Wlɛfeleseɔn 22:9 - Ku̍o̍ Delee 1999

⁹ Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ ke Nyɔsoa-a tu̍owli po̍ nyɔ̍ ke chlǐh-dɛ̍ la ɛ̍ wlu̍ i̍ gbɛ̍n nyɔ̍ nu̍-ɛɛ, kǎ ǐn nɛ ke. Nyɔsoa bo ìè wɛɛ sà.”

Wlɛfeleseɔn 22:9 Iomraidhean Croise

Matio 4:9

Wɛ̀ ɛ̍ la̍a̍ dě ɔ̍ we̍, “Pò ìn ja i̍ chlìi mu̍ dǒ ǐn jǔ wɛ̀ ìè ǐn wɛɛ sà-ɛ, nɛ̀ ǎn mu̍ ìn ìh kli̍hgbɛ̍ la nyǐ ìè i̍h kɔn.”

Pɔ̀n Chɛ̀ Luu To-a La 4:7

Pò ìn ja ǐn wɛɛ sà mu̍-ɛ, nɛ̀ mɔ̀ bo ǎn mu̍ ìh kli̍hgbɛ̍ la nyǐ.”

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 14:7

Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 22:10

Wɛ̀ ɛ̍ la̍a̍ dě ǐn we̍, “Bɔ̌ dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ sìle-ɛ, dɛ̍nu̍ɛ, ti̍ kɔǎn we̍ wɛ̀.

Wlɛfeleseɔn 22:18

Mɔ̍ Chɔɔn, ǎn gbòɛ̀ɛ̀ nyɔ̍ kli̍hgbɛ̍ ùh wɔ̌n-a dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ. Pò nyɔ̍-o-nyɔ̍ po̍ i̍h dɛ̍ kɛ̍n-ɛ, nɛ̀ dlǐ dɛ̍ᵻ ìh kɔn tìh sà-ɛa nɔ̌ chlǐh-dɛ̍ la di̍i̍-ɛ, nɛ̀ i̍hɔ̍ɔ̍ bo Nyɔsoa-a mu̍ ɔ̍ kàn gbɛ̍n-ɛ.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”

Wlɛfeleseɔn 4:10

nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ laa̍ u̍h kèàɛ i̍ dǒ ɔ̀ tè-a i̍ dǒ nynɛ̌ gbalǎ kɛ̍n-ɛ jǔ, ɔ̀ se̍-a mɛ̌ la̍ kɔn-ɛ. Iě u̍h-a sà ɔ̍ wɛɛ. Wɛ̀ u̍h-a pɛ̌n-ɛ u̍h-a blawɛ̌ᵻ i̍ dǒ nynɛ̌ gbalǎ jǔ. Nɛ̀ u̍h la̍a̍,

Wlɛfeleseɔn 9:20

Nyɔ̍ kli̍hgbɛ̍ ùh dlǐ dɛ̍ᵻ la i̍h se̍-a dbǎ-ɛ, u̍h se̍-e i̍ bǐi dǒ u̍h-a chɛ̀-a nu̍-dɛ̍ᵻ we̍. U̍h se̍ jeědih wɛɛ sà-a i̍ tǎli, ɛ̍ ke kwɛ̍i̍n gbo̍ᵻ u̍h nui-a kòo̍ ke, sebla̍ ke, tìɛ̀n ke, sɔɔ̌ ke tu̍ᵻɛ́ ke. I̍h se̍ i̍ jě-ɛ ke, na-a ke i̍ wɔ̌n-ɛ bɛ̌ɛ.