Wlɛfeleseɔn 3:11 - Ku̍o̍ Delee 1999

¹¹ Ǎn mu̍ ji̍ suei̍. Tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n wɛ̀ nyɔ̍ dɔɔ je̍e mɔ̀-a blawɛ̌ mɔ̀ kwa̍a̍ sà.

Wlɛfeleseɔn 3:11 Iomraidhean Croise

1 Kɔwlɛntiɔn 9:25

Nyɔ̍ kli̍hgbɛ̍ ùh-a mu̍-a dlǔᵻ wɔ̍i̍n bla̍-ɛ, slɛ̌-a taǐn kli̍hgbɛ̍ bo u̍h-a nu̍. Blawɛ̌ jɛ mu̍-a jii̍ nyni-ɛ, ɛ̍ kɔn tìh bo u̍h-a nu̍ ìh la. Jɛ àɔ̀ nɔ̀ɔ̍-ɛ, à nu̍ ɛ̍-ɛ wɛ̀ à iě ɛ̀ se̍-a jii̍ nyni la kɔn-ɛ jě.

Felepai 4:5

Mɔ̀-a gba̍n gbɛ̍n-ɛ bo ɛ̀ iě mɔ̀-a sàànsi̍i̍h nu̍ dǒ nyɔ̍ kli̍hgbɛ̍ we̍. Joi nɛ à i̍ wɛ̀.

2 Timote 2:5

Nɛ̀ ple̍-nyɔ̍ ɔ̀ ke ɔ̍ ba̍ᵻá blaɛ-a dlǔᵻ wɔ̍i̍n-ɛ, pò ɔ̍ iě pà la̍ jě-ɛ, nɛ̀ ɔ̍ jě ɛ̍ telě kli̍hgbɛ̍ dɛ̍ɛ̍ sasǎ.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Chiin 1:12

Nyɔ̍ ɔ̀ ku̍-ae klì i̍ dǒ ɔ̍ i̍ tɛ̀n-ɛ we̍-ɛ, nɛ̀ ɔ̍ nmɔ i̍. Dɛ̍nu̍ɛ, nyɔ̍ ɔ̀ mu̍-a i̍ tɛ̀n-ɛ laa̍ i̍ nyna-ɛ, nɛ̀ ɔ̍ mu̍ kmɔ̌ sie feɛ-a blawɛ̌ tèè. Ɛ̍ kɔn wlu̍ bo Nyɔsoa po̍ tɔ̀ma̍a̍ dǒ nyɔ̍ kma-a ɔ̍ tìh-ɛ we̍.

Chiin 5:9

Ǐn de̍di̍i̍ᵻ, mɔ̀ bɔ̌ dɛ̍ᵻ jlǐh we̍ i̍ gba̍-a dě mɔ̀-a chɛ̀ nynɛ̌, wɛ̀ Nyɔsoa-a je̍e mɔ̀ tìh gbɛ̍n-ɛ. Tìh-a taɔ nynaɛ gbò wɔ̍n wɛ̀ ɔ̍ iě gbò pa̍.

Wlɛfeleseɔn 1:3

Nyɔ̍ ùh-a slè-a dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nɛ̀ u̍h nmɔ i̍. Nɛ̀ dɛ̍ᵻ ìh nɛ-a dě ɛ̍ di̍i̍ pò nyɔ̍ wɔ̌n i̍h, wɛ̀ u̍h iě i̍h i̍ gbɛ̍n-ɛ, nɛ̀ u̍h nmɔ i̍. Dɛ̍nu̍ɛ, ti̍ ìh la i̍h-a mu̍-a nɛ-ɛ, ɛ̍ kɔǎn we̍ wɛ̀.

Wlɛfeleseɔn 16:15

Klai la̍a̍, “Ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Jɛ nyɔ̍ ɔ̀ mu̍-a nyinɔ̍ jlǐh i̍ ku̍ wɛ̀ ɔ̍ iě-a ɔ̍ pa̍-dɛ̍ jlǐhɛ̍ tù-ɛ, nɛ̀ ɔ̍ se̍ gbaǎn chɛn mu̍ tɛ̀n iě ɔ̍ nu̍, nɛ̀ ɔ̍ nmɔ i̍.”

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:25

Jɛ tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n te̍e̍ wɛ̀ iě ji̍.

Wlɛfeleseɔn 22:12

Jusu la̍a̍, “Nɛ̀ɛ̍, ǎn mu̍ ji̍ suei̍. Nɛ̀ ǎn mu̍ pɛ̌ɛ la ja, wɛ̀ nyɔ̍ jɔ-ɛ, iě ɔ̍ pɛ̌ɛ dǒ dɛ̍ ɔ̍ nu̍-aɛ we̍.

Wlɛfeleseɔn 22:20

Jusu ɔ̀ bla̍-a ìh la-ɛ, ɔ̍ la̍a̍, “I̍i̍n, ǎn ji̍-i suei̍.” Kǎ ɛ̍-ɛ nɛ. Ji̍ Joi Jusu.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”

Wlɛfeleseɔn 3:3

Dɛ̍ᵻ ǐn poe-a mɔ̀ nǎ wɛ̀ mɔ̀ cheǎn-aɛ, mɔ̀ nu̍ i̍h wlùh we̍. Nɛ̀ mɔ̀ jě i̍h dɛ̍ɛ̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe. Jɛ pò mɔ̀ se̍ bloɔ̍ sɔ mu̍-ɛ, nɛ̀ ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Nɛ̀ mɔ̀ se̍ ti̍ ǎn mu̍-a ja-ɛ juo mu̍.

Wlɛfeleseɔn 4:10

nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ laa̍ u̍h kèàɛ i̍ dǒ ɔ̀ tè-a i̍ dǒ nynɛ̌ gbalǎ kɛ̍n-ɛ jǔ, ɔ̀ se̍-a mɛ̌ la̍ kɔn-ɛ. Iě u̍h-a sà ɔ̍ wɛɛ. Wɛ̀ u̍h-a pɛ̌n-ɛ u̍h-a blawɛ̌ᵻ i̍ dǒ nynɛ̌ gbalǎ jǔ. Nɛ̀ u̍h la̍a̍,

Wlɛfeleseɔn 4:4

Nynɛ̌ gbalǎ laa̍, nynɛ̌ gbalǎᵻá kwela sɔɔ̌n jɔ̌ nyìɛ̍ (24) bo ìh dlɛ̌ ɛ̍. Nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ bo ùh tìèe̍ i̍h di̍i̍ i̍. Nɛ̀ u̍h pa̍ jlii̍ plǔᵻ i̍, iě u̍h tèè kòo̍-a blawɛ̌ᵻ.