Wlɛfeleseɔn 3:10 - Ku̍o̍ Delee 1999

¹⁰ Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.

Wlɛfeleseɔn 3:10 Iomraidhean Croise

Matio 24:14

Nɛ̀ Nyɔsoa-a kmɔ̌ wlu̍ i̍ kɔn-ɛa pɔ̀n chɛ̀ la ɛ̍ tìh-a mu̍ bla̍-ɛ dě kmɔ̌ gbàǐ la we̍, nyɔ̍ kli̍hgbɛ̍ iě i̍h wɔ̌n. Wɛ̀ ti̍-a chlà-a iě ji̍-ɛ dǔ.

Matio 26:41

Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Matio 6:13

Bɔ̌ à blu̍ja̍a̍ gbǎ tìh i̍ wɔ̌ɛn, jɛ sèìe àɔ̀ dě Nyɔ̍ Sɔ̀n laa̍ kwa̍a̍. [Nɛ̀ɛ̍, àn kmɔ̌, ɛ̍ ke àn gbǐh, àn tìh-a i̍ bɛ̌-ɛ, mɔ̀ kɔn i̍h nɔ̌ kmɔ̌-a kmɔ̌. Kǎ ɛ̍-ɛ nɛ.]’

Pɔ̀n Chɛ̀ Maɛ To-a La 14:9

Tìh-a taǐn ǎn sèàɛ̍ mɔ̀ wlùh, tà nyɔ̍gbei-a mu̍-a Nyɔsoa-a pɔ̀n chɛ̀ la bla̍-ɛ nɔ̌ kmɔ̌ kli̍hgbɛ̍ la we̍-ɛ, nɛ̀ dɛ̍ nynɔ̌ la ɔ̍ nu̍-aɛ, u̍h-a mu̍ ɛ̍-ɛ sà ke, wɛ̀ nyɔ̍gbei iě ɔ̍ wlùh we̍ nu̍.”

Pɔ̀n Chɛ̀ Luu To-a La 2:1

Dǒ ti̍ laa̍ di̍i̍ bo Wloma nyɔ̍-a Bloa̍ Joi Akɔslɔ poe telě u̍h iě nyɔ̍ kli̍hgbɛ̍ nɛ-a dǒ blǔh laa̍ kɛ̍n-ɛ slè.

Chɔɔn 17:6

“Nyɔ̍ ìn sà-a kmɔ̌ ìn nyǐ-a m-ɛ, ǐn nu̍ ɛ̍ iě u̍h juo m̀ wɛ̀. U̍hɔ̍ɔ̍ àn nyɔ̍, iě ìn nyǐ u̍h m, wɛ̀ u̍h nu̍ àn wlu̍.

Wloma 1:8

Sàǐtòò-ɛ, ǐn po̍ ǎn Nyɔsoa tlɔ̌ dě Jusu Klai ja̍a̍ dǒ mɔ̀ kli̍hgbɛ̍ we̍. Dɛ̍nu̍ɛ, mɔ̀-a wlùh gbaɛ blě pɔ̀n wɔ̀ kmɔ̌ kli̍hgbɛ̍ la dlǔ.

1 Kɔwlɛntiɔn 10:13

Nyɔ̍ blu̍ja̍a̍ po̍-ɛ ɛ̀ ji̍-a nyɔ̍ kli̍hgbɛ̍ we̍-ɛ, ɛ̍ ba̍ bo ɛ̀ ji̍ mɔ̀ we̍ ke. Jɛ Nyɔsoa-a gblìh wlu̍ kɛ̍n. Nyɔ̍ i̍ tɛ̀n-ɛ ɛ̀ mu̍-a mɔ̀ klà sà-ɛ, ɔ̍ se̍ wɔ̌n mu̍ ɛ̍ iě mɔ̀ we̍ ji̍. Jɛ pò ɛ̍ ji̍ mɔ̀ we̍-ɛ, ɔ̍ mu̍ ɛ̍ nu̍ mɔ̀ iě-e klì i̍ ku̍, wɛ̀ mɔ̀ iě ɛ̍ wɔ̍i̍n wa̍n.

Ɛfɛsɔ 6:13

Ɛ̍ tìh-ɛ, mɔ̀ dǔ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ mɔ̀ iě i̍h-i pa̍. Nɛ̀ pò dɛ̍ᵻ sɔ̀nᵻ la i̍h ji̍-ɛ, nɛ̀ mɔ̀-a mu̍ i̍h i̍ nyna-a bɛ̌ɛ te̍e̍ wɛ̀ tu̍h la ɛ̍ iě chlà.

2 Timote 2:12

Pò à ku̍-e klì i̍ ma̍u̍-ɛ, nɛ̀ ɔ̍ ke à mu̍ kmɔ̌ wlu̍ i̍ kɔn. Pò à sà ɔ̍ dɛ kwa̍ i̍-ɛ, nɛ̀ ɔ̍ mu̍ à dɛ kwa̍ i̍ sà ke.

Chiin 3:12

Ǐn de̍di̍i̍ᵻ, fei-tu̍ se̍ ɔle-tu̍-a buǒᵻ po̍-ɛ bɛ̌ɛ. Nɛ̀ tlo-dbǔ se̍ bɛ̌ɛ ke ɛ̍ iě fei-tu̍-a buǒᵻ po̍. Kao̍dlu ɛ̀ nɛ-a tɔ̌n wɔ̍n-ɛ, ɛ̍ se̍ nǐ chɛ̀ po̍-ɛ bɛ̌ɛ.

1 Pitɛ 4:12

Ǎn tìh kma nyɔ̍, i̍ tɛ̀n-ɛ ja mɔ̀ jua̍i̍ sàɛ̀-ɛ, ɛ̍ bɔ̌ mɔ̀ i̍ kèle-ɛ, ka dɛ kaɛn nɛ nyɔ̍ jii-ɛ.

2 Pitɛ 2:9

Ka ɛ̍ nɛ-a ka-ɛ, nɛ̀ Joi juo ka ɔ̍ iě-a ɔ̍ nyɔ̍ sèìe-ɛ nu̍-ɛ. Wɛ̀ ɔ̍ juo ka ɔ̍ iě-a se̍ i̍ slɛ̌-nyɔ̍ kàn gbɛ̍n-ɛ nu̍ wɛ̀ ɔ̍ iě-a u̍h kwa̍ kɛ̍n tè te̍e̍ ɛ̍ iě-a sàwi̍h sì ti̍ jɛɛ-ɛ.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 11:10

Nɛ̀ blǔh nyɔ̍-a mu̍ mɔna̍-a gbǎ ùh sɔɔ̌n la u̍h-a mɛ̌ɛ tìh. U̍h-a mu̍ ɛ̍ peě nu̍, wɛ̀ u̍h iě dɛ̍ we̍ nyǐ-iɛ. Dɛ̍nu̍ɛ, tu̍owli po̍ nyɔ̍ sɔɔ̌n la u̍h dǔ wlɔ̀ nyi̍ɔ̍ jua̍i̍ sàɛ̀-ɛ se̍e̍.

Wlɛfeleseɔn 13:10

Nyɔ̍-o-nyɔ̍ ɔ̀ tu̍h nɛ-a gba̍ ka̍-ɛ, nɛ̀ tu̍h-a mu̍ ɔ̍ gba̍. Nyɔ̍-o-nyɔ̍ ɔ̀ nɛ-a plàn chlɛ̀n i̍ dbǎ-ɛ ka̍-ɛ, nɛ̀ ɔ̍ mu̍ plàn chlɛ̀n i̍ dbǎ-ɛ. Ka ɛ̍ nɛ-a ka-ɛ, nɛ̀ Nyɔsoa nyɔ̍ kɔn u̍h iě-e klì i̍ ku̍ u̍h iě wlùh gbaɛ blě.”

Wlɛfeleseɔn 13:14

Wɛ̀ ɛ̍ boe kmɔ̌ nyɔ̍ kli̍hgbɛ̍ i̍ dǒ jbaɛdih ɛ̍ sà-ɛa wlu̍ kɛ̍n iě ɛ̍ po̍-a dǒ sàǐtòò nmi̍ɛ̍ jlǐhwai-ɛ we̍. Wɛ̀ ɛ̍ po̍ nyɔ̍ kli̍hgbɛ̍ slǔh u̍h iě dɛ̍ mɛ̍ dǒ sàǐtòò nmi̍ɛ̍ la we̍, ɛ̀ plàn chlɛ̀n tba̍-a de iě ɛ̍ nɛ-a kmɔ̌ ke̍-ɛ.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 14:12

Ka ɛ̍ nɛ-a ka-ɛ, nɛ̀ Nyɔsoa-a nyɔ̍ ùh-a tè-ao ɔ̍ telě i̍, iě u̍h gbaɛ-a Jusu wlùh-ɛ, nɛ̀ u̍h kɔn u̍h iě-e klì i̍ ku̍.

Wlɛfeleseɔn 14:6

Wɛ̀ ǐn jě ǐnchɔ̀ dɛɛ, nɛ̀ ɛ̍ wa̍n-ɛ dě ja̍u̍n wlì. Nɛ̀ ɛ̍ blě kmɔ̌ sie tu̍owli ɛ̀ nu̍-a Nyɔsoa-a pɔ̀n chɛ̀-ɛ, ɛ̍ iě bla̍-ɛ dě nyɔ̍ tǐn-a nɔ̌ bloɔ̍-ɛ we̍, ùh nu̍-a dakɔ̍ ke, chɛ̌tu ke bloa̍ kli̍hgbɛ̍-ɛ.

Wlɛfeleseɔn 16:14

Jeědih ìh-a po̍-a jbaɛdih-ɛ bo. I̍h ple̍ blǔh baaᵻ kli̍hgbɛ̍ nɛ-a nɔ̌ kmɔ̌-ɛ we̍ i̍, i̍h iě u̍h tàdùè po̍. Wɛ̀ u̍h iě Nyɔsoa Ɔ̀ Blě-a Gbǐh Kli̍hgbɛ̍-ɛ we̍ fɔ̀n dǒ ɔ̍ wɔ̍n ku̍ weɛ̍ di̍i̍.

Wlɛfeleseɔn 17:2

Ɔ̍ ke kmɔ̌-a blǔh baaᵻ nu̍ gbǎn. Wɛ̀ ɛ̍ nu̍ ɛ̍ iě kmɔ̌ nyɔ̍ kli̍hgbɛ̍ nɛ sɔ̀ìà-a dǒ ɔ̍ pùn ka nmɔ̍-a nu̍ nyɔ̍-ɛ.”

Wlɛfeleseɔn 17:8

Nmi̍ɛ̍ ìn jě-aɛ, ɛ̍ nɛ kmɔ̌ de, jɛ ɛ̍ se̍ kmɔ̌ nɛ dɛ fu̍u̍. Jɛ ɛ̍ ji̍ la̍ dě kàn biě di̍i̍ sɔ la̍, wɛ̀ ɛ̍ iě-e gbɔ̀lɔ-ɛ. Kmɔ̌ nyɔ̍ juh kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ-ɛ, pò u̍h jě nmi̍ɛ̍ la-ɛ, nɛ̀ ɛ̍ mu̍ u̍h wɔ̍n flɔn-ɛ. Dɛ̍nu̍ɛ, ɛ̍ nɛ kmɔ̌ de, wɛ̀ ɛ̍ se̍ ka kmɔ̌ nɛ dɛ, iě ɛ̍ mu̍ la̍ ji̍ dode̍.

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.

Wlɛfeleseɔn 3:8

Ǐn juo mɔ̀-a nu̍-dɛ̍ᵻ. Ǐn juo ka mɔ̀ blě-a gbǐh-a dɛ̍wɛ-ɛ, jɛ mɔ̀ wɔ̀ dǒ ǎn nǎ po̍ wlu̍ de̍e̍, iě mɔ̀ se̍ mɔ̀-a wlùh gbaɛ i̍ tǎli. Ǐn flɔn-ɛ gbò wɔ̍n wɛ̀ dǒ mɔ̀ jǔ, ɛ̀ nyɔ̍ dɔɔ se̍-a ka̍n-a bɛ̌ɛ-ɛ.

Wlɛfeleseɔn 6:10

Wɛ̀ u̍h we̍le, u̍h la̍a̍, “Gbǐh Kɔn Joi mɔ̀ wɛ̀-a nɛi̍ wɛ̀ ìn nu̍-a gblangbai̍ nyɔ̍-ɛ, ti̍we̍ àn mu̍ nyɔ̍ nɛ-a dě kmɔ̌ we̍-ɛ kɛ̀n sà wɛ̀ ìè u̍h kàn gbɛ̍n à dbǎ-a tìh ɛ?”

Wlɛfeleseɔn 8:13

Wɛ̀ ǐn gbɛ̀n-e, iě ǐn wɔ̌n chìsǐ-a wlu, nɛ̀ ɛ̍ wa̍n-ɛ dě ja̍u̍n wlì, iě ɛ̍ we̍le. Ɛ̍ la̍a̍, “Chlě, chlě dǒ nyɔ̍ ùh nɛ-a nɔ̌ bloɔ̍ wɛ̀ bɔ̌ɛ-o ǐnchɔ̀ ta̍a̍n iě-a dɔ̍gbɛ̍ᵻ bla̍-ɛ we̍.”