍, nynɛ̌ gbalǎᵻá kwela sɔɔ̌n jɔ̌ nyìɛ̍ (24) bo ìh dlɛ̌ ɛ̍. Nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ bo ùh tìèe̍ i̍h di̍i̍ i̍. Nɛ̀ u̍h pa̍ jlii̍ plǔᵻ i̍, iě u̍h tèè kòo̍-a blawɛ̌ᵻ.

Wlɛfeleseɔn 5:4

Wɛ̀ ǐn fìn dɛ̍blɔ, dɛ̍nu̍ɛ, nyɔ̍ ɔ̀ nɛ-a ɛ̍ ka̍ ɔ̀ iě-a chlǐh-dɛ̍-a gbo̍lo̍ la wɔ̍i̍n pɔ̀ni wɛ̀ ɔ̍ iě-a dě ɛ̍ di̍i̍ gbɛ̀n-ɛ, ɔ̍ se̍ nɛ.

Wlɛfeleseɔn 6:1

Wɛ̀ ǐn jě Blawɛ̌ Jǔ iě ɔ̍ wa̍ slu̍ mɛ̀sɔɔ̌n laa̍ i̍h-a sàǐtòò naɛ dǒ chlǐh-dɛ̍-a gbo̍lo̍ laa̍ wɔ̍i̍n. Iě ǐn wɔ̌n kmɔ̌ nɛ dɛ̍ᵻ nyìɛ̍ laa̍ i̍h-a due-a wlu̍ ka tɛ̀n plǎn-ɛ. Ɛ̍ la̍a̍, “Ji̍.”

Wlɛfeleseɔn 7:13

Wɛ̀ nyɔ̍ klaa due tèle ǐn i̍. Ɔ̍ la̍a̍, “Nyɔ̍ la ùh pa̍-a plɛ̀i̍ plǔᵻɛ́, u̍h-a nynɛ̌-ɛ ɛ? Tàwe̍ u̍h sɔ-ɔ ɛ?”