Wlɛfeleseɔn 3:8 - Ku̍o̍ Delee 1999

⁸ Ǐn juo mɔ̀-a nu̍-dɛ̍ᵻ. Ǐn juo ka mɔ̀ blě-a gbǐh-a dɛ̍wɛ-ɛ, jɛ mɔ̀ wɔ̀ dǒ ǎn nǎ po̍ wlu̍ de̍e̍, iě mɔ̀ se̍ mɔ̀-a wlùh gbaɛ i̍ tǎli. Ǐn flɔn-ɛ gbò wɔ̍n wɛ̀ dǒ mɔ̀ jǔ, ɛ̀ nyɔ̍ dɔɔ se̍-a ka̍n-a bɛ̌ɛ-ɛ.

Wlɛfeleseɔn 3:8 Iomraidhean Croise

Pɔ̀n Chɛ̀ Luu To-a La 12:9

Jɛ nyɔ̍ ɔ̀ mu̍-a jlǔh nyna wɛ̀ ɔ̀ iě-a ǐn chla tba̍-ɛ, nɛ̀ Nyi̍ɔ̍-a Jǔ-a mu̍ jlǔh nyna ke dǒ Nyɔsoa-a ǐnchɔ̀ jǔ wɛ̀ ɔ̍ iě ɔ̍ chla tba̍.

Chɔɔn 15:20

Dɛ̍ ǐn sà-a dě mɔ̀ we̍-ɛ, ɛ̍ bo mɔ̀ iě wlùh we̍ nu̍. Na̍a̍, ‘Pòi̍ju-u ku̍ wɔ̍n ɔ̍-ɔ sìì ɔ̍ dlǔtu.’ Ka u̍h jě-ea ǐn klě-ɛ, nɛ̀ u̍h-a mu̍ mɔ̀ klě jě-e ke. Ka u̍h nu̍-a ǎn wlu̍-ɛ, nɛ̀ kǎ u̍h-a mu̍ mɔ̀-a wlu̍ nu̍ ke.

Chɔɔn 17:6

“Nyɔ̍ ìn sà-a kmɔ̌ ìn nyǐ-a m-ɛ, ǐn nu̍ ɛ̍ iě u̍h juo m̀ wɛ̀. U̍hɔ̍ɔ̍ àn nyɔ̍, iě ìn nyǐ u̍h m, wɛ̀ u̍h nu̍ àn wlu̍.

Nu̍-dɛ̍ᵻ 14:27

U̍h nyni̍-a Antiɔ-ɛ, iě u̍h po̍ chɔchi̍h kli̍hgbɛ̍ tàdùè. Dɛ̍ᵻ Nyɔsoa nu̍-a dě u̍h ja̍a̍-ɛ, iě u̍h po̍ i̍h-a kunǎ kli̍hgbɛ̍. Ɛ̍ ke ka ɔ̍ pɔ̀ni-a wìè wɛ̀ ke dǒ ùh se̍-a Juu nyɔ̍-ɛ we̍ u̍h iě-a ɔ̍ wlùh gbaɛ-ɛ.

1 Kɔwlɛntiɔn 16:9

Ǐn jě flɔn la̍ wɛ̀ iě dbo̍ ɛ̀ mu̍-a dɛ̍ i̍ sǐ-ɛ nu̍, jɛ ǎn nyɛ̌-nyɔ̍ tìè i̍.

2 Kɔwlɛntiɔn 2:12

Ti̍ ǐn ji̍-a dǒ Tloa wlɔ̀ di̍i̍ iě-a pɔ̀n chɛ̀ ɛ̀ kɔ̍-a dǒ Klai pùn i̍-ɛ bla̍-ɛ, Joi pɔ̀ni ǎn wìè iě-e ɔ̍ dbo̍ nui.

Felepai 4:13

Ǐn bɛ̌ɛ dɛ̍ᵻ kli̍hgbɛ̍ nu̍-ɛ dǒ gbǐh Klai nyǐ-a m-ɛ we̍.

Kalase 4:3

Nɛ̀ mɔ̀ ba̍le dǒ à tàà ke, wɛ̀ Nyɔsoa iě wìè wɔ̍n flɔn-ɛ dǒ tu̍owli à mu̍-a po̍-ɛ we̍. Wɛ̀ à iě sìle dɛ̍ ɛ̀ tba̍-a dǒ Klai pùn i̍-ɛ bla̍. Sìle dɛ̍ la ɛ̍ bla̍-a tìh bo ǐn nɛ nɔ̌ kasoo.

1 Timote 5:8

Nàa̍, pò nyɔ̍-o-nyɔ̍ se̍ ɔ̍ wloa̍ nyɔ̍-a tìh jlǐhɛ̍ tù-ɛ, ɔ̍ chɛ̌ bo ǎn dǎ gbòǒ, nɛ̀ wlùh gbaɛ bo ɔ̍ tba̍ chla. Wɛ̀ ɔ̍ nu̍ gblɛ̍n sɔ̀ɛ̀n-a gblìmia dǒ se̍ Nyɔsoa juo nyɔ̍ kɛ̍n.

2 Timote 4:7

Ǐn fɔ̀n fɔ̀n-ɛa chɛ̀ naɛ wɛ̀. Ǐn wɔ̀ dlǔᵻ wɔ̍i̍n blaɛ-ɛ wɛ̀, iě ǐn se̍ wlùh gbaɛ i̍ sɔ.

Judi 1:4

Nyɔ̍ duuh ùh kɔn kɛ̀n sà tìh chlǐh-a dě Nyɔsoa-a wlu̍ di̍i̍ tɛin-ɛ, u̍h gbǎ mɔ̀ nynɛ̌ soɛɛ. U̍h se̍ Nyɔsoa dɛ-ɛ nɛ, ɛ̍ kɔn u̍h-a bǐi blɛ Nyɔsoa nyǐ-a àɔ̀-ɛ kwa̍ i̍, wɛ̀ u̍h iě ɛ̍ se̍i̍kɔɛn nui. Wɛ̀ Jusu Klai ɔ̀ nɛ due nu̍-a à Joi ke à Dlǔtu-ɛ, iě u̍h tba̍ ɔ̍ chla.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:2

Ǐn juo mɔ̀-a nu̍-dɛ̍ᵻ ke mɔ̀-a kmu-u dbo̍ nu̍-ɛ ke wlùh i̍ gbɛ̍n-ɛ. Ǐn juo ka mɔ̀ faɛn-a dɛ̍ᵻ sɔ̀nᵻ nyɔ̍-ɛ. Mɔ̀ tɛ̀n nyɔ̍ ùh-a dǎɛ-a u̍h-a chɛ̀ Klai-a gba̍tòà jɛ nɛ̀ ɛ̍ se̍-a u̍h mɔ-ɛ. Wɛ̀ mɔ̀ juo u̍h-a si̍h tmɔ̌ tìh. Ǐn ju̍o̍e i̍h we̍ i̍ kli̍hgbɛ̍.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”

Wlɛfeleseɔn 3:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Sade wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a sùù mɛ̀sɔɔ̌n ìh-a dbee-a Nyɔsoa jǔ-ɛ ke chǔhtlɛ̀n mɛ̀sɔɔ̌n-ɛ we̍. Ǐn juo mɔ̀-a nu̍-dɛ̍ᵻ. Mɔ̀ wɔ̀ kmɔ̌ nɛ nyɔ̍, jɛ mɔ̀ mɛ̌-ɛ.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.

Wlɛfeleseɔn 3:15

Ǐn juo mɔ̀-a nu̍-dɛ̍ᵻ. Mɔ̀ se̍ seɔn nɛ iě mɔ̀ wɔ̍ se̍ jlo̍jlo̍ nɛ ke. Ǎn pɔ̀n mɔ̀ iě fɔ̌ due kɛ̍n gbǎ, jɛ mɔ̀ bɔ̌ dǒ wèa̍ nɛ-ɛ.

Wlɛfeleseɔn 3:7

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Feledɛɛfia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la nyɔ̍ ɔ̀ wɛ̀-a nɛi̍ ɔ̀ nu̍-a gblangbai̍ nyɔ̍-ɛ, dě ɔ̍ we̍ ɛ̍ sɔ-ɔ. Ɔ̍ blě Depe-a kɔɛ̍n. Ɔ̍ pɔ̀ni gbò wɔ̍i̍n-ɛ, nɛ̀ nyɔ̍ se̍ ɛ̍ wɔ̍i̍n ka̍n-a bɛ̌ɛ, iě pò ɔ̍ ka̍n ɛ̍ wɔ̍i̍n-ɛ, nɛ̀ nyɔ̍ se̍ ɛ̍ pɔ̀ni-ɛ bɛ̌ɛ.