Wlɛfeleseɔn 5:12 - Ku̍o̍ Delee 1999

¹² Wɛ̀ i̍h-a wǐi i̍ i̍h-a ble̍. I̍h la̍a̍, “Blawɛ̌ Jǔ ɔ̀ dbǎ-aɛ, ɔ̍ nɛ tìhwe̍ po̍ ka̍. Ɔ̍ gbǐh nɛ-ɛ ke, pàn-a ke, flɔ̍nwlùh ke, kmu-ɛ ke, ja̍ tè-ɛ ke tìh-a i̍ bɛ̌-ɛ nɛ tìhwe̍ po̍ ka̍.”

Wlɛfeleseɔn 5:12 Iomraidhean Croise

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 17:2

Dɛ̍nu̍ɛ, ìn nyǐ ɔ̍ gbǐh ɔ̍ iě nyɔ̍ kli̍hgbɛ̍ wlu̍ i̍ kɔn, ɔ̍ iě nyɔ̍ kli̍hgbɛ̍ ìn nyǐ-a ɔ̍-ɛ kmɔ̌ sie feɛ nyǐ.

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

1 Timote 1:17

Nyɔsoa nɛ due gbài̍, ɔ̀ nu̍-a kmɔ̌ sie Blǔh Baa, ɔ̀ se̍-a mɛ̌ la̍ kɔn, ɔ̀ nɛ-a dě slè-ɛ, mɔ̀ tè ɔ̍ ja̍, mɔ̀ iě ɔ̍ nynɛ̌ i̍ bɛ̌-ɛ nɔ̌ kmɔ̌-a kmɔ̌. Kǎ ɛ̍-ɛ nɛ.

Wlɛfeleseɔn 1:6

Wɛ̀ ɔ̍ nu̍ à kmɔ̌ wlu̍ i̍ kɔn nyɔ̍ ke slaǎ sà nyɔ̍ we̍i̍ à iě ɔ̍ Baa Nyɔsoa jǔ dbee. Tìh-a i̍ bɛ̌-ɛ ke gbǐh kɔn dǒ Jusu Klai we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 15:3

Wɛ̀ u̍h ble̍ Mose ɔ̀ nu̍-a Nyɔsoa-a pòi̍ju-ɛ ɔ̍ duǐh, ɛ̍ ke Blawɛ̌ Jǔ-a duǐh ke. U̍h la̍a̍, “Joi Nyɔsoa mɔ̀ Blě-a Gbǐh Kli̍hgbɛ̍-ɛ, àn nu̍-dɛ̍ᵻ ku̍ wɔ̍n, iě i̍h-a flɔn-ɛ nyɔ̍ wɔ̍n. Àn wìèᵻ slɛ̌ i̍, iě i̍h nu̍ tìh-a taǐn. Mɔ̀ Blǔh Baa nɔ̌ kmɔ̌-a kmɔ̌.

Wlɛfeleseɔn 19:1

Ɛ̀ la ɛ̍ wɔ̀-a nɛ-ɛɛ, iě ǐn wɔ̌n slɛ̀ dɔu ka nyɔ̍ tlùgbei̍-a wlu̍ dě ja̍i̍wlɔ̀-ɛ. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍. Nyɔ̍ sèìe-ɛ ke tìh-a i̍ bɛ̌-ɛ ke gbǐh kɔn dǒ à Nyɔsoa we̍.

Wlɛfeleseɔn 4:11

“À Joi Nyɔsoa, ìn nɛ ɛ̍ ka̍. Àn tìh-a i̍ bɛ̌-ɛ ke ja̍ tè-ɛ ke gbǐh nɛ we̍ i̍ ble̍-e ka̍, dɛ̍nu̍ɛ, mɔ̀ bo ɔ̀ nu̍ dɛ̍ᵻ kli̍hgbɛ̍ iě i̍h nɛ, wɛ̀ ìn dǔ àn chɛ̀-a wlùh-u iě ìn nu̍ dɛ̍ᵻ kli̍hgbɛ̍.”

Wlɛfeleseɔn 5:13

Wɛ̀ kmɔ̌ nɛ dɛ̍ᵻ kli̍hgbɛ̍ nɛ-a dě ja̍i̍wlɔ̀ ke, nɔ̌ bloɔ̍ ke, dě blǔh sɔ̀n ke dě jbǒ kɛ̍n-ɛ, ɛ̍ ke kmɔ̌ nɛ dɛ̍ᵻ diih kli̍hgbɛ̍ ke dǒ ǐn wɔ̌n-ɛ i̍h-a ble̍-e wlu̍. I̍h la̍a̍, “Nyɔ̍ ɔ̀ tè-a dǒ nynɛ̌ gbalǎ kɛ̍n i̍-ɛ, ɔ̍ ke Blawɛ̌ Jǔ ke, tìhwe̍ po̍-ɛ ke, ja̍ tè-ɛ ke, tìh-a i̍ bɛ̌-ɛ ke kmu-ɛ kɔn dǒ u̍h we̍ nɔ̌ kmɔ̌-a kmɔ̌.”

Wlɛfeleseɔn 5:6

Wɛ̀ ǐn jě Blawɛ̌ Jǔ nɛ̀ ɔ̍ nyna i̍ dǒ nynɛ̌ gbalǎ-a wèa̍. Iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻ dlɛ̌ ɔ̍. Nɛ̀ ka nyɔ̍ dbǎ dɛ̍-ɛ, nɛ̀ kǎ ɔ̍ nɛ. Ɔ̍ blě gbɔ̀nᵻ mɛ̀sɔɔ̌n ke jlǐh mɛ̀sɔɔ̌n. Jlǐh mɛ̀sɔɔ̌n laa̍ bo ìh nu̍-a sùù mɛ̀sɔɔ̌n ìh-a dbee-a Nyɔsoa jǔ ìh dbo̍-ea kmɔ̌ kli̍hgbɛ̍ kɛ̍n i̍-ɛ.

Wlɛfeleseɔn 5:8

Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.

Wlɛfeleseɔn 6:1

Wɛ̀ ǐn jě Blawɛ̌ Jǔ iě ɔ̍ wa̍ slu̍ mɛ̀sɔɔ̌n laa̍ i̍h-a sàǐtòò naɛ dǒ chlǐh-dɛ̍-a gbo̍lo̍ laa̍ wɔ̍i̍n. Iě ǐn wɔ̌n kmɔ̌ nɛ dɛ̍ᵻ nyìɛ̍ laa̍ i̍h-a due-a wlu̍ ka tɛ̀n plǎn-ɛ. Ɛ̍ la̍a̍, “Ji̍.”

Wlɛfeleseɔn 7:12

U̍h la̍a̍, “Kǎ ɛ̍-ɛ nɛ. Tìhwe̍ po̍-ɛ ke, tìh-a i̍ bɛ̌-ɛ ke, flɔ̍nwlùh ke, tlɔ̌ po̍-ɛ ke, ja̍ tè-ɛ ke, gbǐh nɛ-ɛ ke kmu-ɛ kɔn dǒ à Nyɔsoa we̍ nɔ̌ kmɔ̌-a kmɔ̌. Kǎ ɛ̍-ɛ nɛ.”