Wlɛfeleseɔn 4:2 - Ku̍o̍ Delee 1999

² Dǒ tàdùè la̍-a sɔ nɛ Nyɔsoa-a Sùù jǐi ǐn i̍, iě ǐn jě nynɛ̌ gbalǎ dě ja̍i̍wlɔ̀. Nɛ̀ nyɔ̍ tè dǒ ɛ̍ kɛ̍n i̍.

Wlɛfeleseɔn 4:2 Iomraidhean Croise

Matio 22:43

Wɛ̀ ɔ̍ la̍a̍ dě u̍h we̍, “Wɛ̀ dɛ̍nu̍ Sùù po̍ Depe wlu̍ wɔ̍ɔ̍n, wɛ̀ ɔ̍ dǎɛ ɔ̍ Joi ɛ? Dɛ̍nu̍ɛ, Depe la̍a̍,

Iblu 8:1

Dɛ̍ à sà-a chɛ̀ gbe̍i̍n-ɛ, ɛ̍-ɛ la. Slaǎ Sà Nyɔ̍-a Dlǔtu kaɛn la bo à blě, wɛ̀ ɔ̍ tè i̍ dě ja̍i̍wlɔ̀ dǒ Tìh-a I̍ Bɛ̌ɛ Nyɔsoa-a nynɛ̌ gbalǎ-a di̍na̍ we̍.

Wlɛfeleseɔn 1:10

Nyɔsoa-a Sùù jǐi ǐn i̍ dǒ Joi-a fɔ-weɛ̍ di̍i̍ wɛ̀ ǐn wɔ̌n wǐi wlu̍ dǒ ǐn de̍e̍ ka dɔ̍gbɛ̍-a wlu̍-ɛ.

Wlɛfeleseɔn 12:5

Wɛ̀ ɔ̍ wlǔh-i jɔ̍gbau jǔ ɔ̀ mu̍-a bloa̍ kli̍hgbɛ̍-a wlu̍ kwa̍ blě dǒ nɛ̍ne̍ɛ̍ bliku we̍-ɛ. Jɛ jǔ-a chɛ̀ ɔ̍ flǎ-ɛ, iě ɔ̍ gba̍-ɛ dě Nyɔsoa ke ɔ̍ nynɛ̌ gbalǎ we̍.

Wlɛfeleseɔn 17:3

Nyɔsoa-a Sùù jǐi ǐn i̍ wɛ̀ ǐnchɔ̀ gba̍ ǐn dě kwlǎslò we̍. Dě-e bo ǐn jě-e nynɔ̌ due, nɛ̀ ɔ̍ tè i̍ dǒ nmi̍ɛ̍ sàɛ̀n kɛ̍n. Nyɔsoa wɔ̍n blaɛ nynɛ̌ wɔ̀ ɛ̍ ku̍ dlǔ. Wɛ̀ ɛ̍ blě dlǔᵻ mɛ̀sɔɔ̌n ke gbɔ̀nᵻ pùè.

Wlɛfeleseɔn 19:4

Iě nyɔ̍ klaaᵻá kwela sɔɔ̌n jɔ̌ nyìɛ̍ ke kmɔ̌ nɛ dɛ̍ᵻ nyìɛ̍ laa̍ kèàɛ i̍ dǒ Nyɔsoa ɔ̀ tè-a i̍ dǒ ɔ̍ nynɛ̌ gbalǎ kɛ̍n-ɛ jǔ, iě u̍h sà ɔ̍ wɛɛ. U̍h la̍a̍, “Kǎ ɛ̍-ɛ nɛ, mɔ̀ po̍ Nyɔsoa tìhwe̍.”

Wlɛfeleseɔn 20:11

Wɛ̀ ǐn jě nynɛ̌ gbalǎ plǔ klaa, ɛ̍ ke ɔ̀ tè-a dǒ ɛ̍ kɛ̍n i̍-ɛ ke. Wɛ̀ blǔh ke ja̍u̍n ple̍ i̍h sɔ dǒ ɔ̍ jlǐhwai, wɛ̀ i̍h se̍ jě-ɛ dɛ kleǐnklein.

Wlɛfeleseɔn 21:10

Nyɔsoa-a Sùù jǐi ǐn i̍ wɛ̀ ǐnchɔ̀ gba̍ ǐn dě tlu̍h tɔ̀ɔ̀n kɛ̍n. Wɛ̀ ɛ̍ toe ǐn Juluslɛn wlɔ̀ ɛ̀ kɔn-a dǒ Nyɔsoa we̍-ɛ. Wlɔ̀-a chɛ̀ ɛ̍ sɔ dě Nyɔsoa we̍ ja̍i̍wlɔ̀.

Wlɛfeleseɔn 21:5

Wɛ̀ ɔ̀ tè-a i̍ dǒ nynɛ̌ gbalǎ kɛ̍n-ɛ la̍a̍, “Ǎn nu̍ la̍ dɛ̍ᵻ kli̍hgbɛ̍ delee we̍i̍.” Ɔ̍ la̍a̍ dě ǐn we̍ ke, “Chlǐh ɛ̀ la, dɛ̍nu̍ɛ, wlu̍ la i̍h nu̍ gblangbai̍ ke wlì tè dɛ̍.”

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.

Wlɛfeleseɔn 4:10

nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ laa̍ u̍h kèàɛ i̍ dǒ ɔ̀ tè-a i̍ dǒ nynɛ̌ gbalǎ kɛ̍n-ɛ jǔ, ɔ̀ se̍-a mɛ̌ la̍ kɔn-ɛ. Iě u̍h-a sà ɔ̍ wɛɛ. Wɛ̀ u̍h-a pɛ̌n-ɛ u̍h-a blawɛ̌ᵻ i̍ dǒ nynɛ̌ gbalǎ jǔ. Nɛ̀ u̍h la̍a̍,

Wlɛfeleseɔn 4:5

Nɛ̀ nǐ-a jlǐh chlɛ-ɛ ke tɛ̀n-ɛ plǎn-a ke slɛ̀-a sɔ dě nynɛ̌ gbalǎ-a chɛ̀ we̍. Nɛ̀ tàùᵻ mɛ̀sɔɔ̌n-a wa̍n-ɛ dǒ nynɛ̌ gbalǎ-a chɛ̀ jǔ. I̍h bo ìh nu̍ sùù mɛ̀sɔɔ̌n ìh-a dbee-a Nyɔsoa jǔ-ɛ.

Wlɛfeleseɔn 4:9

Nyɔ̍ ɔ̀ tè-a i̍ dǒ nynɛ̌ gbalǎ kɛ̍n ɔ̀ se̍-a mɛ̌ la̍ kɔn-ɛ, pò kmɔ̌ nɛ dɛ̍ᵻ laa̍ i̍h ble̍ ɔ̍ tìh-a i̍ bɛ̌-ɛ ke ja̍ tè duǐh wɛ̀ i̍h iě ɔ̍ tlɔ̌ po̍-ɛ,

Wlɛfeleseɔn 5:1

Wɛ̀ ǐn jě chlǐh-dɛ̍-a gbo̍lo̍ dě ɔ̀ tè-a i̍ dǒ nynɛ̌ gbalǎ kɛ̍n-ɛ ɔ̍ di̍na̍ kwa̍a̍. Nɛ̀ ɛ̍ fɔ̌ᵻ kli̍hgbɛ̍ chlǐh-ɛ kɛ̍n i̍, iě ɛ̍ nu̍ slu̍ wɔ̍i̍n poe-ɛ gbɔ̍ᵻ mɛ̀sɔɔ̌n.

Wlɛfeleseɔn 5:13

Wɛ̀ kmɔ̌ nɛ dɛ̍ᵻ kli̍hgbɛ̍ nɛ-a dě ja̍i̍wlɔ̀ ke, nɔ̌ bloɔ̍ ke, dě blǔh sɔ̀n ke dě jbǒ kɛ̍n-ɛ, ɛ̍ ke kmɔ̌ nɛ dɛ̍ᵻ diih kli̍hgbɛ̍ ke dǒ ǐn wɔ̌n-ɛ i̍h-a ble̍-e wlu̍. I̍h la̍a̍, “Nyɔ̍ ɔ̀ tè-a dǒ nynɛ̌ gbalǎ kɛ̍n i̍-ɛ, ɔ̍ ke Blawɛ̌ Jǔ ke, tìhwe̍ po̍-ɛ ke, ja̍ tè-ɛ ke, tìh-a i̍ bɛ̌-ɛ ke kmu-ɛ kɔn dǒ u̍h we̍ nɔ̌ kmɔ̌-a kmɔ̌.”

Wlɛfeleseɔn 6:16

Iě u̍h-a we̍le tlu̍hᵻ ke sɔɔ̌ᵻ, u̍h la̍a̍, “Mɔ̀ gbǎ à kɛ̍n, wɛ̀ mɔ̀ iě àɔ̀ ɔ̀ tè-a i̍ dǒ nynɛ̌ gbalǎ kɛ̍n-ɛ jii̍ sìle, ɛ̍ ke Blawɛ̌ Jǔ-a nyɔ̍ kàn gbɛ̍n-ɛ ke.