Wlɛfeleseɔn 22:17 - Ku̍o̍ Delee 1999

¹⁷ Nyɔsoa-a Sùù ke Nynɔ̌ Delee la̍a̍ dě Jusu we̍, “Ji̍.” Nɛ̀ nyɔ̍ jɔ wɔ̌n-a ɛ̀ la-ɛ, nɛ̀ ɔ̍ la̍a̍ dě Jusu we̍ ke, “Ji̍.” Nyɔ̍ ɔ̀ nǐ nǎ tɔ̌n-a nu̍-aɛ, ɔ̍ ji̍. Nɛ̀ nyɔ̍ jɔ pɔ̀n-a nǐ ɛ̀ nyǐ-a nyɔ̍ feɛ-ɛ, ɔ̍ dǔ ɛ̍-ɛ bu̍ɛ̍i̍.

Wlɛfeleseɔn 22:17 Iomraidhean Croise

Chɔɔn 1:37

Dɛ̍ ɔ̍ bla̍-ɛ, ɛ̍ bo ɔ̍ kòà nɛ-a sɔɔ̌n-ɛ u̍h wɔ̌n iě u̍h gbǎ dǒ Jusu de̍e̍.

Chɔɔn 4:10

Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Chɔɔn 4:11

Iě nynɔ̌ la̍a̍, “Nyɔ̍ klaa, nǐ biě la ɛ̍ tɛn di̍i̍, iě ìn se̍ nǐ plǐn dɛ̍ blě, nɛ̀ tàwe̍ àn mu̍ nǐ ɛ̀ nyǐ-a nyɔ̍ feɛ-ɛ sà ɛ?

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Chɔɔn 4:29

“Mɔ̀ ji̍, jɔ̍gbau ɔ̀ bla̍-a dɛ̍ᵻ kli̍hgbɛ̍ ǐn dǔ-a nu̍-ɛɛ we̍i̍ dě ǐn we̍-ɛ, mɔ̀ iě ɔ̍ jě. Ɔ̀ la, ɔ̍ nɛ Chèɛ̀ Tba̍ju nu̍ ka̍ o.”

Chɔɔn 7:37

Peě-a bɔ̌ɛ-o weɛ̍ ɛ̀ ku̍-a wɔ̍n-ɛ, dǒ ɛ̍ di̍i̍ bo Jusu nyna-ɛ i̍ iě ɔ̍ wǐ, ɔ̍ la̍a̍, “Nyɔ̍-o-nyɔ̍ ɔ̀ kɔn wlì-a bǔ-aɛ, nɛ̀ ɔ̍ ji̍ nɔ̌ ǐn we̍ ɔ̍ iě nǐ nǎ.

Wloma 3:24

Nyɔsoa-a bu̍ɛ̍i̍ blɛ ɔ̍ nu̍-a u̍h pùn-ɛ bo ɛ̀ slɛ̌-ɛ u̍h i̍ dě ɔ̍ jlǐh. Jusu Klai ɔ̀ sà-a u̍h dě kàn kwa̍a̍-a dě ɔ̍ ja̍a̍ bo ɛ̍ jii.

1 Kɔwlɛntiɔn 2:12

À se̍ kmɔ̌ we̍ sùù-a tìh i̍ wɔ̌ɛn, jɛ Sùù sɔ-a dě Nyɔsoa we̍-ɛ, ɛ̍ tìh bo à wɔ̌ɛn wɛ̀ ɛ̍ iě kmɔ̌ nɛ à iě dɛ̍ᵻ kli̍hgbɛ̍ Nyɔsoa nyǐ-a àɔ̀-ɛ we̍ i̍ ju̍o̍e.

Wlɛfeleseɔn 14:13

Wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Chlǐh wlu̍ la. Sɔ da̍a sèàn blǐ nyɔ̍ ùh ke Joi nɛ-a due wɛ̀ u̍h mɛ̌-aɛ, nɛ̀ u̍h nmɔ i̍.” Nyɔsoa-a Sùù la̍a̍, “Nɛ̀ u̍h nmɔ i̍ kaa̍, u̍h-a mu̍ feɛ i̍ jě. Dɛ̍nu̍ɛ, u̍h-a nu̍-dɛ̍ᵻ wɔ̀ dǒ u̍h de̍e̍.”

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”

Wlɛfeleseɔn 21:2

Iě ǐn jě tùgbàwlɔ̀ ɛ̀ kɔn-a dǒ Nyɔsoa we̍ ɛ̀ nu̍-a Juluslɛn wlɔ̀ delee-ɛ. Wlɔ̀ la ɛ̍ sɔ dě ja̍i̍wlɔ̀ dě Nyɔsoa we̍. Ɛ̍ po̍-eɛ gba̍a̍ ka nynɔ̌ delee pɛ̀ɛ̀ ɔ̍ iě jla̍ mu̍-ɛ.

Wlɛfeleseɔn 21:6

Iě ɔ̍ la̍a̍ dě ǐn we̍, “Ɛ̍ wɛ̀ i̍ wɛ̀. Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a. Mɔ̍ bo ɔ̀ nu̍ de̍ ke nya̍. Nyɔ̍ ɔ̀ nǐ nǎ tɔ̌n-a nu̍-aɛ, nɛ̀ ǎn mu̍ ɔ̍ nǎ-nǐ ɛ̀ sɔ-a dě kao̍dlu ɛ̀ nyǐ-a nyɔ̍ feɛ-ɛ nyǐ bu̍ɛ̍i̍.

Wlɛfeleseɔn 21:9

Wɛ̀ ǐnchɔ̀ mɛ̀sɔɔ̌n laa̍ ìh blě-a boo̍ᵻ mɛ̀sɔɔ̌n ìh bɔ̌ɛ-o dlǐ dɛ̍ᵻ mɛ̀sɔɔ̌n jǐ-a dě di̍i̍-ɛ, iě i̍h-a due ji̍. Iě ɛ̍ la̍a̍ dě ǐn we̍, “Ji̍, ǎn mu̍ ìn Nynɔ̌ Delee toe ɔ̀ nu̍-a Blawɛ̌ Jǔ-a nynɔ̌-ɛ.”

Wlɛfeleseɔn 22:1

Wɛ̀ ǐnchɔ̀ toe ǐn nǐ klaa ɛ̀ nyǐ-a nyɔ̍ feɛ-ɛ, nɛ̀ ɛ̍ sɔ-ɛɛ dě Nyɔsoa ke Blawɛ̌ Jǔ-a nynɛ̌ gbalǎ we̍. Ɛ̍ nɛ wlihwlǐh ka klàsi̍-ɛ.

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”

Wlɛfeleseɔn 7:17

Dɛ̍nu̍ɛ, Blawɛ̌ Jǔ ɔ̀ nɛ-a dǒ nynɛ̌ gbalǎ-a wèa̍-ɛ, ɔ̍ bo ɔ̀ mu̍ u̍h jlǐhɛ̍ we̍ tù ka blawɛ̌ we̍ i̍ gbɛ̀n nyɔ̍-ɛ. Ɔ̍ mu̍ u̍h sɔ̍nᵻ we̍ i̍ naɛ, wɛ̀ ɔ̍ iě u̍h dě kao̍dlu ɛ̀ nyǐ-a nyɔ̍ feɛ-ɛ we̍ gba̍. Wɛ̀ Nyɔsoa iě u̍h mǐtɛɛn kli̍hgbɛ̍ jlǐh i̍ slǎn.”