Wlɛfeleseɔn 4:4 - Ku̍o̍ Delee 1999

⁴ Nynɛ̌ gbalǎ laa̍, nynɛ̌ gbalǎᵻá kwela sɔɔ̌n jɔ̌ nyìɛ̍ (24) bo ìh dlɛ̌ ɛ̍. Nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ bo ùh tìèe̍ i̍h di̍i̍ i̍. Nɛ̀ u̍h pa̍ jlii̍ plǔᵻ i̍, iě u̍h tèè kòo̍-a blawɛ̌ᵻ.

Wlɛfeleseɔn 4:4 Iomraidhean Croise

Matio 19:28

Wɛ̀ Jusu la̍a̍ dě u̍h we̍, “Tìh-a taǐn àn sèàɛ̍ mɔ̀ wlùh, ti̍ dɛ̍ᵻ kli̍hgbɛ̍-a mu̍-a delee i̍ gbǎ-ɛ, nɛ̀ Nyi̍ɔ̍-a Jǔ-a mu̍ i̍ tè dǒ ɔ̍ nynɛ̌ gbalǎ kɛ̍n dě ɔ̍ tìh-a i̍ bɛ̌-ɛ di̍i̍. Nɛ̀ mɔ̀ɔ̍ ùh gbǎ-a dǒ ǐn de̍e̍-ɛ, wɛ̀ mɔ̀ iě dǒ nynɛ̌ gbalǎᵻá pùè jɔ̌ sɔɔ̌n kɛ̍n i̍ tìèe̍ ke, wɛ̀ mɔ̀ iě Eslɔɛ nyɔ̍-a chɛ̌tu-a pùè jɔ̌ sɔɔ̌n wlu̍ i̍ kɔn.

Pɔ̀n Chɛ̀ Luu To-a La 22:30

Wɛ̀ mɔ̀ iě dǒ ǎn teble̍ kɛ̍n dɛ̍ di̍-i, mɔ̀ iě nǎ dě ǎn kmɔ̌ wlu̍ i̍ kɔn-ɛ di̍i̍. Wɛ̀ mɔ̀ iě dǒ nynɛ̌ gbalǎᵻ kɛ̍n i̍ tìèe̍, wɛ̀ mɔ̀ iě Eslɔɛ nyɔ̍-a chɛ̌tu-a pùè jɔ̌ sɔɔ̌n wlu̍ i̍ kɔn.”

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Wlɛfeleseɔn 11:16

Wɛ̀ nyɔ̍ klaaᵻá kwela sɔɔ̌n jɔ̌ nyìɛ̍ ùh tè-a i̍ dǒ u̍h-a nynɛ̌ gbalǎᵻ kɛ̍n dǒ Nyɔsoa jǔ-ɛ, iě u̍h kèàɛ i̍ u̍h sà ɔ̍ wɛɛ.

Wlɛfeleseɔn 14:3

Wɛ̀ nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) laa̍ ùh Nyɔsoa sèìe-aɛ, u̍h ble̍ duǐh delee dǒ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ laa̍ ke nyɔ̍ klaaᵻ jǔ. Nyɔ̍ dɔɔ se̍ duǐh laa̍ cheǎn-a bɛ̌ɛ.

Wlɛfeleseɔn 19:14

Wɛ̀ ja̍i̍wlɔ̀-a fledlǔ dɔu wɔ̀ dǒ ɔ̍ de̍e̍. U̍h pa̍ flɛmɛ̍ plǔᵻ wlihwlǐh-i, nɛ̀ u̍h-a naɛ soo̍bliᵻ plǔᵻ kɛ̍n.

Wlɛfeleseɔn 19:4

Iě nyɔ̍ klaaᵻá kwela sɔɔ̌n jɔ̌ nyìɛ̍ ke kmɔ̌ nɛ dɛ̍ᵻ nyìɛ̍ laa̍ kèàɛ i̍ dǒ Nyɔsoa ɔ̀ tè-a i̍ dǒ ɔ̍ nynɛ̌ gbalǎ kɛ̍n-ɛ jǔ, iě u̍h sà ɔ̍ wɛɛ. U̍h la̍a̍, “Kǎ ɛ̍-ɛ nɛ, mɔ̀ po̍ Nyɔsoa tìhwe̍.”

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 3:18

Ɛ̍ tìh-ɛ, ǎn tù mɔ̀ slɛ̌n mɔ̀ iě kòo̍ wlihwlǐh tɛ̀n nɔ̌ ǐn we̍, wɛ̀ mɔ̀ iě pàn. Mɔ̀ tɛ̀n jlii̍ plǔᵻ ke mɔ̀ iě-e pa̍. Wɛ̀ mɔ̀ iě dɛ̍ jǔ wlǎ, tɛ̀n-ɛ je̍e mɔ̀ nu̍. Mɔ̀ tɛ̀n kwɛ̍i̍n mɔ̀ iě jlǐh i̍ po̍, wɛ̀ mɔ̀ iě i̍ jě.

Wlɛfeleseɔn 4:10

nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ laa̍ u̍h kèàɛ i̍ dǒ ɔ̀ tè-a i̍ dǒ nynɛ̌ gbalǎ kɛ̍n-ɛ jǔ, ɔ̀ se̍-a mɛ̌ la̍ kɔn-ɛ. Iě u̍h-a sà ɔ̍ wɛɛ. Wɛ̀ u̍h-a pɛ̌n-ɛ u̍h-a blawɛ̌ᵻ i̍ dǒ nynɛ̌ gbalǎ jǔ. Nɛ̀ u̍h la̍a̍,

Wlɛfeleseɔn 4:6

Dǒ nynɛ̌ gbalǎ laa̍ jǔ dǒ dɛ̍ nyna i̍, ɛ̍ wɔ̀ jbǒ ɛ̀ nui-a klàsi̍-a sǔh-ɛ. Nɛ̀ kmɔ̌ nɛ dɛ̍ᵻ nyìɛ̍ dlɛ̌ nynɛ̌ gbalǎ-a chɛ̀. Dǒ i̍h wlì ke i̍h kɛ̍ɛ̍n nu̍ jlǐh-a sǔh.

Wlɛfeleseɔn 5:11

Wɛ̀ ǐn gbɛ̀n-e dɛ, iě ǐn wɔ̌n Nyɔsoa-a ǐnchɔ̀-a wlu̍. I̍h bɛ̌ɛ i̍h iě wlǔ-a wlǔ-a poa nu̍. I̍h dlɛ̌ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ ke nyɔ̍ klaaᵻ laa̍.

Wlɛfeleseɔn 5:14

Wɛ̀ kmɔ̌ nɛ dɛ̍ᵻ nyìɛ̍ laa̍ i̍h la̍a̍, “Kǎ ɛ̍-ɛ nɛ.” Wɛ̀ nyɔ̍ klaaᵻ laa̍ u̍h kèàɛ i̍ iě u̍h sà Nyɔsoa wɛɛ.

Wlɛfeleseɔn 5:6

Wɛ̀ ǐn jě Blawɛ̌ Jǔ nɛ̀ ɔ̍ nyna i̍ dǒ nynɛ̌ gbalǎ-a wèa̍. Iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻ dlɛ̌ ɔ̍. Nɛ̀ ka nyɔ̍ dbǎ dɛ̍-ɛ, nɛ̀ kǎ ɔ̍ nɛ. Ɔ̍ blě gbɔ̀nᵻ mɛ̀sɔɔ̌n ke jlǐh mɛ̀sɔɔ̌n. Jlǐh mɛ̀sɔɔ̌n laa̍ bo ìh nu̍-a sùù mɛ̀sɔɔ̌n ìh-a dbee-a Nyɔsoa jǔ ìh dbo̍-ea kmɔ̌ kli̍hgbɛ̍ kɛ̍n i̍-ɛ.

Wlɛfeleseɔn 5:8

Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.

Wlɛfeleseɔn 6:11

Nɛ̀ jɔ-ɛ ɔ̍ nyǐ-ɛ plɛ̀i̍ plǔ. Iě u̍h sèàɛ̍-ɛ wlùh u̍h iě fɔ ke̍ te̍e̍, wɛ̀ ka u̍h nu̍-a dbǎ-ɛɛ iě u̍h ba̍ᵻ pòi̍nynuu̍ ke de̍di̍i̍ᵻ ùh-a mu̍-a dbǎ-ɛ ke-ɛ, wɛ̀ u̍h-a tìɛ̀n iě tba̍.

Wlɛfeleseɔn 7:11

Iě Nyɔsoa-a ǐnchɔ̀ kli̍hgbɛ̍ dlɛ̌ nynɛ̌ gbalǎ ke, nyɔ̍ klaaᵻ ke kmɔ̌ nɛ dɛ̍ᵻ nyìɛ̍ laa̍. Wɛ̀ u̍h kèàɛ i̍ dǒ nynɛ̌ gbalǎ jǔ iě u̍h sà Nyɔsoa wɛɛ.

Wlɛfeleseɔn 7:9

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě nyɔ̍ tlùgbei̍ ùh nyɔ̍ se̍-a slè-ɛ bɛ̌ɛ-ɛ. U̍h sɔ dě dakɔ̍ kli̍hgbɛ̍ ke chɛ̌tu kli̍hgbɛ̍ ke bloa̍ kli̍hgbɛ̍ di̍i̍ i̍. Nɛ̀ u̍h nyna-ɛ i̍ dǒ nynɛ̌ gbalǎ ke Blawɛ̌ Jǔ jǔ. Nɛ̀ u̍h pa̍ plɛ̀i̍ plǔᵻ i̍, iě u̍h blě ju̍hᵻ wlɔ̍nᵻ kwa̍ i̍.

Wlɛfeleseɔn 9:7

Gbaunᵻá chɛ̀ i̍h ke soo̍bliᵻ ìh jě-a ti̍ wɛ̀ dǒ tu̍h fɔ̀n-ɛ we̍-ɛ wɔ̀ɛ. Ɛ̀ i̍h tèè-aɛ, ɛ̍ ke kòo̍ blawɛ̌ mu̍i we̍, iě i̍h-a jua̍a̍ᵻ ke wlɔ̀ nyi̍ɔ̍-a jua̍a̍ mu̍i we̍.