Wlɛfeleseɔn 4:10 - Ku̍o̍ Delee 1999

¹⁰ nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ laa̍ u̍h kèàɛ i̍ dǒ ɔ̀ tè-a i̍ dǒ nynɛ̌ gbalǎ kɛ̍n-ɛ jǔ, ɔ̀ se̍-a mɛ̌ la̍ kɔn-ɛ. Iě u̍h-a sà ɔ̍ wɛɛ. Wɛ̀ u̍h-a pɛ̌n-ɛ u̍h-a blawɛ̌ᵻ i̍ dǒ nynɛ̌ gbalǎ jǔ. Nɛ̀ u̍h la̍a̍,

Wlɛfeleseɔn 4:10 Iomraidhean Croise

Matio 2:11

Wɛ̀ u̍h pa̍ dě gbò. Iě u̍h jě jǔ-a chɛ̀ ke ɔ̍ de̍ Mɛle, wɛ̀ u̍h chlìi i̍ iě u̍h sà ɔ̍ wɛɛ. Wɛ̀ u̍h pɔ̀ni u̍h-a gbèèkǔᵻ, dě u̍h sà kòo̍ ke nɔ̌-dɛ̍ᵻ chɛ̀, ìh ke chò ke sùè-chlǎn wɔ̀ɛ-ɛa, iě u̍h nyǐ i̍h ɔ̍.

Pɔ̀n Chɛ̀ Luu To-a La 24:52

Wɛ̀ u̍h sà ɔ̍ wɛɛ, iě u̍h blě mɔna̍ dɔu nu̍-ɛ u̍h mu̍ dode̍ Juluslɛn.

1 Kɔwlɛntiɔn 15:10

Jɛ Nyɔsoa-a blɛ bo ɛ̀ nu̍ ɛ̍ wɛ̀ ǐn nɛ ka ǐn nɛ-a ka-ɛ. Sɔ ɔ̍ blɛ ɔ̍ nɛ-a dǒ ǐn we̍-ɛ, ɛ̍ se̍ bu̍ɛ̍i̍ nu̍. Iěe, ǐn nu̍ dbo̍ kaa̍ ɛ̍ sìì gba̍tòà kli̍hgbɛ̍. Ɛ̍ se̍ ǎn chɛ̀ ɔ̀ se̍ dbo̍ nu̍, jɛ Nyɔsoa-a blɛ ɔ̍ nɛ-a dǒ ǐn we̍-ɛ bo ɛ̀ nu̍ ɛ̍.

Wlɛfeleseɔn 10:6

Iě ɛ̍ slɛ̀ɛ̀n dǒ Nyɔsoa-a nynɛ̌ kɛ̍n, ɔ̀ se̍-a mɛ̌ la̍ kɔn ɔ̀ nu̍-a ja̍i̍wlɔ̀ ke, bloa̍ ke, jbǒ ke dɛ̍ᵻ kli̍hgbɛ̍ nɛ-a i̍h kɛ̍n i̍-ɛ. Ǐnchɔ̀ la̍a̍, “Tlɛ̀n-ɛ se̍ nɛ mu̍ dɛ.

Wlɛfeleseɔn 11:16

Wɛ̀ nyɔ̍ klaaᵻá kwela sɔɔ̌n jɔ̌ nyìɛ̍ ùh tè-a i̍ dǒ u̍h-a nynɛ̌ gbalǎᵻ kɛ̍n dǒ Nyɔsoa jǔ-ɛ, iě u̍h kèàɛ i̍ u̍h sà ɔ̍ wɛɛ.

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 15:7

Wɛ̀ kmɔ̌ nɛ dɛ̍ᵻ nyìɛ̍ laa̍ i̍h-a due nyǐ ǐnchɔ̀ mɛ̀sɔɔ̌n laa̍ kòo̍ boo̍ᵻ mɛ̀sɔɔ̌n, nɛ̀ i̍h jǐ-i dǒ Nyɔsoa ɔ̀ se̍-a mɛ̌ la̍ kɔn-ɛ ɔ̍ jlu̍h we̍.

Wlɛfeleseɔn 19:4

Iě nyɔ̍ klaaᵻá kwela sɔɔ̌n jɔ̌ nyìɛ̍ ke kmɔ̌ nɛ dɛ̍ᵻ nyìɛ̍ laa̍ kèàɛ i̍ dǒ Nyɔsoa ɔ̀ tè-a i̍ dǒ ɔ̍ nynɛ̌ gbalǎ kɛ̍n-ɛ jǔ, iě u̍h sà ɔ̍ wɛɛ. U̍h la̍a̍, “Kǎ ɛ̍-ɛ nɛ, mɔ̀ po̍ Nyɔsoa tìhwe̍.”

Wlɛfeleseɔn 4:2

Dǒ tàdùè la̍-a sɔ nɛ Nyɔsoa-a Sùù jǐi ǐn i̍, iě ǐn jě nynɛ̌ gbalǎ dě ja̍i̍wlɔ̀. Nɛ̀ nyɔ̍ tè dǒ ɛ̍ kɛ̍n i̍.

Wlɛfeleseɔn 4:4

Nynɛ̌ gbalǎ laa̍, nynɛ̌ gbalǎᵻá kwela sɔɔ̌n jɔ̌ nyìɛ̍ (24) bo ìh dlɛ̌ ɛ̍. Nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ bo ùh tìèe̍ i̍h di̍i̍ i̍. Nɛ̀ u̍h pa̍ jlii̍ plǔᵻ i̍, iě u̍h tèè kòo̍-a blawɛ̌ᵻ.

Wlɛfeleseɔn 4:9

Nyɔ̍ ɔ̀ tè-a i̍ dǒ nynɛ̌ gbalǎ kɛ̍n ɔ̀ se̍-a mɛ̌ la̍ kɔn-ɛ, pò kmɔ̌ nɛ dɛ̍ᵻ laa̍ i̍h ble̍ ɔ̍ tìh-a i̍ bɛ̌-ɛ ke ja̍ tè duǐh wɛ̀ i̍h iě ɔ̍ tlɔ̌ po̍-ɛ,

Wlɛfeleseɔn 5:14

Wɛ̀ kmɔ̌ nɛ dɛ̍ᵻ nyìɛ̍ laa̍ i̍h la̍a̍, “Kǎ ɛ̍-ɛ nɛ.” Wɛ̀ nyɔ̍ klaaᵻ laa̍ u̍h kèàɛ i̍ iě u̍h sà Nyɔsoa wɛɛ.

Wlɛfeleseɔn 5:8

Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.

Wlɛfeleseɔn 7:11

Iě Nyɔsoa-a ǐnchɔ̀ kli̍hgbɛ̍ dlɛ̌ nynɛ̌ gbalǎ ke, nyɔ̍ klaaᵻ ke kmɔ̌ nɛ dɛ̍ᵻ nyìɛ̍ laa̍. Wɛ̀ u̍h kèàɛ i̍ dǒ nynɛ̌ gbalǎ jǔ iě u̍h sà Nyɔsoa wɛɛ.