Wlɛfeleseɔn 3:4 - Ku̍o̍ Delee 1999

⁴ Jɛ mɔ̀-a gbɔ̍ nɛ-a dǒ Sade-ɛ, u̍h-u se̍a gblɛ̍n sɔ̀ɛ̀n nu̍. U̍h-a mu̍ jlii̍ plǔᵻ pa̍, wɛ̀ u̍h ke ǐn ke à iě na. Dɛ̍nu̍ɛ, u̍h nɛ ɛ̍ ka̍.

Wlɛfeleseɔn 3:4 Iomraidhean Croise

Matio 10:11

“Pò mɔ̀ sǐ dǒ wlɔ̀ jɛ di̍i̍ i̍-ɛ, nɛ̀ mɔ̀ pɔ̀n nyɔ̍ chɛ̀ i̍ mɔ̀ iě ɔ̍ blǐ koe te̍e̍ wɛ̀ mɔ̀ iě dǒ wlɔ̀ laa̍ di̍i̍ sɔ.

Pɔ̀n Chɛ̀ Maɛ To-a La 16:5

Wɛ̀ u̍h pa̍ deě, dě u̍h jě-e jǔgbèlà due nɛ̀ ɔ̍ tè i̍ dǒ ɛ̍ di̍na̍ fɔ̌ we̍. Ɔ̍ pa̍ plɛ̀i̍ plǔ-u. Sɔ ɛ̍ tlɛ̍-ɛ u̍h-a ku̍.

Pɔ̀n Chɛ̀ Luu To-a La 20:35

Jɛ nyɔ̍ ùh-a mu̍-ae wlǔh wɛ̀ u̍h iě-a dě kmɔ̌ jɛ mu̍-a ji̍-ɛ di̍i̍ nɛ-ɛ, u̍h bo Nyɔsoa slè-e nyɔ̍ chɛ̀. U̍h nɔ̀ɔ̍, u̍h se̍ blǐ tǐn-i mu̍.

Pɔ̀n Chɛ̀ Luu To-a La 21:36

Mɔ̀ nu̍ nɛnɛ̌ ti̍ kli̍hgbɛ̍ we̍. Mɔ̀ ba̍le wɛ̀ mɔ̀ iě gbǐh blě, nɛ̀ mɔ̀-a mu̍ ìh kli̍hgbɛ̍ la ìh-a mu̍-a nɛ-ɛ wɔ̍i̍n wa̍n. Wɛ̀ mɔ̀ iě dǒ Nyi̍ɔ̍-a Jǔ jǔ i̍ nyna-a bɛ̌ɛ.”

Nu̍-dɛ̍ᵻ 1:15

Ɛ̍ bo u̍h nu̍ dǒ wǐh gbɔ̍ di̍i̍, iě Pitɛ nyna i̍ dě u̍h nynɛ̌ ɔ̍ iě wlu. Nyɔ̍ ùh gbèɛ̀ɛn-a dǒ tà-a chɛ̀-ɛ, u̍h wɛ̀ kmɛ due kwela sɔɔ̌n (120) nu̍-ɛ.

2 Tɛsoloniɔn 1:5

Ìh kli̍hgbɛ̍ la i̍h-a flɔn-ɛ ɛ̍ we̍i̍ ka Nyɔsoa-a pa̍-a i̍ slɛ̌-ɛ taɔ-ɛ. Ɔ̍ nu̍ ɛ̍-ɛ, wɛ̀ mɔ̀ iě ɔ̍ kmɔ̌ wlu̍ i̍ kɔn-ɛ di̍i̍ mu̍ ka̍ nɛ, ɛ̀ kɔn tìh mɔ̀-a sàɛ̀-a jua̍i̍-ɛ.

Judi 1:23

Mɔ̀ flǎ nyɔ̍ duuh dě nɛ̍-ɛ, u̍h iě pǔh. Nɛ̀ mɔ̀ blě wɔɛ wlùh dǒ duuh we̍, jɛ nɛ̀ kǎ mɔ̀-a ple̍ faɔn o. U̍h-a jlii̍-a chɛ̀ ìh u̍h-a gblɛ̍n sɔ̀ɛ̀n nui-a flɛ̀n-ɛ, mɔ̀ ple̍ i̍h jǔ o.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 11:13

Dǒ ti̍-a taǐn laa̍ di̍i̍-ɛ, wɛ̀ wlù poɔ klaa ji̍. Iě tùgbàwlɔ̀ laa̍ ɛ̍ fɔ̌ᵻ pùè ɛ̍ blě-aɛ, wɛ̀ i̍h-a fɔ̌ due wlǎ. Wɛ̀ nyɔ̍-a wlǔ mɛ̀sɔɔ̌n (7,000) mɛ̌ dǒ wlù poɔ laa̍ we̍. Nyɔ̍ juh tàn-oɛ, u̍h gbǎ faɔn kaa̍ iě u̍h bɛ̌-ɛ Nyɔsoa-a nynɛ̌ i̍ ɔ̀ nɛ-a dě ja̍i̍wlɔ̀-ɛ.

Wlɛfeleseɔn 14:4

Nyɔ̍ ùh se̍-a nynɔ̌ àe̍e̍ jɔ̍gbau dɛ̍ i̍ juo iě u̍h nmɔ-a dě Nyɔsoa jlǐh i̍-ɛ, u̍hɔ̍ɔ̍ bo ùh wɔ̀ dǒ Blawɛ̌ Jǔ de̍e̍ tà-o-tà ɔ̍ mu̍-aɛ. U̍h pùhbɔ-ɛ kɛ̍ɛ̍n wɛ̀ dě nyɔ̍ɔ nynɛ̌, iě u̍h tè-ɛ pɔ̌ dǒ Nyɔsoa ke Blawɛ̌ Jǔ we̍ sàǐtòò.

Wlɛfeleseɔn 19:14

Wɛ̀ ja̍i̍wlɔ̀-a fledlǔ dɔu wɔ̀ dǒ ɔ̍ de̍e̍. U̍h pa̍ flɛmɛ̍ plǔᵻ wlihwlǐh-i, nɛ̀ u̍h-a naɛ soo̍bliᵻ plǔᵻ kɛ̍n.

Wlɛfeleseɔn 19:8

Ɔ̍ nyǐ-ɛ flɛmɛ̍ wlihwlǐh ɛ̀ fa̍n-aɛ wɛ̀ ɔ̍ iě-e pa̍.” Dɛ̍nu̍ɛ, flɛmɛ̍ bo ɛ̀ nu̍ Nyɔsoa nyɔ̍-a nu̍-dɛ̍ᵻ ìh slɛ̌-a i̍-ɛ.

Wlɛfeleseɔn 3:18

Ɛ̍ tìh-ɛ, ǎn tù mɔ̀ slɛ̌n mɔ̀ iě kòo̍ wlihwlǐh tɛ̀n nɔ̌ ǐn we̍, wɛ̀ mɔ̀ iě pàn. Mɔ̀ tɛ̀n jlii̍ plǔᵻ ke mɔ̀ iě-e pa̍. Wɛ̀ mɔ̀ iě dɛ̍ jǔ wlǎ, tɛ̀n-ɛ je̍e mɔ̀ nu̍. Mɔ̀ tɛ̀n kwɛ̍i̍n mɔ̀ iě jlǐh i̍ po̍, wɛ̀ mɔ̀ iě i̍ jě.

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.

Wlɛfeleseɔn 4:4

Nynɛ̌ gbalǎ laa̍, nynɛ̌ gbalǎᵻá kwela sɔɔ̌n jɔ̌ nyìɛ̍ (24) bo ìh dlɛ̌ ɛ̍. Nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ bo ùh tìèe̍ i̍h di̍i̍ i̍. Nɛ̀ u̍h pa̍ jlii̍ plǔᵻ i̍, iě u̍h tèè kòo̍-a blawɛ̌ᵻ.

Wlɛfeleseɔn 6:11

Nɛ̀ jɔ-ɛ ɔ̍ nyǐ-ɛ plɛ̀i̍ plǔ. Iě u̍h sèàɛ̍-ɛ wlùh u̍h iě fɔ ke̍ te̍e̍, wɛ̀ ka u̍h nu̍-a dbǎ-ɛɛ iě u̍h ba̍ᵻ pòi̍nynuu̍ ke de̍di̍i̍ᵻ ùh-a mu̍-a dbǎ-ɛ ke-ɛ, wɛ̀ u̍h-a tìɛ̀n iě tba̍.

Wlɛfeleseɔn 7:9

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě nyɔ̍ tlùgbei̍ ùh nyɔ̍ se̍-a slè-ɛ bɛ̌ɛ-ɛ. U̍h sɔ dě dakɔ̍ kli̍hgbɛ̍ ke chɛ̌tu kli̍hgbɛ̍ ke bloa̍ kli̍hgbɛ̍ di̍i̍ i̍. Nɛ̀ u̍h nyna-ɛ i̍ dǒ nynɛ̌ gbalǎ ke Blawɛ̌ Jǔ jǔ. Nɛ̀ u̍h pa̍ plɛ̀i̍ plǔᵻ i̍, iě u̍h blě ju̍hᵻ wlɔ̍nᵻ kwa̍ i̍.