Wlɛfeleseɔn 3:12 - Ku̍o̍ Delee 1999

¹² Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.

Wlɛfeleseɔn 3:12 Iomraidhean Croise

Pɔ̀n Chɛ̀ Maɛ To-a La 12:16

Wɛ̀ u̍h ja ɔ̍ due, iě ɔ̍ la̍a̍, “Nyɔ̍ kɔn dlǔ ke nynɛ̌ bo ìh nɛ da̍a ɛ̍ kɛ̍n ɛ?” U̍h la̍a̍, “Bloa̍ Joi bo.”

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Ɛfɛsɔ 3:15

Ɔ̍-ɔ bo ɔ̀ nyǐ nyɔ̍ kli̍hgbɛ̍ nɛ-a dě ja̍i̍wlɔ̀-ɛ ke nɔ̌ bloɔ̍-ɛ feɛ.

Iblu 12:22

Jɛ mɔ̀ɔ̍ nɔ̀ɔ̍, mɔ̀ ji̍ nɔ̌ Saiɛn Tlu̍h kɛ̍n wɛ̀, ɛ̍ ke dǒ Juluslɛn jɛ nɛ-a dě ja̍i̍wlɔ̀-ɛ di̍i̍ ke, ɛ̀ nu̍-a kmɔ̌ nɛ Nyɔsoa-a tùgbàwlɔ̀-ɛ. Dě ɛ̍ di̍i̍ bo ɔ̍ ǐnchɔ̀ ìh-a nmɔ-aɛ, i̍h-a wlǔ-a wlǔ nɛ.

Iblu 13:14

Dɛ̍nu̍ɛ, nɔ̌ bloɔ̍ la à se̍ tùgbàwlɔ̀ ɛ̀ se̍-a wa̍ la̍ kɔn-ɛ blě, jɛ tùgbàwlɔ̀ jɛ mu̍-a ji̍-ɛ, ɛ̍ bo à pɔ̀n à iě kɔn.

1 Chɔɔn 4:4

Ǎn nynuu̍, mɔ̀ɔ̍ nɔ̀ɔ̍, mɔ̀ sɔ dě Nyɔsoa we̍, iě mɔ̀ sà tu̍owli po̍ nyɔ̍-a si̍h naɛ klà. Dɛ̍nu̍ɛ, Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ɛ̍ gbǐh ku̍ wɔ̍n ɛ̍ sìì Nyɔ̍ Sɔ̀n jɔ nɛ-a nɔ̌ kmɔ̌ we̍-ɛ.

Wlɛfeleseɔn 14:1

Wɛ̀ ǐn gbɛ̀n-e, iě ǐn jě Blawɛ̌ Jǔ, nɛ̀ ɔ̍ nyna i̍ dǒ Saiɛn Tlu̍h kɛ̍n. Ɔ̍ ke nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) nyna i̍, ùh kɔn jua̍i̍ ɔ̍ ke ɔ̍ Baa-a nynɛ̌ chlǐh-aɛ.

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 2:11

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ mɛ̌ɛ-a sɔɔ̌n naɛ se̍ ɔ̍ dɛ̍ nui mu̍.”

Wlɛfeleseɔn 2:17

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ di̍-dɛ̍ᵻ u̍h-a dǎɛ-a mana ìh sìle-aɛ, ǎn mu̍ ɔ̍ diih nyǐ. Nɛ̀ ǎn mu̍ ɔ̍ sɔɔ̌ gbo̍ plǔ nyǐ, nynɛ̌ delee iě chlǐh-ɛ dǒ ɛ̍ kɛ̍n. Nyɔ̍ dɔɔ se̍ nynɛ̌ laa̍ juo mu̍. Nyɔ̍ ɔ̀ blě-a sɔɔ̌ laa̍-ɛ, ɔ̍ kɔn tɛ̀ ǐn sà-o.”

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”

Wlɛfeleseɔn 21:2

Iě ǐn jě tùgbàwlɔ̀ ɛ̀ kɔn-a dǒ Nyɔsoa we̍ ɛ̀ nu̍-a Juluslɛn wlɔ̀ delee-ɛ. Wlɔ̀ la ɛ̍ sɔ dě ja̍i̍wlɔ̀ dě Nyɔsoa we̍. Ɛ̍ po̍-eɛ gba̍a̍ ka nynɔ̌ delee pɛ̀ɛ̀ ɔ̍ iě jla̍ mu̍-ɛ.

Wlɛfeleseɔn 22:4

U̍h-a mu̍ ɔ̍ jua̍a̍ jě, wɛ̀ ɔ̍ nynɛ̌ iě chlǐh-ɛ dǒ u̍h jua̍i̍.

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.