Wlɛfeleseɔn 3:3 - Ku̍o̍ Delee 1999

³ Dɛ̍ᵻ ǐn poe-a mɔ̀ nǎ wɛ̀ mɔ̀ cheǎn-aɛ, mɔ̀ nu̍ i̍h wlùh we̍. Nɛ̀ mɔ̀ jě i̍h dɛ̍ɛ̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe. Jɛ pò mɔ̀ se̍ bloɔ̍ sɔ mu̍-ɛ, nɛ̀ ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Nɛ̀ mɔ̀ se̍ ti̍ ǎn mu̍-a ja-ɛ juo mu̍.

Wlɛfeleseɔn 3:3 Iomraidhean Croise

Matio 25:13

“Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, dɛ̍nu̍ɛ, mɔ̀ se̍ weɛ̍ ke ti̍ Joi-a mu̍-a ja-ɛ juo.”

Pɔ̀n Chɛ̀ Maɛ To-a La 13:33

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, mɔ̀ sà nyinɔ̍ jlǐh i̍, dɛ̍nu̍ɛ, mɔ̀ se̍ ti̍ ti̍-a mu̍-a nyni̍-ɛ juo.

Pɔ̀n Chɛ̀ Maɛ To-a La 13:36

Pò ɔ̍ kèè mɔ̀ kɛ̍n-ɛ, wɛ̀ ɔ̍-ɔ je̍e mɔ̀ nyinɔ̍ i̍ jɛɛ o.

1 Tɛsoloniɔn 5:2

Dɛ̍nu̍ɛ, mɔ̀-a chɛ̀ juo ɛ̍ gbàkla̍a̍, ka jlǐ-nyɔ̍-a nu̍-a ji̍-ɛ maɔ̍-ɛ, kǎ Joi-a ji̍-i weɛ̍-a mu̍ nɛ ke.

1 Timote 6:20

Timote, dɛ̍ Nyɔsoa po̍-a dě ìn kwa̍a̍-ɛ, nu̍ ɛ̍ sɛ̍sɛ̍. Pàɔ̀n tmɔ̌-ɛ ɛ̀ se̍-a Nyɔsoa dɛ i̍ bǎ-ɛ, sà ɛ̍ sɔ̍n di̍i̍. U̍h-a tie̍u̍n sɔ̀ìn laa̍ u̍h-a dǎɛ-a tɔɔ-ɛ, sà i̍h sɔ̍n di̍i̍.

2 Timote 1:13

Ǎn nyɔ̍ nǎ po̍ wlu̍ ɛ̀ slɛ̌-a i̍ ìn wɔ̌n-a ǐn wɔ̍ɔ̍n-ɛ, dǒ ɛ̍ blaiɛ̍ de̍e̍ ìè wɔ̀. Nu̍ ɛ̍ dě wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ di̍i̍.

Iblu 2:1

Nɛ̀ɛ̍, dɛ̍ à wɔ̌n-aɛ, mɔ̀ à gbɛ̍n-ɛ ɛ̍ sɔ̍nᵻ sɔɔ̌n i̍ wɛ̀ à-a je̍e tàmlain gbǎ-ɛ.

2 Pitɛ 1:13

Ǐn juo ɛ̍-ɛ, ɛ̍ slɛ̌ i̍ iě mɔ̀ tìh la wlì i̍ sǐi ka ǐn tè-a kmɔ̌ i̍ ke̍-ɛ.

2 Pitɛ 3:1

Ǎn tìh kma nyɔ̍, chlǐh-dɛ̍ᵻá sɔɔ̌n naɛ la ǎn chlǐh-a mɔ̀ we̍. Ǎn sǐi mɔ̀ tìh wlì i̍ dě i̍h nɛ-a sɔɔ̌n-ɛ di̍i̍, wɛ̀ mɔ̀ iě dɛ̍ᵻ chɛ̀ wlùh i̍ naɛ dǒ mɔ̀ wlùh kɛ̍n.

2 Pitɛ 3:10

Jɛ Joi-a ji̍-i weɛ̍ ke jlǐ-nyɔ̍-a dě gbò pa̍-a mu̍ wɔ̀ɛ. Dǒ weɛ̍ laa̍ di̍i̍-ɛ, ja̍u̍n-a tìh-a i̍ wɛ̀-ɛa mu̍ dě slɛ̀-ɛ jii. Nɛ̀ ɛ̍ we̍ na dɛ̍ᵻá mu̍ si̍n, wɛ̀ i̍h iě-e gbɔ̀lɔ-ɛ. Nɛ̀ blǔh ke ɛ̍ kɛ̍n i̍ na dɛ̍ᵻ kli̍hgbɛ̍-a mu̍ mǎ.

Wlɛfeleseɔn 16:15

Klai la̍a̍, “Ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Jɛ nyɔ̍ ɔ̀ mu̍-a nyinɔ̍ jlǐh i̍ ku̍ wɛ̀ ɔ̍ iě-a ɔ̍ pa̍-dɛ̍ jlǐhɛ̍ tù-ɛ, nɛ̀ ɔ̍ se̍ gbaǎn chɛn mu̍ tɛ̀n iě ɔ̍ nu̍, nɛ̀ ɔ̍ nmɔ i̍.”

Wlɛfeleseɔn 2:25

Jɛ tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n te̍e̍ wɛ̀ iě ji̍.

Wlɛfeleseɔn 2:5

Ka mɔ̀ nu̍-a tàmlain gbǎ-ɛɛ, ɛ̍-ɛ bo mɔ̀ iě wlùh we̍ nu̍. Mɔ̀ bǐi i̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, mɔ̀ iě ìh mɔ̀-a nu̍-a sàì-ɛ nu̍. Pò mɔ̀ se̍ la̍a̍n nu̍-ɛ, nɛ̀ ǎn mu̍ dě mɔ̀ we̍ ji̍ iě mɔ̀-a chlǎn nape̍-a kɛ̍n tè dɛ̍ tèla̍ sà.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”

Wlɛfeleseɔn 3:11

Ǎn mu̍ ji̍ suei̍. Tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n wɛ̀ nyɔ̍ dɔɔ je̍e mɔ̀-a blawɛ̌ mɔ̀ kwa̍a̍ sà.

Wlɛfeleseɔn 3:19

Nyɔ̍ ǐn jbɛɛ-aɛ u̍h bo ǎn gbɛ̍n kàn iě ǎn sà gblɛ̍n kwa̍ i̍. Ɛ̍ tìh-ɛ, mɔ̀-a wlùh nu̍ jàjà mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe.

Wlɛfeleseɔn 3:2

Mɔ̀ sɔ bloɔ̍ mɔ̀ iě dɛ̍ ɛ̀ sie-aoɛ gbǐh we̍ po̍ duedɛ wɛ̀ ɛ̍-ɛ je̍e mɛ̌. Dɛ̍nu̍ɛ, nɛ̌ se̍a mɔ̀-a nu̍-dɛ̍ᵻá gblɛ̍ja̍i̍ wɛ̀ naɛ jě dǒ ǎn Nyɔsoa jlǐhwai.