Wlɛfeleseɔn 3:1 - Ku̍o̍ Delee 1999

¹ Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Sade wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a sùù mɛ̀sɔɔ̌n ìh-a dbee-a Nyɔsoa jǔ-ɛ ke chǔhtlɛ̀n mɛ̀sɔɔ̌n-ɛ we̍. Ǐn juo mɔ̀-a nu̍-dɛ̍ᵻ. Mɔ̀ wɔ̀ kmɔ̌ nɛ nyɔ̍, jɛ mɔ̀ mɛ̌-ɛ.

Wlɛfeleseɔn 3:1 Iomraidhean Croise

Pɔ̀n Chɛ̀ Luu To-a La 15:24

Dɛ̍nu̍ɛ, ǎn jǔ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ Wɛ̀ u̍h tè mɔna̍ nu̍-ɛ gbɔ̀.

Pɔ̀n Chɛ̀ Luu To-a La 15:32

À kɔn à iě mɔna̍ nu̍ à iě de̍le. Dɛ̍nu̍ɛ, ìn deǐ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ ”

Chɔɔn 1:16

Blɛ ɛ̀ jǐ-a dě ɔ̍ ja̍a̍-ɛ, ɛ̍ bo ɛ̀ jě-e à kli̍hgbɛ̍ pɔ̀ìě dɔu dɔu.

Chɔɔn 1:33

Ǎn chɛ̀ ǐn se̍ ɔ̍ juo de, jɛ ɔ̀ dbo̍-a m iě-a nyɔ̍ nǐ dlǔ po̍ dǒ nǐ we̍-ɛ, ɔ̍ bo ɔ̀ la̍a̍ dě ǐn we̍, ‘Jɔ̍gbau àn mu̍-a jě Nyɔsoa-a Sùù iě-a wlù ji̍ wɛ̀ ɛ̍ iě-a ɔ̍-ɔ gbǎ-ɛ, nɛ̀ ɔ̍-ɔ bo. Nyɔsoa-a Sùù bo ɛ̀ mu̍ nǐ nu̍ ɔ̍ iě mɔ̀ dlǔ po̍.’

Chɔɔn 20:22

Ɔ̍ bla̍-a ɛ̀ la-ɛ, wɛ̀ ɔ̍ po̍ u̍h poɔ. Iě ɔ̍ la̍a̍ dě u̍h we̍, “Mɔ̀ jě Nyɔsoa-a Sùù.

Chɔɔn 3:34

Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Nu̍-dɛ̍ᵻ 2:33

Ɔ̍-ɔ bo Nyɔsoa dǔ-a ka ja̍i̍ wɛ̀ dǒ ɔ̍ di̍na̍ we̍, iě ɔ̍ jě Sùù kɔn wlu̍ Baa Nyɔsoa po̍-a tɔ̀ma̍a̍-ɛ. Sùù ɔ̍ po̍-a àɔ̀ kɛ̍n-ɛ, ɛ̍ kɔn nu̍-dɛ̍ᵻ bo mɔ̀-a wɔ̌n-a, iě mɔ̀-a jě-a sèàn.

Ɛfɛsɔ 2:1

Ti̍ mɔ̀-a nu̍-a gblɛ̍n sɔ̀ɛ̀n mɔ̀-a wa̍-a Nyɔsoa-a telě-ɛ, nɛ̀ mɔ̀ mɛ̌ wlɔ̀ i̍ de.

Ɛfɛsɔ 2:5

Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Kalase 2:13

Mɔ̀ mɛ̌ wlɔ̀ i̍ de, dɛ̍nu̍ɛ, mɔ̀ɔ̍ gblɛ̍n sɔ̀ɛ̀n nyɔ̍ iě mɔ̀-a wlùh se̍ Nyɔsoa juo. Jɛ ka Nyɔsoa nu̍-ae Klai sà-aɛ, kǎ ɔ̍ nu̍ mɔ̀ wɛ̀ ke, iě ɔ̍ tǎli à gblɛ̍n sɔ̀ɛ̀n kli̍hgbɛ̍-a tìh i̍.

1 Timote 5:6

Jɛ tèwànynɔ̌ jɔ po̍-a ɔ̍ chɛ̀ gbale̍e̍-ɛ, ɔ̍ nɛ kmɔ̌ nɔ̀ɔ̍-o, jɛ nɛ̀ ɔ̍ mɛ̌ wɛ̀.

Chiin 2:26

Ɛ̀ kɔn ba̍ pò nyɔ̍-a sùù sì-ɛ, nɛ̀ ɔ̍ mɛ̌-aɛ, ɛ̍ kɔn ba̍ bo ke. Pò wlùh gbaɛ se̍ nu̍-dɛ̍ᵻ de̍e̍ nɛ-ɛ, nɛ̀ ɛ̍ mɛ̌-ɛ.

1 Pitɛ 1:11

Ka Klai-a mu̍-a jua̍i̍ sàɛ̀, wɛ̀ tìh-a i̍ bɛ̌-ɛ iě-a dǒ ɛ̍ de̍e̍ i̍ tba̍-aa, ti̍ i̍h-a mu̍-a nɛ-ɛ ke ka i̍h-a mu̍-a nɛ-ɛ nu̍-ɛ, ɛ̍ bo u̍h-a pɔ̀n juo-ɛ i̍. Iě Klai-a Sùù nɛ-a dě u̍h ja̍a̍-ɛ, wɛ̀ ɛ̍ sèàɛ̍ ɛ̍ we̍ i̍ dě u̍h we̍.

Judi 1:12

U̍h ke mɔ̀-a sɔ̍n jǔ gbo̍a̍ɛ-ɛ dǒ jbɛɛ dɛ̍ di̍ la̍-a ɛ̍ po̍ ɛ̍ mlɔ̌ wɔ̍n. Dɛ̍nu̍ɛ, u̍h ku̍ jii̍, iě u̍h-u gbɛ̍n u̍h-a chɛ̀ i̍. U̍h-a sì u̍h-a chɛ̀-a tìh sǔh. U̍h wɔ̀ nǐgbanᵻ ìh poɔ-a gba̍-a wɛ̀ i̍h-i dba̍-ɛa nǐ-ɛ. Tu̍ᵻ ìh kɔn tlo-o nɔɔ ji̍-a wɛ̀ i̍h-i tlo-aɛ, i̍h bo u̍h wɔ̀. Ɛ̍ kɔn i̍h wɔ̌li, wɛ̀ i̍h mɛ̌ jlɛjlɛ.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:16

Nɛ̀ ɔ̍ blě chǔhtlɛ̀n mɛ̀sɔɔ̌n dě ɔ̍ di̍na̍ kwa̍a̍. Wɛ̀ nmǎ-a plàn chlɛ̀n sɔ dě ɔ̍ wɔ̍ɔ̍n, iě ɔ̍ jua̍a̍-a fa̍n ka sìi̍ jlǔh-ɛ.

Wlɛfeleseɔn 1:20

Dɛ̍ᵻ ìh sìle-a ìh nu̍-a chǔhtlɛ̀n mɛ̀sɔɔ̌n ìn jě-a dě ǎn di̍na̍ kwa̍a̍-ɛ ke chlǎn nape̍ᵻá kɛ̍n tè dɛ̍ᵻ mɛ̀sɔɔ̌n laa̍ ìh nui-a kòo̍-ɛ, i̍h-a gbɔ̀ la. Chǔhtlɛ̀n mɛ̀sɔɔ̌n laa̍ bo ìh nu̍ Nyɔsoa-a ǐnchɔ̀ dǒ chɔchi̍h nyɔ̍ nɛ-a wlɔ̀ᵻ mɛ̀sɔɔ̌n di̍i̍-ɛ we̍. Wɛ̀ chlǎn nape̍ᵻá kɛ̍n tè dɛ̍ᵻ mɛ̀sɔɔ̌n nu̍ chɔchi̍h mɛ̀sɔɔ̌n-a chɛ̀.”

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:19

Ǐn juo mɔ̀-a nu̍-dɛ̍ᵻ ke, mɔ̀-a jbɛɛ-ɛ ke, mɔ̀-a wlùh gbaɛ ke nyɔ̍ jǔ dbee-ɛ. Mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ ku̍ i̍. Mɔ̀-a nu̍ la̍ dɛ̍ᵻ chɛ̀ dɔu ɛ̍ sìì ti̍ mɔ̀ sàɛ̀-a wlùh gbaɛ blě-ɛ i̍-ɛ.

Wlɛfeleseɔn 2:2

Ǐn juo mɔ̀-a nu̍-dɛ̍ᵻ ke mɔ̀-a kmu-u dbo̍ nu̍-ɛ ke wlùh i̍ gbɛ̍n-ɛ. Ǐn juo ka mɔ̀ faɛn-a dɛ̍ᵻ sɔ̀nᵻ nyɔ̍-ɛ. Mɔ̀ tɛ̀n nyɔ̍ ùh-a dǎɛ-a u̍h-a chɛ̀ Klai-a gba̍tòà jɛ nɛ̀ ɛ̍ se̍-a u̍h mɔ-ɛ. Wɛ̀ mɔ̀ juo u̍h-a si̍h tmɔ̌ tìh. Ǐn ju̍o̍e i̍h we̍ i̍ kli̍hgbɛ̍.

Wlɛfeleseɔn 2:9

Ɔ̍ la̍a̍, Ǐn juo ɛ̍-ɛ ka mɔ̀ pa̍-a nyɔ̍gbà iě mɔ̀-a sàɛ̀-a jua̍i̍-ɛ. Jɛ mɔ̀ pàn-ɛ o. Nyɔ̍ ùh se̍-a Juu nyɔ̍ wɛ̀ u̍h la̍ u̍h nu̍-a Juu nyɔ̍-ɛ, wlu̍ sɔ̀nᵻ u̍h-a po̍-a mɔ̀ pùn i̍-ɛ, ǐn ju̍o̍e i̍h we̍ i̍. Jɛ u̍h bo ùh nu̍ Setɔn-a nyɔ̍.

Wlɛfeleseɔn 3:15

Ǐn juo mɔ̀-a nu̍-dɛ̍ᵻ. Mɔ̀ se̍ seɔn nɛ iě mɔ̀ wɔ̍ se̍ jlo̍jlo̍ nɛ ke. Ǎn pɔ̀n mɔ̀ iě fɔ̌ due kɛ̍n gbǎ, jɛ mɔ̀ bɔ̌ dǒ wèa̍ nɛ-ɛ.

Wlɛfeleseɔn 3:2

Mɔ̀ sɔ bloɔ̍ mɔ̀ iě dɛ̍ ɛ̀ sie-aoɛ gbǐh we̍ po̍ duedɛ wɛ̀ ɛ̍-ɛ je̍e mɛ̌. Dɛ̍nu̍ɛ, nɛ̌ se̍a mɔ̀-a nu̍-dɛ̍ᵻá gblɛ̍ja̍i̍ wɛ̀ naɛ jě dǒ ǎn Nyɔsoa jlǐhwai.

Wlɛfeleseɔn 3:8

Ǐn juo mɔ̀-a nu̍-dɛ̍ᵻ. Ǐn juo ka mɔ̀ blě-a gbǐh-a dɛ̍wɛ-ɛ, jɛ mɔ̀ wɔ̀ dǒ ǎn nǎ po̍ wlu̍ de̍e̍, iě mɔ̀ se̍ mɔ̀-a wlùh gbaɛ i̍ tǎli. Ǐn flɔn-ɛ gbò wɔ̍n wɛ̀ dǒ mɔ̀ jǔ, ɛ̀ nyɔ̍ dɔɔ se̍-a ka̍n-a bɛ̌ɛ-ɛ.

Wlɛfeleseɔn 4:5

Nɛ̀ nǐ-a jlǐh chlɛ-ɛ ke tɛ̀n-ɛ plǎn-a ke slɛ̀-a sɔ dě nynɛ̌ gbalǎ-a chɛ̀ we̍. Nɛ̀ tàùᵻ mɛ̀sɔɔ̌n-a wa̍n-ɛ dǒ nynɛ̌ gbalǎ-a chɛ̀ jǔ. I̍h bo ìh nu̍ sùù mɛ̀sɔɔ̌n ìh-a dbee-a Nyɔsoa jǔ-ɛ.

Wlɛfeleseɔn 5:6

Wɛ̀ ǐn jě Blawɛ̌ Jǔ nɛ̀ ɔ̍ nyna i̍ dǒ nynɛ̌ gbalǎ-a wèa̍. Iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻ dlɛ̌ ɔ̍. Nɛ̀ ka nyɔ̍ dbǎ dɛ̍-ɛ, nɛ̀ kǎ ɔ̍ nɛ. Ɔ̍ blě gbɔ̀nᵻ mɛ̀sɔɔ̌n ke jlǐh mɛ̀sɔɔ̌n. Jlǐh mɛ̀sɔɔ̌n laa̍ bo ìh nu̍-a sùù mɛ̀sɔɔ̌n ìh-a dbee-a Nyɔsoa jǔ ìh dbo̍-ea kmɔ̌ kli̍hgbɛ̍ kɛ̍n i̍-ɛ.