Wlɛfeleseɔn 22:3 - Ku̍o̍ Delee 1999

³ Dɛ̍ ɛ̀ Nyɔsoa po̍-a wlu̍we̍i̍-ɛ, ɛ̍ se̍ dǒ wlɔ̀ laa̍ di̍i̍ nɛ mu̍. Nyɔsoa ke Blawɛ̌ Jǔ-a nynɛ̌ gbalǎ bo ɛ̀ mu̍ dǒ wlɔ̀ laa̍ di̍i̍ nɛ, wɛ̀ ɔ̍ pòi̍nynuu̍ iě ɔ̍ wɛɛ sà.

Wlɛfeleseɔn 22:3 Iomraidhean Croise

Matio 25:21

Wɛ̀ ɔ̍ dlǔtu la̍a̍, ‘Ɛ̍ nmɔ jii̍. Mɔ̀ pòi̍ju chɛ̀, iě ìn nu̍ wlì tè nyɔ̍. Ka nyɔ̍-a tè-a la̍ ìn wlì dǒ dɛ̍ juwɛ we̍-ɛ, nɛ̀ ǎn mu̍ ìn dǒ dɛ̍ᵻ dɔu dlǔwèàì po̍. Ji̍ ìn ke ǐn ke à iě sɔ̍n jǔ gbo̍a̍ɛ.’

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Chɔɔn 12:26

Nyɔ̍-o-nyɔ̍ ɔ̀ pɔ̀n-a ǐn jǔ dbee-ɛ i̍-ɛ, nɛ̀ ɔ̍ kɔn ɔ̍ iě dǒ ǐn de̍e̍ gbǎ. Wɛ̀ tà ǐn nɛ-aɛ, ǎn pòi̍ju iě-o nɛ ke. Nyɔ̍ ɔ̀ mu̍-a ǐn jǔ dbee-ɛ, ǐn Baa-a mu̍ ɔ̍ ja̍ tè.

Chɔɔn 13:32

Nɛ̀ pò ɔ̍ bɛ̌-ɛ Nyɔsoa-a nynɛ̌ i̍ wɛ̀-ɛ, nɛ̀ Nyɔsoa-a chɛ̀-a mu̍ ɔ̍ nynɛ̌ i̍ bɛ̌-ɛ ke. Nyɔsoa-a mu̍ ɛ̍ nu̍ suei̍.

Chɔɔn 14:3

Nɛ̀ pò ǐn mu̍ wɛ̀ iě tà gba̍a̍ po̍ dǒ mɔ̀ we̍-ɛ, nɛ̀ ǎn mu̍ de̍ ji̍ dɛ, wɛ̀ iě mɔ̀ dě ǐn we̍ gba̍. Wɛ̀ tà ǐn nɛ-aɛ, mɔ̀ iě-o nɛ ke.

Chɔɔn 17:24

“Baa, nyɔ̍ ìn nyǐ-a m-ɛ, ǎn pɔ̀n tà ǐn nɛ-aɛ, u̍h iě-o nɛ ke. Wɛ̀ u̍h iě ǎn tìh-a i̍ bɛ̌-ɛ ìn nyǐ-a m-ɛ jě. Ìn nyǐ ɛ̍ m, dɛ̍nu̍ɛ, ìn jbɛɛ m wɛ̀ kmɔ̌ la ɛ̍ dǔ nui-ɛɛ.

Wlɛfeleseɔn 7:10

Wɛ̀ u̍h-a wǐi i̍, u̍h la̍a̍, “À Nyɔsoa ɔ̀ tè-a i̍ dǒ nynɛ̌ gbalǎ kɛ̍n-ɛ ke Blawɛ̌ Jǔ sèìe àɔ̀.”

Wlɛfeleseɔn 7:9

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě nyɔ̍ tlùgbei̍ ùh nyɔ̍ se̍-a slè-ɛ bɛ̌ɛ-ɛ. U̍h sɔ dě dakɔ̍ kli̍hgbɛ̍ ke chɛ̌tu kli̍hgbɛ̍ ke bloa̍ kli̍hgbɛ̍ di̍i̍ i̍. Nɛ̀ u̍h nyna-ɛ i̍ dǒ nynɛ̌ gbalǎ ke Blawɛ̌ Jǔ jǔ. Nɛ̀ u̍h pa̍ plɛ̀i̍ plǔᵻ i̍, iě u̍h blě ju̍hᵻ wlɔ̍nᵻ kwa̍ i̍.