Wlɛfeleseɔn 4:1 - Ku̍o̍ Delee 1999

¹ Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě gbò wɔ̍n dě ja̍i̍wlɔ̀, nɛ̀ ɛ̍ flɔn wɔ̍n ba̍a̍. Wɛ̀ wlu̍ ɛ̀ ke dɔ̍gbɛ̍-a wlu̍ wɔ̀ɛ-a ǐn wɔ̌n-a sàì-ɛ, ɛ̍ la̍a̍ dě ǐn we̍ dɛ, “Ji̍ nɔ̌ ja̍i̍ nɔ̍ɔ̀, wɛ̀ iě ìn dɛ̍ ɛ̀ kɔn ɛ̀ iě-a nɛ dě nya̍-ɛ toe.”

Wlɛfeleseɔn 4:1 Iomraidhean Croise

Matio 3:16

Ti̍ Chɔɔn wɔ̀-a Jusu nǐ dlǔ po̍-ɛɛ, Jusu naɛ àn jǎ dǒ tlu̍h kɛ̍n ka-a, sɔ ja̍u̍n pɔ̀ni wɔ̍i̍n dǒ ɔ̍ we̍ sǔh, iě ɔ̍ jě Nyɔsoa-a Sùù-a ji̍ wlù dǒ ɔ̍ we̍ ka gbɔ̀lǐh-a ji̍ gbǎ la̍-ɛ.

Pɔ̀n Chɛ̀ Maɛ To-a La 1:10

Ɔ̍ naɛ àn sɔ dǒ niɔ̍ ka-ɛ, ɔ̍ jě ja̍u̍n ɛ̍ pɔ̀ni wɔ̍i̍n, wɛ̀ Sùù-a ji̍ wlù dǒ ɔ̍ we̍ ka gbɔ̀lǐh-ɛ.

Pɔ̀n Chɛ̀ Luu To-a La 3:21

Nyɔ̍ kli̍hgbɛ̍ wɔ̀-a nǐ dlǔ po̍-ɛ, wɛ̀ Jusu po̍ nǐ dlǔ ke. Ɔ̍ nɛ dǒ ba̍le la̍ wɛ̀ ja̍u̍n pɔ̀ni wɔ̍i̍n.

Chɔɔn 16:13

Jɛ ti̍ Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ ɛ̍ mu̍-a ji̍-ɛ, nɛ̀ ɛ̍ mu̍ ɛ̍ nu̍ mɔ̀ iě tìh-a taǐn kli̍hgbɛ̍ juo. Ɛ̍ se̍ dǒ ɛ̍ chɛ̀-ɛ sɔ̍n kɛ̍n wlu-i mu̍. Jɛ dɛ̍ ɛ̍ wɔ̌n-aɛ bo ɛ̍ mu̍ wlu, wɛ̀ ɛ̍ iě mɔ̀ dɛ̍ᵻ ìh-a mu̍-a nɛ dě nya̍-ɛ wlùh sèàɛ̍.

Nu̍-dɛ̍ᵻ 10:11

Wɛ̀ ɔ̍ jě ja̍u̍n ɛ̍ pɔ̀ni wɔ̍i̍n, iě dɛ̍ wɔ̀ jliɛ̍ klaa ɛ̍ sɔ dě ja̍u̍n di̍i̍. Nɛ̀ ɛ̍ wɔ̍nᵻ gbaᵻ nɛ-a nyìɛ̍-ɛ, i̍h gbɛ̍n-ɛ ɛ̍ i̍ iě ɛ̍ tlìh ɛ̍ ji̍ nɔ̌ bloɔ̍.

Nu̍-dɛ̍ᵻ 7:56

Iě Slifɛn la̍a̍, “Mɔ̀ gbɛ̀n-e, ǐn jě ja̍u̍n ɛ̍ pɔ̀ni wɔ̍i̍n, Nyi̍ɔ̍-a Jǔ nyna i̍ dǒ Nyɔsoa-a di̍na̍ we̍.”

Wlɛfeleseɔn 1:10

Nyɔsoa-a Sùù jǐi ǐn i̍ dǒ Joi-a fɔ-weɛ̍ di̍i̍ wɛ̀ ǐn wɔ̌n wǐi wlu̍ dǒ ǐn de̍e̍ ka dɔ̍gbɛ̍-a wlu̍-ɛ.

Wlɛfeleseɔn 1:12

Wɛ̀ ǐn bǐi kwa̍ iě nyɔ̍ ɔ̀ wlu-a dě ǐn we̍-ɛ jě. Dǒ ǐn jě-e chlǎn nape̍-a kɛ̍n tè dɛ̍ᵻ mɛ̀sɔɔ̌n, nɛ̀ i̍h nu̍ kòo̍.

Wlɛfeleseɔn 1:19

Kaka la̍ dɛ̍ ìn jě-aɛ, chlǐh ɛ̍. Nɛ̀ ìn chlǐh dɛ̍ᵻ jih nɛ-aɛ ke jih-a mu̍-a nɛ dě nya̍-ɛ.

Wlɛfeleseɔn 11:12

Wɛ̀ tu̍owli po̍ nyɔ̍ sɔɔ̌n laa̍ u̍h wɔ̌n we̍le wlu̍, ɛ̍ sɔ dě ja̍i̍wlɔ̀. Ɛ̍ la̍a̍, “Mɔ̀ ji̍ nɔ̌ ja̍i̍ nɔ̍ɔ̀.” Wɛ̀ u̍h-a nyɛ̌-nyɔ̍-a gbɛ̀n u̍h ja̍ u̍h-a mu̍ dě ja̍i̍wlɔ̀ dě nǐgban di̍i̍.

Wlɛfeleseɔn 11:19

Wɛ̀ Nyɔsoa-a slaǎ sà gbò nɛ-a dě ja̍i̍wlɔ̀-ɛ pɔ̀ni wɔ̍n, iě ɔ̍ Ku̍o̍ Gblòùn jě-eɛ dě ɛ̍ di̍i̍. Wɛ̀ nǐ-a chlɛ jlǐh, iě slɛ̀-a wlu, tɛ̀n-a plǎn-ɛ i̍, wlù poɔ-a ji̍, iě kwa̍ ku̍ seɔn gbo̍ᵻ wlǎ.

Wlɛfeleseɔn 16:17

Wɛ̀ ǐnchɔ̀-a mɛ̀sɔɔ̌n naɛ chɛ̌li ɛ̍ boo̍ dě ja̍i̍. Iě we̍le wlu̍ sɔ dě nynɛ̌ gbalǎ we̍ dě slaǎ sà gbò sɔ̀n. Ɛ̍ la̍a̍, “Ɛ̍ wɛ̀ i̍ wɛ̀.”

Wlɛfeleseɔn 19:11

Wɛ̀ ǐn jě ja̍i̍wlɔ̀ ɛ̍ pɔ̀ni wɔ̍n, iě soo̍bli plǔ nɛ deě. Ɔ̀ tè-a dǒ ɛ̍ kɛ̍n i̍-ɛ, ɔ̍ nynɛ̌ nu̍ Wlùh Gbaɛ ke Gblangbai̍ Nyɔ̍. Ɔ̍ nyɔ̍ kɛ̀n sà-a ke ɔ̍ tu̍h fɔ̀n-ɛ slɛ̌ i̍.

Wlɛfeleseɔn 22:6

Wɛ̀ ǐnchɔ̀ la̍a̍ dě ǐn we̍, “Wlu̍ la i̍h nu̍ gblangbai̍ ke wlì tè dɛ̍. Joi Nyɔsoa ɔ̀ nyǐ-a ɔ̍ tu̍owli po̍ nyɔ̍ ɔ̍ Sùù-ɛ, ɔ̍ bo ɔ̀ dbo̍ ɔ̍ ǐnchɔ̀ ɛ̍ iě ɔ̍ pòi̍nynuu̍ dɛ̍ ɛ̀ mu̍-a nɛ suei̍-ɛ toe.”