Wlɛfeleseɔn 3:15 - Ku̍o̍ Delee 1999

¹⁵ Ǐn juo mɔ̀-a nu̍-dɛ̍ᵻ. Mɔ̀ se̍ seɔn nɛ iě mɔ̀ wɔ̍ se̍ jlo̍jlo̍ nɛ ke. Ǎn pɔ̀n mɔ̀ iě fɔ̌ due kɛ̍n gbǎ, jɛ mɔ̀ bɔ̌ dǒ wèa̍ nɛ-ɛ.

Wlɛfeleseɔn 3:15 Iomraidhean Croise

Matio 10:37

“Nyɔ̍ jɔ ɔ̀ kma-a ɔ̍ de̍ ke ɔ̍ baa-a tìh wɛ̀ ɛ̍ sìì-a m̀-ɛ, nɛ̀ ɔ̍ se̍ i̍ blaɛ ɔ̍ iě ǎn kòà nu̍. Nɛ̀ nyɔ̍ jɔ ɔ̀ kma-a ɔ̍ jɔ̍gbau jǔ ke ɔ̍ nynɔ̌gbaɔ jǔ-a tìh wɛ̀ ɛ̍ sìì-a m̀-ɛ, nɛ̀ ɔ̍ se̍ i̍ blaɛ ɔ̍ iě ǎn kòà nu̍.

Matio 24:12

Ɛ̍ ti̍ laa̍ kà kɔn-ɛa kɛ̍n gbǎ tìh bo ɛ̀ mu̍ nyɔ̍ dɔu-a jbɛɛ seɔn po̍.

Matio 6:24

Ɔ̍ la̍a̍, “Mɔ̀-a chɛ̀ juo ɛ̍-ɛ, nyɔ̍ due se̍ dlǔtuᵻ sɔɔ̌n jǔ dbee-ɛ bɛ̌ɛ. Nɛ̀ ɔ̍ mu̍ due faɛn, wɛ̀ ɔ̍ iě due-e jbɛɛ. Nɛ̀ ɔ̍ mu̍ due we̍ fòè ɔ̍ iě-o due i̍ si̍e̍. Kǎ ɛ̍ nɛ, mɔ̀ se̍ wlǐ-i jbɛɛ-ɛ ke Nyɔsoa wɛɛ sà-a tàdùè nui-ɛ bɛ̌ɛ.

Wloma 12:11

Mɔ̀-a gbǐh bɔ̌ mɛ̌-ɛ, nɛ̀ mɔ̀ dbee Joi jǔ dǒ mɔ̀-a wlùh kli̍hgbɛ̍ we̍.

1 Kɔwlɛntiɔn 16:22

Pò nyɔ̍-o-nyɔ̍ se̍ Joi-i jbɛɛ-ɛ, nɛ̀ ɔ̍ mu̍ pǎ poe-ɛ. Ji̍ suei̍, à Joi.

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

Felepai 1:9

Ǎn ba̍le wlu̍ nu̍ mɔ̀-a jbɛɛ iě kɛ̍n i̍ gboǎɛ dě tɔɔ blě-ɛ ke dɛ̍ ɛ̀ slɛ̌-a i̍-ɛ juo-ɛ di̍i̍.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

Chiin 1:8

Dɛ̍nu̍ɛ, nɛ̀ wlùh sɔɔ̌n i̍ gbè-a nu̍ ɔ̍-ɛ, nɛ̀ ɔ̍ wlùh-u gbɛ̍n dɛ̍ due kɛ̍n i̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

Wlɛfeleseɔn 2:2

Ǐn juo mɔ̀-a nu̍-dɛ̍ᵻ ke mɔ̀-a kmu-u dbo̍ nu̍-ɛ ke wlùh i̍ gbɛ̍n-ɛ. Ǐn juo ka mɔ̀ faɛn-a dɛ̍ᵻ sɔ̀nᵻ nyɔ̍-ɛ. Mɔ̀ tɛ̀n nyɔ̍ ùh-a dǎɛ-a u̍h-a chɛ̀ Klai-a gba̍tòà jɛ nɛ̀ ɛ̍ se̍-a u̍h mɔ-ɛ. Wɛ̀ mɔ̀ juo u̍h-a si̍h tmɔ̌ tìh. Ǐn ju̍o̍e i̍h we̍ i̍ kli̍hgbɛ̍.

Wlɛfeleseɔn 2:4

Jɛ ɛ̀ la bo ɛ̀ nu̍ mɔ̀-a kɔ̌ɛ nynɛ̌ ǐn blě. Ka mɔ̀ nu̍-a ǐn jbɛɛ sàì-ɛ, ɛ̍ bo mɔ̀ sà sɔ̍n we̍.

Wlɛfeleseɔn 3:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Sade wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a sùù mɛ̀sɔɔ̌n ìh-a dbee-a Nyɔsoa jǔ-ɛ ke chǔhtlɛ̀n mɛ̀sɔɔ̌n-ɛ we̍. Ǐn juo mɔ̀-a nu̍-dɛ̍ᵻ. Mɔ̀ wɔ̀ kmɔ̌ nɛ nyɔ̍, jɛ mɔ̀ mɛ̌-ɛ.

Wlɛfeleseɔn 3:16

Ka mɔ̀ sɔ̀ìà mɔ̀ se̍-a seɔn nɛ iě mɔ̀ wɔ̍ se̍-a jlo̍jlo̍ nɛ-ɛ, ɛ̍ tìh-ɛ, ǎn mu̍ mɔ̀-a dɛ kwa̍ i̍ sà.