Wlɛfeleseɔn 4:11 - Ku̍o̍ Delee 1999

¹¹ “À Joi Nyɔsoa, ìn nɛ ɛ̍ ka̍. Àn tìh-a i̍ bɛ̌-ɛ ke ja̍ tè-ɛ ke gbǐh nɛ we̍ i̍ ble̍-e ka̍, dɛ̍nu̍ɛ, mɔ̀ bo ɔ̀ nu̍ dɛ̍ᵻ kli̍hgbɛ̍ iě i̍h nɛ, wɛ̀ ìn dǔ àn chɛ̀-a wlùh-u iě ìn nu̍ dɛ̍ᵻ kli̍hgbɛ̍.”

Wlɛfeleseɔn 4:11 Iomraidhean Croise

Nu̍-dɛ̍ᵻ 14:15

“Dɛ̍nu̍ mɔ̀-a nu̍ dɛ̍ la ɛ? Àɔ̀ la ka mɔ̀ nu̍-a wlɔ̀ nyi̍ɔ̍-ɛ, kǎ à nɛ ke. À nɛ da̍a à iě pɔ̀n chɛ̀-a tìh bla̍ dě mɔ̀ we̍. À sèàɛ̍ mɔ̀ wlùh mɔ̀ iě pɔ̀ɔ̍pìe̍ dɛ̍ᵻ la kɛ̍n i̍ poe, wɛ̀ mɔ̀ iě dě kmɔ̌ nɛ Nyɔsoa we̍ i̍ bǐi. Nyɔsoa bo ɔ̀ nu̍ blǔh ke ja̍u̍n ke jbǒ, ɛ̍ ke dɛ̍ᵻ kli̍hgbɛ̍ nɛ-a dě i̍h di̍i̍-ɛ ke.

Nu̍-dɛ̍ᵻ 17:24

Nyɔsoa ɔ̀ nu̍-a kmɔ̌ ke dɛ̍ᵻ kli̍hgbɛ̍ nɛ-a dě ɛ̍ di̍i̍-ɛ, ɔ̍ bo ɔ̀ nu̍ blǔh ke ja̍u̍n-a Joi. Wɛɛ sà gbò nyi̍ɔ̍ po̍-aɛ, ɔ̍-ɔ tǐn dě ɛ̍ di̍i̍.

Wloma 11:36

Ɔ̍ bo ɔ̀ nu̍ dɛ̍ᵻ kli̍hgbɛ̍. Dě ɔ̍ ja̍a̍ bo i̍h nɛ. Ɔ̍ tìh bo i̍h nɛ kmɔ̌. Ɔ̍ bo tìh-a i̍ bɛ̌-ɛ kɔn dǒ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

Ɛfɛsɔ 3:9

Wɛ̀ iě dɛ̍ ɛ̀ Nyɔsoa ɔ̀ nu̍-a dɛ̍ᵻ kli̍hgbɛ̍-ɛ ɔ̍ sìle-a de tɛin-ɛ, ɛ̍ tìh we̍i̍ flɔn-ɛ ke dě nyɔ̍ kli̍hgbɛ̍ we̍.

Iblu 1:10

Kǎ Nyɔsoa dǎ ka dɛ, ɔ̍ la̍a̍, “Joi, sɔ dě tɔ̀blɔ̍ɔ̍-ɛ, mɔ̀ bo ɔ̀ nu̍ blǔh la, ɛ̍ ke ja̍u̍n ke.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

Wlɛfeleseɔn 1:6

Wɛ̀ ɔ̍ nu̍ à kmɔ̌ wlu̍ i̍ kɔn nyɔ̍ ke slaǎ sà nyɔ̍ we̍i̍ à iě ɔ̍ Baa Nyɔsoa jǔ dbee. Tìh-a i̍ bɛ̌-ɛ ke gbǐh kɔn dǒ Jusu Klai we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

Wlɛfeleseɔn 10:6

Iě ɛ̍ slɛ̀ɛ̀n dǒ Nyɔsoa-a nynɛ̌ kɛ̍n, ɔ̀ se̍-a mɛ̌ la̍ kɔn ɔ̀ nu̍-a ja̍i̍wlɔ̀ ke, bloa̍ ke, jbǒ ke dɛ̍ᵻ kli̍hgbɛ̍ nɛ-a i̍h kɛ̍n i̍-ɛ. Ǐnchɔ̀ la̍a̍, “Tlɛ̀n-ɛ se̍ nɛ mu̍ dɛ.

Wlɛfeleseɔn 14:7

Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 19:1

Ɛ̀ la ɛ̍ wɔ̀-a nɛ-ɛɛ, iě ǐn wɔ̌n slɛ̀ dɔu ka nyɔ̍ tlùgbei̍-a wlu̍ dě ja̍i̍wlɔ̀-ɛ. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍. Nyɔ̍ sèìe-ɛ ke tìh-a i̍ bɛ̌-ɛ ke gbǐh kɔn dǒ à Nyɔsoa we̍.

Wlɛfeleseɔn 5:12

Wɛ̀ i̍h-a wǐi i̍ i̍h-a ble̍. I̍h la̍a̍, “Blawɛ̌ Jǔ ɔ̀ dbǎ-aɛ, ɔ̍ nɛ tìhwe̍ po̍ ka̍. Ɔ̍ gbǐh nɛ-ɛ ke, pàn-a ke, flɔ̍nwlùh ke, kmu-ɛ ke, ja̍ tè-ɛ ke tìh-a i̍ bɛ̌-ɛ nɛ tìhwe̍ po̍ ka̍.”

Wlɛfeleseɔn 5:2

Wɛ̀ ǐn jě Nyɔsoa-a kmu-u ǐnchɔ̀, nɛ̀ ɛ̍ we̍le-e. Ɛ̍ la̍a̍, “Nyɔ̍ bo ɔ̀ nɛ slu̍ la wa̍ ka ɔ̀ iě chlǐh-dɛ̍-a gbo̍lo̍ la pɔ̀ni ɛ?”

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.