Wlɛfeleseɔn 22:20 - Ku̍o̍ Delee 1999

²⁰ Jusu ɔ̀ bla̍-a ìh la-ɛ, ɔ̍ la̍a̍, “I̍i̍n, ǎn ji̍-i suei̍.” Kǎ ɛ̍-ɛ nɛ. Ji̍ Joi Jusu.

Wlɛfeleseɔn 22:20 Iomraidhean Croise

Chɔɔn 21:25

Jusu nu̍ dɛ̍ᵻ dɔu diih. Pò i̍h kli̍hgbɛ̍ chlǐh-ɛ de-ɛ, ǐn juo ɛ̍-ɛ nɛ̀ i̍h-a chlǐh-dɛ̍ᵻ se̍ po̍ la̍ kɔn mu̍ da̍a kmɔ̌ la we̍ de.

1 Kɔwlɛntiɔn 16:22

Pò nyɔ̍-o-nyɔ̍ se̍ Joi-i jbɛɛ-ɛ, nɛ̀ ɔ̍ mu̍ pǎ poe-ɛ. Ji̍ suei̍, à Joi.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Iblu 10:37

Ɛ̍ kɔn Nyɔsoa-a wlu̍ la̍a̍, “Ɛ̍ se̍ ti̍ tɔ̀ɔ̀n gba̍ mu̍, nɛ̀ nyɔ̍ ɔ̀ mu̍-a ji̍-ɛ, ɔ̍ mu̍ ji̍. Ɔ̍ se̍ de̍ wlè mu̍.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

Wlɛfeleseɔn 1:18

Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.

Wlɛfeleseɔn 1:2

Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 2:16

Mɔ̀ bǐi i̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe duedɛ. Jɛ pò ɛ̍ se̍ la̍a̍n nɛ-ɛ, nɛ̀ ǎn mu̍ dě mɔ̀ we̍ ji̍ suei̍ wɛ̀ iě nyɔ̍ laa̍ we̍ fɔ̀n dǒ plàn chlɛ̀n sɔ-a dě ǐn wɔ̍ɔ̍n-ɛ we̍.

Wlɛfeleseɔn 22:10

Wɛ̀ ɛ̍ la̍a̍ dě ǐn we̍, “Bɔ̌ dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ sìle-ɛ, dɛ̍nu̍ɛ, ti̍ kɔǎn we̍ wɛ̀.

Wlɛfeleseɔn 22:12

Jusu la̍a̍, “Nɛ̀ɛ̍, ǎn mu̍ ji̍ suei̍. Nɛ̀ ǎn mu̍ pɛ̌ɛ la ja, wɛ̀ nyɔ̍ jɔ-ɛ, iě ɔ̍ pɛ̌ɛ dǒ dɛ̍ ɔ̍ nu̍-aɛ we̍.

Wlɛfeleseɔn 22:18

Mɔ̍ Chɔɔn, ǎn gbòɛ̀ɛ̀ nyɔ̍ kli̍hgbɛ̍ ùh wɔ̌n-a dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ. Pò nyɔ̍-o-nyɔ̍ po̍ i̍h dɛ̍ kɛ̍n-ɛ, nɛ̀ dlǐ dɛ̍ᵻ ìh kɔn tìh sà-ɛa nɔ̌ chlǐh-dɛ̍ la di̍i̍-ɛ, nɛ̀ i̍hɔ̍ɔ̍ bo Nyɔsoa-a mu̍ ɔ̍ kàn gbɛ̍n-ɛ.

Wlɛfeleseɔn 22:7

Jusu la̍a̍, “Nɛ̀ɛ̍, ǎn mu̍ ji̍ suei̍. Chlǐh-dɛ̍ la dɛ̍ ɛ̍ sà-a ìh-a nɛ-a ke jih-a mu̍-a nɛ dě nya̍-ɛ, nyɔ̍ ùh gbɛ̍n-a ɛ̍ i̍-ɛ, nɛ̀ u̍h nmɔ i̍.”