Wlɛfeleseɔn 22:6 - Ku̍o̍ Delee 1999

⁶ Wɛ̀ ǐnchɔ̀ la̍a̍ dě ǐn we̍, “Wlu̍ la i̍h nu̍ gblangbai̍ ke wlì tè dɛ̍. Joi Nyɔsoa ɔ̀ nyǐ-a ɔ̍ tu̍owli po̍ nyɔ̍ ɔ̍ Sùù-ɛ, ɔ̍ bo ɔ̀ dbo̍ ɔ̍ ǐnchɔ̀ ɛ̍ iě ɔ̍ pòi̍nynuu̍ dɛ̍ ɛ̀ mu̍-a nɛ suei̍-ɛ toe.”

Wlɛfeleseɔn 22:6 Iomraidhean Croise

Matio 13:41

Nyi̍ɔ̍-a Jǔ-a mu̍ ɔ̍ ǐnchɔ̀ dbo̍, wɛ̀ nyɔ̍ kli̍hgbɛ̍ ùh-a po̍-a nyɔ̍gbei dɛ̍ᵻ sɔ̀nᵻ kɛ̍n, ɛ̍ ke juh kli̍hgbɛ̍-a nu̍-a gblɛ̍n sɔ̀ɛ̀n dě Nyɔsoa-a kmɔ̌ wlu̍ i̍ kɔn-ɛ di̍i̍-ɛ, wɛ̀ i̍h iě u̍h wlù i̍ sà.

Pɔ̀n Chɛ̀ Luu To-a La 1:70

Ɛ̍ kɔn wlu̍ bo ɔ̍ po̍ tɔ̀ma̍a̍ tɛin se̍e̍ dě ɔ̍ tu̍owli po̍ nyɔ̍ ja̍a̍,

Pɔ̀n Chɛ̀ Luu To-a La 16:16

“Mose-a telě ke Nyɔsoa-a tu̍owli po̍ nyɔ̍-a chlǐh-dɛ̍ᵻ nɛ-ɛ se̍e̍, wɛ̀ Chɔɔn ɔ̀ po̍-a nyɔ̍ nǐ dlǔ-ɛ dǔ wlǔh-ɛ. Sɔ dǒ ti̍ laa̍ di̍i̍-ɛ, pɔ̀n chɛ̀ ɛ̀ kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ, ɛ̍ dǔ-a bla̍-ɛɛ bo ɛ̍ blě-a. Wɛ̀ nyɔ̍ kli̍hgbɛ̍-a fɔ̀n dɛ̍ we̍ u̍h iě dě ɛ̍ di̍i̍ gbǎ.

Nu̍-dɛ̍ᵻ 12:11

Wɛ̀ Pitɛ ji̍ ɔ̍ chɛ̀ we̍, iě ɔ̍ la̍a̍, “Jɛwɛ̀ ǐn juo-o dɛ̍ i̍. Joi dbo̍ ǐnchɔ̀ iě ɛ̍ sèìe m dě Ɛlo kwa̍a̍ ɛ̍ ke dɛ̍ᵻ kli̍hgbɛ̍ ìh kɔn tìh Juu nyɔ̍ gbàɛ̀-a ìh iě-a ǐn jii̍ nɛ de-ɛ ke.”

Nu̍-dɛ̍ᵻ 3:18

Jɛ ɛ̀ Nyɔsoa sà-a dě ɔ̍ tu̍owli po̍ nyɔ̍ kli̍hgbɛ̍ ja̍a̍ tɛin-ɛ, ɛ̍ gbǎ chɛ̀-ɛ wɛ̀. Ɔ̍ la̍ ɔ̍ Chèɛ̀ Tba̍ju-a mu̍ jua̍i̍ sàɛ̀.

Wloma 1:2

Pɔ̀n chɛ̀ la Nyɔsoa po̍ ɛ̍ wlu̍ tɔ̀ma̍a̍ tɛin se̍e̍ dě ɔ̍ tu̍owli po̍ nyɔ̍ ja̍a̍, iě u̍h chlǐh ɛ̍ dě ɔ̍ wlu̍ di̍i̍.

1 Kɔwlɛntiɔn 14:32

Nyɔsoa-a tu̍owli po̍ nyɔ̍ kɔn u̍h-a chɛ̀-a nyǐ-dɛ̍ᵻ wlu̍ i̍.

1 Kɔwlɛntiɔn 7:29

Ǐn de̍di̍i̍ᵻ, dɛ̍ ǎn sèàɛ̍-a mɔ̀ wlùh-ɛ, ɛ̍ nu̍ ti̍ sie-a dǒ à jǔ-ɛ, ɛ̍ se̍ dlǔ tɛn dɛ. Sɔ da̍a sèàn blǐ-ɛ, jɔ̍gbauᵻ ùh blě-a nynɔ̌gbaɔᵻɛ́, ka nyɔ̍ se̍ nynɔ̌ blě-ɛ bo u̍h iě-e nɛ.

2 Tɛsoloniɔn 1:7

Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

Iblu 12:9

Ɛ̍ se̍-o siee, à kli̍hgbɛ̍ à blě à kmɔ̌ we̍ baaᵻ. U̍h-a sà à gblɛ̍n kwa̍ i̍ iě à jě u̍h dɛ̍ɛ̍. Jɛ nɛ̀ jɔ nu̍-a à Baa Nyɔsoa dě ja̍i̍wlɔ̀-ɛ, dǒ ɔ̍ we̍ à se̍ à chɛ̀ wlù ja-ɛ mu̍ wɛ̀ à iě kmɔ̌ nɛ ae?

2 Pitɛ 1:21

Dɛ̍nu̍ɛ, nyɔ̍-ɔ tè-o i̍ tèè wɛ̀ ɔ̍-ɔ po̍ Nyɔsoa-a tu̍owli, jɛ nyɔ̍ Nyɔsoa-a Sùù dǔ-a i̍-ɛ, ɔ̍-ɔ bo ɔ̀ po̍ Nyɔsoa-a tu̍owli.

2 Pitɛ 3:2

Wlu̍ Nyɔsoa-a tu̍owli po̍ nyɔ̍ bla̍-a dě mɔ̀ we̍ tɛin-ɛ, ǎn pɔ̀n mɔ̀ iě i̍h wlùh we̍ nu̍, ɛ̍ ke à Joi ɔ̀ nu̍-a à Sèìe Nyɔ̍-ɛ, ɔ̍ nyɔ̍ slǔh po̍-ɛ ɔ̍ jaɛ-a dě mɔ̀-a gba̍tòà ja̍a̍-ɛ ke.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 19:9

Wɛ̀ ǐnchɔ̀ la̍a̍ dě ǐn we̍, “Chlǐh ɛ̀ la. Nyɔ̍ ùh dǎ-ɛa dǒ Blawɛ̌ Jǔ-a nynɔ̌ peě kɛ̍n-ɛ, nɛ̀ u̍h nmɔ i̍.” Iě ɛ̍ la̍a̍ dɛ, “Ìh la̍ Nyɔsoa-a tìh-a taǐn tu̍owli bo.”

Wlɛfeleseɔn 21:5

Wɛ̀ ɔ̀ tè-a i̍ dǒ nynɛ̌ gbalǎ kɛ̍n-ɛ la̍a̍, “Ǎn nu̍ la̍ dɛ̍ᵻ kli̍hgbɛ̍ delee we̍i̍.” Ɔ̍ la̍a̍ dě ǐn we̍ ke, “Chlǐh ɛ̀ la, dɛ̍nu̍ɛ, wlu̍ la i̍h nu̍ gblangbai̍ ke wlì tè dɛ̍.”

Wlɛfeleseɔn 21:9

Wɛ̀ ǐnchɔ̀ mɛ̀sɔɔ̌n laa̍ ìh blě-a boo̍ᵻ mɛ̀sɔɔ̌n ìh bɔ̌ɛ-o dlǐ dɛ̍ᵻ mɛ̀sɔɔ̌n jǐ-a dě di̍i̍-ɛ, iě i̍h-a due ji̍. Iě ɛ̍ la̍a̍ dě ǐn we̍, “Ji̍, ǎn mu̍ ìn Nynɔ̌ Delee toe ɔ̀ nu̍-a Blawɛ̌ Jǔ-a nynɔ̌-ɛ.”

Wlɛfeleseɔn 22:1

Wɛ̀ ǐnchɔ̀ toe ǐn nǐ klaa ɛ̀ nyǐ-a nyɔ̍ feɛ-ɛ, nɛ̀ ɛ̍ sɔ-ɛɛ dě Nyɔsoa ke Blawɛ̌ Jǔ-a nynɛ̌ gbalǎ we̍. Ɛ̍ nɛ wlihwlǐh ka klàsi̍-ɛ.

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”

Wlɛfeleseɔn 4:1

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě gbò wɔ̍n dě ja̍i̍wlɔ̀, nɛ̀ ɛ̍ flɔn wɔ̍n ba̍a̍. Wɛ̀ wlu̍ ɛ̀ ke dɔ̍gbɛ̍-a wlu̍ wɔ̀ɛ-a ǐn wɔ̌n-a sàì-ɛ, ɛ̍ la̍a̍ dě ǐn we̍ dɛ, “Ji̍ nɔ̌ ja̍i̍ nɔ̍ɔ̀, wɛ̀ iě ìn dɛ̍ ɛ̀ kɔn ɛ̀ iě-a nɛ dě nya̍-ɛ toe.”